Mpunga

Kunguni Mwembamba wa Mpunga

Cletus trigonus

Mdudu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Wadudu wadogo, wenye rangi ya kahawia hadi kijivu.
Madoa madogo, meusi kwenye punje za mpunga.

Inaweza pia kupatikana kwenye

7 Mazao

Maharage

Mbiringanya

Dengu Nyeusi & Kijani

Mahindi

Zaidi

Mpunga

Dalili

Utaona kunguni/mende wadogo, kahawia hadi kijivu wenye miili bapa na mabega makali yakitoka nyuma ya vichwa vyao. Wadudu hawa hula kwa kunyonya punje changa za mpunga na majani. Kula kwao hutengeneza madoa madogo meusi hasa kwenye punje. Madoa haya yanaweza kuathiri mwonekana na ubora wa mchele.

Mapendekezo

Udhibiti wa Kiasili

Sabuni ya kuua wadudu au mimea, kama vile mafuta ya mwarobaini au pareto, vinaweza kutoa udhibiti wa mende wachanga. Kunguni/mende wa majani kama vile kunguni/mende mwembamba wa mpunga, wana maadui wengi wa asili, wakiwemo ndege, buibui na wadudu wanaowawinda na kuwanyonya. Ili kusaidia kudhibiti mende/kunguni wa majani, unaweza kuvutia maadui hawa wa asili kwa kutoa makazi na maji kwa ndege na kutumia dawa chache za wigo mpana.

Udhibiti wa Kemikali

Mdudu huyu anachukuliwa kuwa ni mdudu wa kwenye majani. Kwajili ya mende wa majani kuna aina mbalimbali za dawa za kuulia wadudu hao. Wadudu hawa wangeweza kuruka mbali ikiwa watasumbuliwa na wanaweza kutoroka kutoka kwa mimea wakati wa kunyunyiza dawa; hivyo, ni bora kunyunyiza asubuhi na mapema wakati wakiruka/kutembea polepole kutokana na joto la chini.

Ni nini kilisababisha?

Kunguni/mende mwembamba wa mpunga hushambulia mpunga na mazao mengine, kama vile soya. Majike hutaga mayai moja baada ya nyingine kwenye majani ya mpunga. Kunguni wachanga wa kwanza huanguliwa ndani ya siku 7 hivi. Wanakua kupitia hatua tano kabla ya kugeuka kuwa wadudu wazima. Kunguni/mende wadogo hufanana na wakubwa japo kimwonekano ni wadogo zaidi. Wakati wa majira ya baridi yasiyo na baridi kali, kiasi kikubwa cha mende hawa huishi. Kwa hiyo, katika miaka ambayo haina baridi kali, unaweza kuwaona zaidi.

Hatua za Kuzuia

Ondoa magugu yote ya nyasi kwenye shamba lako la mpunga na maeneo ya karibu kwani yanaweza kutoa makazi kwa wadudu hawa.
Mara tu punje za mpunga zinapoanza kutengenezwa, anza na ukaguzi wa mara mbili kwa wiki kwenye shamba lako ili kutambua uwepo wa kunguni mwembamba wa mpunga.
Wadudu wakubwa mara nyingi huruka nje ya njia kabla ya kuufikia mmea wa mpunga ili kukagua, kwa hivyo hesabu zinaweza tu kufichua wadudu wadogo.
Kwa sababu hii, angalia asubuhi mapema ambapo ni baridi na wadudu wakubwa hutembea/kuruka polepole.
Wakati wa kuangalia unaweza kuwachukua kwa mikono na kuponda wadudu au kuwamwagia maji ya sabuni ili kuzuia idadi yao kuongezeka.
Wadudu hawa wanaweza kupatikana katika mashamba ya mpunga katika kila hatua ya ukuaji wa mpunga.