Nyanya
Mdudu wa Kunuka wa Kijani
Nezara viridula
Mdudu
Kwa Ufupi
- Machipukizi husinyaa na kukauka.
- Matunda hayawezi kukua vizuri na hata kudondoka.
- Maua yanaweza kudondoka.
- Madoa magumu meusi kwenye matunda.
Inaweza pia kupatikana kwenye
Nyanya
Dalili
Wadudu hula zaidi matunda na machipukizi yanayokua. Machipukizi yanayokua hukauka na kuanguka. Ulaji kwenye matunda husababisha uharibifu zaidi. Matunda hayawezi kukua kwa ukubwa unao stahili, kubadilika umbo na hata kudondoka. Mara nyingi, ulaji kwenye matunda husababisha madoa magumu meusi kwenye uso wa matunda. Ulaji kwenye machipukizi ya maua husababisha kudondoka kwa maua. Ladha ya matunda inaweza kuathiriwa. Maeneo yaliyo liwa huweza kuwa mahali pa kuingilia kwa vimelea na kusababisha uharibifu zaidi. Mayai mengi yanaweza kupatikana kwenye upande wa chini wa majani.
Mapendekezo
Udhibiti wa Kiasili
Vimelea wa mayai Trissolcus basalis na nzi wa tachinid Tachinus pennipes na Trichopoda pilipes wametumiwa kwa mafanikio kudhibiti mdudu huyu.
Udhibiti wa Kemikali
Uwekaji wa dawa kwa kawaida hauhitajiki/sio lazima, hata hivyo dawa za kunyunyuzia zinaweza kuhitajika ikiwa idadi ya wadudu wa kunuka ni kubwa. Mdudu huyu anaweza kudhibitiwa kwa kemikali kwa kutumia carbamates na misombo ya organophosphate. Hata hivyo, kiasi kikubwa cha misombo hii haidumu kwa muda mrefu sana kwenye mmea uliotibiwa, mazao yako katika hatari ya kuambukizwa tena kutoka maeneo ya karibu. Ufanisi wa udhibiti wa viua wadudu unaweza kuboreshwa kwa kuchukua fursa ya nyakati ambapo wadudu huwa hai na hawajajificha ndani ya majani. Kwa hiyo, dawa inaweza kuwafikia moja kwa moja. Mende wa kunuka huonekana wakila asubuhi mapema na alasiri.
Ni nini kilisababisha?
Uharibifu huo husababishwa na mdudu anayeitwa Nezara viridula, ambaye hupatikana ulimwenguni kote, hasa katika maeneo ya tropiki na nusu-tropiki. Wanaitwa "mende wa kunuka" kwa sababu hutoa harufu kali wakati wanahisi kutishiwa. Wadudu hao hula kwa kutoboa mazao na sehemu zao nyembamba za mdomo za kutobolea (stylets). Tobo kutokana na ulaji halisi halionekani mara moja. Wadudu waliokomaa na wachanga wote hula mimea. Wanapendelea kula sehemu laini za mmea (machipukizi yanayokua, matunda, maua). Anapoangualiwa, hatua ya uchanga ya mende wa kunuka hukaa karibu na mayai. Wadudu waliokomaa wanaweza kuruka na kuzunguka sana. Kawaida ni wa kijani na kwa hiyo ni ngumu kuwatambua katika mimea. Rangi ya mdudu hubadilika kadri wanavyokua, na kuwa kijani kibichi kwa kila hatua. Kawaida huhamia sehemu za juu za mimea mapema asubuhi.
Hatua za Kuzuia
- Ondoa takataka za majani.
- Dhibiti ukuaji wa magugu kwenye shamba lako.
- Panda mazao mapema na kwa upana mkubwa zaidi wa mistari/safu.
- Panda mazao ya mitego yanayokomaa mapema, kama mimea ya jamii ya kunde na kabichi kwani mimea hii huvutia mdudu huyu.
- Ondoa zao la mtego chini kabla ya wadudu kunuka wa kijani kuwa wakubwa na kuhamia kwenye zao kuu.
Shirikisha
Pakua Plantix
