ಝೊನೇಟ್ ಎಲೆ ಚುಕ್ಕೆ

ರೋಗಲಕ್ಷಣಗಳು

ಈ ರೋಗದ ಲಕ್ಷಣಗಳು ಎಲೆಗಳು, ಎಲೆಯ ಕವಚಗಳು ಮತ್ತು ಗೊಂಚಲುಗಳಲ್ಲಿ ಕಂಡುಬರುತ್ತವೆ. ಎಲೆಗಳ ಮೇಲೆ, ಕೆಂಪು ಮಿಶ್ರಿತ ಕಂದು ಬಣ್ಣದ, ನೀರಿನಲ್ಲಿ-ನೆನೆಸಿದಂತಹ ಕಲೆಗಳು ಕಾಣಿಸಿಕೊಳ್ಳುತ್ತವೆ. ಕೆಲವೊಮ್ಮೆ ಈ ಕಲೆಗಳಿಗೆ ಕಿರಿದಾದ, ತಿಳಿ ಹಸಿರು ಬಣ್ಣದ ಉಂಗುರ ಇರುತ್ತದೆ. ಅವು ಗಾತ್ರದಲ್ಲಿ ಬೆಳೆದಂತೆ, ಸುತ್ತಲೂ ಕೆಂಪು ಬಣ್ಣದ ಅಂಚಿರುವ ಮಧ್ಯದಲ್ಲಿ ತಿಳಿ ಕಂದು ಬಣ್ಣದಲ್ಲಿರುವ ಗಾಯಗಳಾಗಿ ಬೆಳೆಯುತ್ತವೆ. ಇವು ಎಲೆಯ ಅಂಚಿನುದ್ದಕ್ಕೂ ಇದ್ದರೆ ಅರ್ಧವೃತ್ತಾಕಾರವಾಗಿರುತ್ತವೆ ಮತ್ತು ಮಧ್ಯನಾಳದ ಹತ್ತಿರ ಇದ್ದರೆ ವೃತ್ತಾಕಾರದಲ್ಲಿರುತ್ತವೆ. ವಿಶಿಷ್ಟವಾದ ತೆಳು ಮತ್ತು ಗಾಢ ಉಂಗುರಗಳು ಒಂದರ ನಂತರ ಒಂದು ಅಥವಾ ಝೊನೇಟ್ ಮಾದರಿಯಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತವೆ. ಅಂತಿಮವಾಗಿ, ಸೋಂಕು ತೀವ್ರವಾದಾಗ ಗಾಯಗಳೆಲ್ಲಾ ಸೇರಿ ಎಲೆಯನ್ನು ಸಂಪೂರ್ಣವಾಗಿ ಆವರಿಸುತ್ತವೆ. ಎಲೆಗಳ ಕವಚಗಳ ಮೇಲೆ, ಗಾಢ ಕೆಂಪು ಬಣ್ಣದಿಂದ ಕಪ್ಪು-ಕೆನ್ನೇರಳೆ ಅಥವಾ ಕಂದು ಬಣ್ಣದ ಗಾಯಗಳು ವಿವಿಧ ಎತ್ತರ, ಆಕಾರ ಮತ್ತು ಗಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಸೋಂಕಿತ ಎಲೆ, ಕವಚಗಳು ಹಳದಿ ಬಣ್ಣಕ್ಕೆ ತಿರುಗುತ್ತವೆ, ಕಳೆಗುಂದುತ್ತವೆ ಮತ್ತು ಸಾಯುತ್ತವೆ. ಹಲವಾರು ಶಿಲೀಂಧ್ರಗಳ ರಚನೆಗಳನ್ನು(ಸ್ಕ್ಲೆರೋಟಿಯಾ) ಈ ಒಣ ಗಾಯಗಳಲ್ಲಿ ಕಾಣಬಹುದು. ಸೋಂಕಿಗೊಳಗಾದ ಹೂಗೊಂಚಲುಗಳು ಹಾಳಾಗುತ್ತವೆ.