ಬೋಟ್ರೈಟಿಸ್ ಸೋಂಕು

ರೋಗಲಕ್ಷಣಗಳು

ಎಲೆ, ಚಿಗುರು, ಮೊಗ್ಗು ಅಥವಾ ಹಣ್ಣುಗಳ ಮೇಲೆ ಅತಿಯಾದ ಬೂಷ್ಟಿನ ಬೆಳವಣಿಗೆಯು ಅತ್ಯಂತ ಗಮನಾರ್ಹವಾದ ಲಕ್ಷಣವಾಗಿದೆ. ಆರಂಭದಲ್ಲಿ, ನೆಲಕ್ಕೆ ತಾಕಿಕೊಂಡಿರುವ ಅಥವಾ ಏಟಾಗಿರುವ ಭಾಗಗಳಲ್ಲಿ ಗಾಢ ಕಂದು ಅಥವಾ ಕಂದು ಬಣ್ಣದಲ್ಲಿರುವ, ನೀರು ತುಂಬಿದ ಗಾಯಗಳು ಕಂಡುಬರುತ್ತವೆ. ಈ ಅಂಗಾಂಶಗಳ ಮೇಲೆ ಶಿಲೀಂಧ್ರಗಳ ಬೆಳವಣಿಗೆಯಿಂದಾಗಿ ಬೂದು ಅಥವಾ ಕಂದು ಬಣ್ಣದಲ್ಲಿರುವ ತುಂಬಾ ರೋಮಭರಿತ ತೇಪೆಗಳು ಕಾಣಿಸಿಕೊಳ್ಳುತ್ತವೆ. ನಂತರ ಎಳೆ ಹಣ್ಣುಗಳು ಮತ್ತು ಬೀಜಕೋಶಗಳ ಮೇಲೆ ಬೂಷ್ಟು ಬೆಳೆಯುತ್ತದೆ. ಇದರಿಂದ ಅದು ಜಾಳುಜಾಳಾಗಿ ಕಾಣುತ್ತದೆ. ಪರ್ಯಾಯವಾಗಿ, ಶೇಖರಣಾ ಸಮಯದಲ್ಲಿ ರೋಗಲಕ್ಷಣಗಳು ಕಂಡುಬರುತ್ತವೆ. ಎರಡೂ ಸಂದರ್ಭಗಳಲ್ಲಿ ತೀವ್ರವಾದ ನಷ್ಟವಾಗಬಹುದು. ರೆಂಬೆಯ ಬುಡದಲ್ಲಿರುವ ಎಲೆ ಮತ್ತು ಕಾಂಡದ ಕೊಳೆತವು ಈ ಸೋಂಕು ತಗುಲುವ ತೋಟಗಾರಿಕಾ ಬೆಳೆಗಳಲ್ಲಿ ಬೆಳೆ ವೈಫಲ್ಯಕ್ಕೆ ಕಾರಣವಾಗುತ್ತದೆ.(ಡ್ಯಾಮ್ಪಿಂಗ್ ಆಫ್) ಕೆಲವೊಮ್ಮೆ ಕೊಂಬೆಯು ತುದಿಯಿಂದ ಹಿಂದಕ್ಕೆ ಸಾಯುವುದು ಮತ್ತು ಗಿಡದಲ್ಲಿ ಕ್ಯಾಂಕರ್ ರೋಗವು ಕಾಣಿಸಿಕೊಳ್ಳುವುದು. ಇದು ಮರದ ಬೆಳೆಗಳಲ್ಲಿ ಕಂಡು ಬರುತ್ತದೆ.