Embe

Mnyoo wa Majani ya Chai

Cricula trifenestrata

Mdudu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Mimea kupukutisha majani.
  • Majani yaliyo liwa kwa nje.
  • Uwepo wa viwavi.

Inaweza pia kupatikana kwenye

2 Mazao
Embe
Karanga

Embe

Dalili

Viwavi wanaweza kukata majani yote kutoka kwenye mti na kupunguza idadi ya maua ambayo huzalishwa. Uharibifu unaotokana na ulaji wa viwavi huanza kwenye sehemu za nje za mti na baadaye huenea katikati na juu. Miti iliyoshambuliwa sana huwa dhaifu na inaweza isitoe maua au matunda kabisa.

Mapendekezo

Udhibiti wa Kiasili

Ili kudhibiti mashambulizi ya viwavi kwa mikono, tumia tochi yenye mshikio mrefu ili kupasha joto maeneo ambayo viwavi hukusanyika, na kuwafanya waanguke. Kusanya viwavi walioanguka ukiwa umevaa glavu, na uwafukie kwenye udongo. Ondoa na uharibu majani yaliyohifadhi makundi ya viwavi wachanga na mayai. Kwa udhibiti wa kibiolojia, tumia wadudu vimelea kama vile Telenomus sp., wanafaa dhidi ya mayai na pupa, na Beauveria bassiana, ambao hulenga nondo wazima. Wawindaji wa asili pia wana jukumu muhimu katika kudhibiti milipuko. Zaidi ya hayo, dawa za kuulia wadudu zinazotokana na mwarobaini kama vile azadirachtin zimethibitishwa kuwa na ufanisi katika kudhibiti wadudu hawa.

Udhibiti wa Kemikali

Nondo mara nyingi huweza kudhibitiwa bila kutumia viuatilifu vya kemikali, haswa ikiwa uvamizi utagunduliwa mapema. Kama suluhu ya mwisho, ni vyema kuzingatia mbinu za kikemikali kama vile methyl parathion na endosulfan ambazo zinaripotiwa kuwa na ufanisi mkubwa. Unapotumia dawa za kuua wadudu au bidhaa yoyote ya kemikali, ni muhimu kuvaa mavazi ya kujikinga na kusoma kwa uangalifu maagizo ya lebo. Kanuni hutofautiana kulingana na nchi, kwa hivyo hakikisha unafuata miongozo mahususi ya eneo lako. Hii inahakikisha usalama na huongeza nafasi za matumizi yenye ufanisi.

Ni nini kilisababisha?

Minyoo wa chai ni wadudu waharibifu sana kwa miti ya embe hasa Bangladesh, Myanmar, na India, lakini pia wanatoa fursa kwa uzalishaji wa hariri. Viwavi wachanga hula pamoja katika vikundi na kuenea huku wakikua. Wakati hakuna chakula cha kutosha, lava wakubwa wanaweza kushuka kutoka kwenye mti wao na kutambaa kwenye miti mipya ili kutafuta chakula zaidi. Mzunguko wa maisha ya wadudu hawa hujumisha hatua kadhaa. Baada ya kula kikamilifu, kiwavi husokota koko/kiota katika makundi ya majani au kwenye mashina. Nondo waliokomaa ni wa usiku(huwa amilifu wakati wa usiku) na wana rangi tofauti, huku madume wakiwa na madoa mawili meusi kwenye mbawa zao za mbele, wakati majike wakionyesha madoa makubwa yasiyo na mpangilio. Kunaweza kuwa na hadi vizazi vinne kwa mwaka. Licha ya kuwa mharibifu, nondo huyu hutoa hariri ya ubora wa juu. Nchini Indonesia, mdudu huyu amefanywa kuwa muhimu kwa uvunaji wa hariri kwa kiwango kikubwa, na kutoa chanzo cha mapato kwa jamii za vijijini.

Hatua za Kuzuia

  • Ondoa magugu karibu na miti yako na uweke mitego ya mwanga kwenye shamba lako ili kuvutia na kuua nondo waliokomaa.
  • Zaidi ya hayo, angalia mimea yako mara kwa mara kwa dalili zozote za uharibifu wa wadudu ili uweze kuingilia kati mapema na kwa ufanisi.

Pakua Plantix