Tango

Madhara ya Dawa za Kuua Magugu

Herbicides Growth Regulators

Nyingine

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Uharibifu na kubadilika rangi ya majani.
  • Kupinda na kukunjamana kwa mashina na vikonyo.
  • Majani kuonekana yaliyorefuka na membamba au kuwa na umbo mithili ya mikono ya wachawi.

Inaweza pia kupatikana kwenye

13 Mazao
Maharage
Pamba
Tango
Mbiringanya
Zaidi

Tango

Dalili

Dalili huonekana zaidi kwenye majani machanga, yanayokua. Tabia zinazobainisha uwepo wa ugonjwa ni ubapa wa majani kukunjika, kupinda au kujisokota. Mashina na vikonyo hujisokota na kujipinda pinda. Malengelenge hujitokeza kwenye uso wa majani, na hivyo kufanya majani yaonekane yaliyorefuka au kuwa na umbo mithili ya mikono ya wachawi. Kutokana na majani kupoteza umbo lake la asili, mishipa ya majani huonekana kama inayoelekea upande mmoja (sambamba) badala ya kukatizana mithili ya nyavu. Rangi ya majani hubadilika kutoka kuwa ya manjano hadi nyeupe na kahawia. Hakuna uharibifu unaotokea kwenye sehemu za mimea iliyokomaa kama vile majani ya zamani au vitumba vilivyokua.

Mapendekezo

Udhibiti wa Kiasili

Hakuna matibabu ya kibaiolojia yanayopatikana kwa tatizo hili. Kuzuia/kukinga na mbinu bora za kilimo ndiyo njia kuu za kuepusha madhara kutokea tangu mwanzo. Endapo unashuku kuwa kipimo cha dawa kilikuwa kikubwa zaidi, inaweza kusaidia endapo utaosha au kusuuza mimea kwa ukamilifu.

Udhibiti wa Kemikali

Daima zingatia mbinu jumuishi zenye hatua za kuzuia na matibabu ya kibaiolojia, ikiwa yanapatikana. Kuzuia na mbinu bora za kilimo ndiyo njia kuu za kuepuka madhara kutokea tangu mwanzo. Kabla ya kupanga kupulizia dawa ya kuua magugu, hakikisha unajua aina ya magugu unayokabiliana nayo (kimsingi magugu yenye majani mapana dhidi ya nyasi) na chagua mbinu iliyo bora zaidi. Chagua kwa uangalifu dawa ya kuua magugu na fuata maagizo ya kipimo kama yalivyoonyeshwa kwenye lebo.

Ni nini kilisababisha?

Dalili hujitokeza ndani ya siku chache baada ya matumizi ya dawa za kuua magugu zinazotokana na kundi la phenoxyacetic acids or synthetic auxins (kundi I). Mimea ya pamba huathirika kirahisi sana kwa dawa za kuua magugu za aina ya 2,4-D au dicamba, ambazo hutumika kudhibiti magugu yenye majani mapana. Utumiaji wa dawa hizi katika muda usio muafaka, uchaguzi usio sahihi wa mchanganyiko wa madawa au hali mbaya ya hewa, yote hayo yanaweza kusababisha dalili zilizoelezwa kwenye mimea ya pamba. Uchafuzi pia unaweza kusababishwa na mashamba yaliyo jirani. Mimea inayokabiliwa na hali isiyo rafiki kwa ukuaji huwa na uwezekano mkubwa wa kuathirika. Usambaaji wa dalili hutegemea na kipimo/dozi cha dawa na unaweza kuanzia kwenye vifundo vichache hadi mmea mzima ikiwa kiwango ni cha juu sana. Ni muhimu kuelewa kwamba dawa za kuua magugu zinaweza kuharibu mazao hata kwa dozi ndogo.

Hatua za Kuzuia

  • Hakikisha unafahamu aina ya magugu unayoshughulika nayo (kwa kawaida magugu yenye majani mapana au manyasi).
  • Chagua kwa umakini dawa ya kuua magugu inayokidhi zaidi kwa malengo yako.
  • Soma lebo kwa umakini na fuata maelekezo ya dozi kama yalivyooneyeshwa kwenye lebo.
  • Daima safisha chombo unachotumia kupulizia dawa baada ya matumizi ili kuepuka uchafuzi na dawa nyingine ya kuua magugu.
  • Epuka kupulizia dawa wakati wa upepo ili kuzuia kuperurushwa kwa dawa hadi kwenye mashamba mengine.
  • Tumia nozeli ya kupunguza upeperushwaji wa dawa ambayo inalenga magugu vizuri zaidi.
  • Jaribu kutumia dawa ya kuua magugu kwenye malisho na mashamba ya majani makavu ili kuchunguza ufanisi wake.
  • Fuatilia utabiri wa hali ya hewa kwa umakini na usipulizie endapo kuna hewa ya joto kali na/au unyevu anga.
  • Hifadhi kumbukumbu ya shughuli za shamba zikiwa na tarehe za kupulizia dawa, aina ya madawa, maeneo ya shamba na hali ya hewa.

Pakua Plantix