Embe
Viwavi Nywele wa Papai
Euproctis sp.
Mdudu
Kwa Ufupi
- Uharibifu wa mfumo wa chakula kwenye majani.
- Hatimae hupelekea mmea kupukutisha majani.
- Viwavi wenye rangi ya kahawia nyekundu na nywele nyeupe wenye kishungi kimoja mbele na nyuma.
- Nondo huwa na rangi ya njano angavu na mistari myeusi na vidoa vyeusi kwenye mbawa za mbele.
Inaweza pia kupatikana kwenye
Embe
Dalili
Lava (mabuu) wa hatua ya awali wa viwavi nyoya huwa na nywele ndefu nyeupe zinazokua kutoka kwenye ubavu wa mwili. Wanakula majani ya papai kwa vikundi na aina nyingine kadhaa za miti, na hatimaye kudondosha majani. Mabuu walio komaa huwa na kichwa chekundu kilichozungukwa na nywele nyeupe na mwili wa rangi ya kahawia nyekundu. Pia wana kishungi kimoja kichwani na kingine katika eneo la mkundu. Viwavi/lava hao hujificha kwenye kifuko cha nywele kwenye majani au matawi na kuwa mabuu. Nondo kamili ana rangi ya njano angavu na ana mbawa za mbele zilizo na mistari myeusi zaidi ya kukatiza na vidoa vyeusi karibu na ukingo wa bawa.
Mapendekezo
Udhibiti wa Kiasili
Wakati mabuu wakila katika vikundi vilivyo banana, tochi/mienge inayowaka inaweza kutumika kuwaangamiza. Vinyunyuzio vya mwarobaini (Azadirachta indica L.) na dhatura (Datura stramonium L.) hupunguza idadi ya viwavi. Bakteria aina ya Bacillus thuringiensis ni dawa ya kuua wadudu inayoua viwavi kwa kulemaza utumbo.
Udhibiti wa Kemikali
Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Dawa za kupuliza wadudu zenye cyphermethrin, deltamethrin, fluvalinat zinafaa dhidi ya viwavi nywele.
Ni nini kilisababisha?
Uharibifu kwenye majani na kupukutisha majani husababishwa na aina mbili za viwavi wenye sifa zinazofanana. Majike hutaga mayai ya njano, bapa na ya mviringo katika makundi kwenye sehemu ya chini ya majani. Viota vya mayai vinaonekana wazi kwa sababu vimefunikwa na nywele za rangi ya njano na magamba. Viwavi/lava huanguliwa baada ya siku 4-10. Wanakula kwa muda wa siku 13 hadi 29 kwenye majani ya mti hadi kuunda kifuko. Baada ya siku 9-25 kwenye kifuko cha hariri nondo kamili huanguliwa. Wakati wa majira ya baridi lava (mabuu) wanaweza kuwa bwete/kama mfu (kusimamisha shughuli za uhai kwa mda).
Hatua za Kuzuia
- Fuatilia mara kwa mara bustani yako kujua uwepo wa mayai, lava (mabuu), nondo na vifukofuko.
- Kusanya na kuharibu viwavi, vifukofuko, na mkusanyiko wa mayai inapobidi.
- Nondo wakubwa wanaweza kudhibitiwa kwa kutumia mitego ya mwanga.
Shirikisha
Pakua Plantix
