Ndizi
Doa Sukari
Sugar Spot
Nyingine
Kwa Ufupi
- Kuonekana kwa madoa ya kahawia kwenye ganda la ndizi.
- Nyama laini zaidi ya tunda.
Inaweza pia kupatikana kwenye
Ndizi
Dalili
Dalili zitaonekana baada ya ndizi kuvunwa. Mwanzoni, madoa madogo meusi hujitokeza kwenye ganda la ndizi, ambayo yanaweza kuongezeka kadri muda unavyoenda. Madoa ya kahawia pia yanaweza kuonekana kwenye nyama ya tunda.
Mapendekezo
Udhibiti wa Kiasili
Hakuna matibabu ya kibiolojia yanayohitajika au yanayopatikana, kwani mchakato wa ukuaji wa tunda ni wa asili.
Udhibiti wa Kemikali
Hakuna matibabu ya kemikali yanayohitajika au yanayopatikana, kwa sababu mchakato wa ukuaji wa tunda ni wa asili.
Ni nini kilisababisha?
Dalili hizi husababishwa na mchakato wa kawaida wa kuiva kwa ndizi. Ndizi huendelea kuiva hata baada ya kuvunwa. Madoa hayo huashiria kuwa wanga unabadilishwa kuwa sukari, kumaanisha kwamba idadi kubwa ya madoa ya kahawia inaonyesha kiwango kikubwa cha sukari. Kimeng'enya (enzemu) kinachoitwa polyphenol oxidase au tyrosinase kinapokutana na oksijeni inaaminika kusababisha madoa ya kahawia. Homoni za ethilini hukutana na tindikali (asidi) za tunda na kuzivunja, na hivyo kusababisha ulainikaji wa ndizi. Mchakato wa kawaida wa kuwa na rangi ya kahawia na kulainika huwa dhahiri wakati tunda linapokuwa na michubuko.
Hatua za Kuzuia
- Ili kupunguza kasi ya mchakato wa kugeuka kuwa kahawia, weka matunda yako yaliyovunwa kwenye maeneo yenye giza na makavu.
- Usihifadhi ndizi pamoja na matunda mengine yanayozalisha ethilini kama vile matufaha au nyanya.
- Haishauriwi kuhifadhi ndizi kwenye mazingira ya baridi kama friji.
Shirikisha
Pakua Plantix
