ಮಾವಿನಲ್ಲಿ ಬೂದಿ ರೋಗ (ಪೌಡರಿ ಮಿಲ್ಡ್ಯೂ)

ರೋಗಲಕ್ಷಣಗಳು

ಸೋಂಕು ತಗುಲಿದ ಗಿಡದ ಭಾಗಗಳಲ್ಲಿ ಬಿಳಿಯ ಬಣ್ಣದ ಹುಡಿಯ ರೂಪದಲ್ಲಿ ಶಿಲೀಂಧ್ರದ ಬೆಳವಣಿಗೆ ಕಾಣಿಸಿಕೊಳ್ಳುತ್ತದೆ. ರೋಗದ ಮುಂದಿನ ಹಂತದಲ್ಲಿ ಈ ಶಿಲೀಂಧ್ರದ ಪಟ್ಟೆಯು ಗಿಡದ ಅಂಗಾಂಶದ ದೊಡ್ಡ ಭಾಗವನ್ನು ಮುಸುಕಿಕೊಳ್ಳುತ್ತದೆ. ಹಳೆಯ ಎಲೆಗಳು ಮತ್ತು ಹಣ್ಣುಗಳ ಸೋಂಕಿತ ಅಂಗಾಂಶದಲ್ಲಿ ನೇರಳೆಮಿಶ್ರಿತ ಕಂದು ಬಣ್ಣದ ವಿಸರ್ಜನೆ ಕಾಣಿಸಿಕೊಳ್ಳುತ್ತದೆ. ಎಳೆಯ ಎಲೆ ಹಾಗೂ ಹೂವುಗಳ ಮೇಲೆ ಶಿಲೀಂಧ್ರದ ಬೀಜಕಗಳು ಮುತ್ತಿಕೊಂಡು, ಕಂದು ಬಣ್ಣಕ್ಕೆ ತಿರುಗಿ, ಕಾಲಕ್ರಮೇಣ ಸತ್ತು ಹೋಗುತ್ತವೆ. ಅವುಗಳು ವಿರೂಪಗೊಳ್ಳಬಹುದು ಕೂಡ. ಉದಾಹರಣೆಗೆ, ಕೆಳಕ್ಕೆ ಸುರುಳಿ ಸುತ್ತಿಕೊಳ್ಳಬಹುದು. ಹಣ್ಣುಗಳ ಮೇಲೆ ಬಿಳಿಯ ಹುಡಿ ಆವರಿಸಿಕೊಂಡಿರಬಹುದು ಹಾಗೂ ಆರಂಭಿಕ ಹಂತಗಳಲ್ಲಿ ಹಣ್ಣು ಒಡೆದು ಒರಟು ಅಂಗಾಂಶಗಳು ಕಾಣಬಹುದು. ಸೋಂಕಿತ ಹಣ್ಣುಗಳು ಸಣ್ಣದಾಗಿದ್ದು ಹಾಗೂ ವಿರೂಪಗೊಂಡಿದ್ದು ಪೂರ್ತಿ ಮಾಗುವುದೇ ಇಲ್ಲ.