Chickpea & Dengu

Upungufu wa Fosforasi

Phosphorus Deficiency

Upungufu wa Virutubisho

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Majani ya rangi ya zambarau - huanzia kutoka kwenye kingo.
Majani hukunjamana.
Ukuaji umedumaa.

Inaweza pia kupatikana kwenye

59 Mazao

Mlozi

Tufaha

Aprikoti

Ndizi

Zaidi

Chickpea & Dengu

Dalili

Dalili za upungufu wa fosforasi zinaweza kuonekana katika hatua zote za ukuaji wa mimea lakini zinajitokeza zaidi kwenye mimea michanga. Tofauti na virutubisho vingine, dalili za upungufu huu hazionekani kwa urahisi na zinaweza kuwa ngumu kuzitambua. Katika hali ambayo tatizo ni dogo, ishara inayoweza kuonekana kwa tatizo hili ni kwamba, mimea inakuwa mifupi au inadumaa. Hata hivyo, hakuna dalili za wazi zinazojitokeza kwenye majani. Inapotokea kuwa na upungufu mkubwa wa fosfarasi, shina na vikonyo hubadilika rangi zake za asili na kuonesha rangi ya kijani kibichi hadi zambarau. Sehemu za chini za majani ya zamani pia zinaonyesha rangi ya zambarau, kuanzia kwenye ncha na kingo, na baadaye kusambaa kwenye uso wote wa jani. Majani yanaweza kuwa na mguso mgumu mithili ya ngozi na mishipa ya jani inaweza kutengeneza muonekano mithili ya wavu wenye rangi ya kahawia. Katika mazingira fulani, upungufu wa fosforasi unajulikana kwa uwepo wa ncha zilizoungua na majani kugeuka kuwa ya manjano na utokeaji wa mabaka yanatokana na kufa kwa tishu kwenye kingo za majani. Maua na matunda yanazalishwa, lakini mavuno ya matunda ni kidogo.

Mapendekezo

Udhibiti wa Kiasili

Viwango vya fosforasi kwenye udongo vinaweza kurejeshwa kwa kutumia samadi ya shambani, au vitu vingine (matandazo ya kikaboni, mboji na vinyesi vya ndege wa baharini) au mchanganyiko wa hivyo vitu. Uchanganyaji wa mabaki ya mazao kwenye udongo baada ya mavuno unaweza pia kuchangia kudumisha uwiano mzuri wa fosforasi katika muda mrefu na kuboresha muundo wa udongo. Uozo wa vitu vya kikaboni hutoa fosforasi kwa mimea kwa njia endelevu.

Udhibiti wa Kemikali

Tumia mbolea zenye fosforasi (P), -Kwa mfano: Diammonium phosphate (DAP), Single super phosphate (SSP).
Wasiliana na mshauri wako wa kilimo/Afisa Kilimo ili kujua bidhaa bora za mbolea na kipimo sahihi kwa ajili ya udongo na mazao yako.

Mapendekezo zaidi:

Inapendekezwa kupima udongo kufahamu kiwango cha alkali na tindikali kwenye udongo (pH) kabla ya kuanza msimu wa kilimo ili kuboresha uzalishaji wa mazao yako.

Ni nini kilisababisha?

Kuna tofauti ya uwezekano wa kupata upungufu wa fosforasi kwa mazao mbalimbali. Mizizi hufyonza ioni (molekuli yenye chaji ya umeme) za fosfeti wakati zinapoyeyushwa kwenye maji maji ya kwenye udongo. Udongo wenye chokaa na viwango vya juu vya kalsiamu unaweza kuwa na upungufu wa fosforasi. Hata hivyo, kwa kawaida, kikwazo ni uwepo wa kirutubisho hiki kwa sababu fosforasi inashikamana kwenye chembe chembe za udongo na haiwezi kufyonzwa na mmea. Udongo wa alkali na wa tindikali unaweza kuonyesha upatikanaji mdogo wa fosforasi. Udongo wenye kiwango kidogo cha vitu vya kikaboni (vitu vinavyoweza kuoza) au udongo wenye chuma nyingi pia unaweza kuwa ni tatizo. Hali ya hewa ya baridi inayozuia ukuaji na ufanyaji kazi mzuri wa mizizi inaweza pia kusababisha tatizo hili. Hali ya ukame au magonjwa yanayozuia mizizi kufyonza maji na virutubisho vinaweza kusababisha dalili za upungufu. Kwa upande mwingine, unyevu wa udongo huongeza ufyonzaji wa kirutubisho hiki na kusababisha mavuno mengi zaidi.

Hatua za Kuzuia

Tumia aina za mimea yenye ufanisi katika kufyonza madini ya fosforasi kutoka kwenye udongo.
Hakikisha kunakuwa na uwiano sahihi na ufanisi wa utumiaji mbolea kwa mazao.
Changanya mabaki ya mimea kwenye udongo baada ya mavuno.
Tumia mbinu jumuishi kwa kutumia mbolea za madini na za kikaboni ili kudumisha uwiano wa virutubisho kwenye udongo.
Ongeza chokaa kwenye udongo ikiwa ni lazima kufanya hivyo ili kufikia kiwango sahihi cha pH ya udongo.