خربوزہ/سردا/گرما/تربوز
جنس کدو پر پھپھوندی
Pseudoperonospora cubensis
فطر
5 mins to read
لب لباب
- پتوں کے اوپری حصوں پر پیلے دھبے۔
- نیچلے پتوں پر بے ترتیب سرمئی نشوونما۔
- چھوٹی شاخوں، پھلوں یا پھولوں کا مرجھانا۔
- نشوونما کا رکنا۔
اس میں بھی پایا جا سکتا ہے
خربوزہ/سردا/گرما/تربوز
علامات
فصلوں کے درمیان معمولی فرق کے باوجود، جنس کدو پر پھپھوندی کو عمومی طور پر پتوں کے اوپری حصے پر زرد، زاویائی پتوں کے دھبوں سے پہچانا جا سکتا ہے جو مرکزی نسوں سے آگے نہیں بڑھتے۔ یہ درون نس ہریاؤ آہستہ آہستہ زرد سے بھورے رنگ کا موزیک پیٹرن بناتا ہے جسے وائرس انفیکشنز سے نہیں سمجھنا چاہیئے۔ پتے کے نچلے حصے پر، پانی بھرے زخم جو ان دھبوں کے بالکل نیچے موجود ہوتے ہیں، ٹھنڈے درجہ حرارت اور بلند، طویل نمی کے دوران ہلکے خاکستری، مخملی اور ریشے سے ڈھکا ہوا حلیہ اختیار کر لیتے ہیں۔ چونکہ پھپھوندی پودے سے غذائیت کشید کرتی ہے، یہ نو عمر ٹہنیوں، پھولوں یا پھلوں کے قد چھوٹا رہ جانے یا مر جانے کا باعث بنتی ہے جس کا نتیجہ نشوونما کے ٹھہر جانے اور ناقص پیداوار کی صورت میں نکلتا ہے۔ سفوفی پھپھوندی کے برعکس، غلاف خاص طور پر پتوں کے نچلے حصے پر نمودار ہوتا ہے اور اس کی افزائش مرکزی نسوں سے محدود ہو جاتی ہے۔ مزید برآں، اسے باآسانی ہٹایا نہیں جا سکتا۔
Recommendations
نامیاتی کنٹرول
پھپھوندی سے لڑنے کیلئے تجارتی حیاتیاتی معالجات دستیاب ہیں۔ متوسط صورتوں میں، عموماً کچھ نہ کرنا اور موسم کے بہتر ہونے کا انتظار کرنا بہتر رہتا ہے۔ کچھ صورتوں میں، نامیاتی، انفیکشن سے قبل استعمال کی جانے والی فطر کش ادویات پودوں کو آلودگی سے بچانے میں مدد کر سکتی ہیں اور ان میں تانبے پر مبنی فطر کش ادویات جیسے کہ بورڈوکس مکسچر شامل ہیں۔
کیمیائی کنٹرول
اگر دستیاب ہو تو ہمیشہ بچاؤ کی تدابیر کے ساتھ حیوی معالجات پر مبنی ایک مکمل حکمت عملی اختیار کریں۔ محافظ فطر کش ادویات پودے کو آلودہ ہونے سے پچا سکتی ہیں مگر انہیں پتوں کے نچلے حصے پر ٹھیک طرح سے اسپرے کرنا ہو گا۔ مینکوزیب، کلوروتھالونل یا تانبے پر مبنی مرکبات پر مشتمل فطر کش ادویات کی فارمولیشنز استعمال کی جا سکتی ہیں۔ انفیکشن کے بعد استعمال کی جانے والی فطر کش دوائی کو ابتدائی علامات کے تعین کے فوراً بعد لگا دینا چاہیئے۔ عام طور پر انفیکشن کے بعد استعمال کی جانے والی فطر کش ادویات میں میفینوکسام، اسٹروبیلورنز، فلوپیکولائیڈ، فیم آکساڈون + سائیموکسانل، سیازوفامڈ اور زوکسامائیڈ شامل ہیں۔ ان پراڈکٹس میں سے کچھ کے خلاف مزاحمت دیکھنے میں آئی ہے۔
یہ کس وجہ سے ہوا
علامات پانی کی پھپھوندی کے گروہ سے تعلق رکھنے والے ایک فطر، سوڈوپیرونوسپورا کیوبینسز کی وجہ سے پیدا ہوتی ہیں۔ یہ ایک پابند طفیلی فطر ہے جس کو زندہ رہنے کیلئے سبز پودے کی بافت درکار ہے۔ یہ بالخصوص ٹھنڈے، گیلے پن اور نم موسمی حالات (بھاری شبنم، دھند، اوس) اور 15 سے 23 ڈگری سینٹی گریڈ والے سایہ دار علاقوں میں تباہ کن ہوتی ہے۔ یہ فطر انفیکشن زدہ پودے کے فضلے یا ٹہنیوں میں یا پھر متبادل میزبانوں (فضلوں اور فالتو جھاڑیوں) میں سردیاں گزارتا ہے۔ ہوا، جھونکے اور بارش کی چھینٹے سازگار حالات میں تخمکوں کو صحت مند پودے کی بافتوں تک پہنچاتے ہیں۔ جب یہ تخمک کسی حساس میزبان پر گرتے ہیں تو اگنے لگتے ہیں اور ایسے اجسام پیدا کرتے ہیں جو پتوں کے نچلے حصوں پر موجود قدرتی سوراخوں کے ذریعے پودے کی بافتوں میں داخل ہو جاتے ہیں۔ وہاں یہ پھیلنا شروع ہوتے ہیں اور پھر بالآخر اندرونی بافتوں سے زیادہ بڑھ جاتے ہیں اور باہر کی جانب مخصوص پھپھوندی کا غلاف بنا لیتے ہیں۔ وہاں مزید تخمک پیدا ہوتے ہیں اور مرض کو مزید بڑھاتے ہیں۔
احتیاطی تدابیر
- یقینی بنائیں کہ بیج اور ٹرانسپلانٹس مرض سے پاک ہوں۔
- جنس کدو کی فصلوں کو موسم کے ابتدائی حصے میں بوئیں۔
- پودوں کے درمیان مناسب فاصلہ دیں۔
- ایسی جگہوں پر پودا لگائیں جہاں سورج کی خوب روشنی پڑتی ہو اور درست تعین رخ کا انتخاب کریں۔
- اگر دستیاب ہوں تو مزاحم انواع کا انتخاب کریں۔
- اپنے پودے کو خشک رکھیں، مثلاً موزوں ہواداری کے ذریعے۔
- شام کے بجائے صبح کے وقت پانی دیں۔
- مٹی میں اچھی نکاسی کو یقینی بنائیں اور جب پتے گیلے ہوں تو کھیتوں میں کام نہ کریں۔
- بیلوں کو زمین سے اوپر رکھیں اور اچھی طرح باندھ دیں۔
- پودے کی تقویت کیلئے متوازن زرخیزکاری کو یقینی بنائیں۔
- پودے کی صحت کو اچھا بنانے کیلئے فورٹیفائرز لگائے جا سکتے ہیں۔
- کھیت کے اندر اور آس پاس فالتو جھاڑیوں کو کنٹرول کریں۔
- کھیت سے پودے کی باقیات کو صاف کریں۔
- آلات اور ساز و سامان کو صاف کریں اور یقینی بنائیں کہ کھیت میں کام کرنے والے ملازمین ایک کھیت سے دوسرے کھیت جانے سے پہلے اپنے ہاتھ دھوئیں۔
- انفیکشن زدہ مٹی اور پودے کے مواد کے ایک کھیت سے دوسرے کھیت میں پھیلاؤ سے اجتناب کریں۔
اشتراک کریں
پلانٹکس ڈاؤن لوڈ کریں
