Mti wa jamii ya mchungwa
Kipepeo wa Machungwa
Papilio demoleus
Mdudu
Kwa Ufupi
- Viwavi hula majani laini ya rangi ya kijani iliyofifia.
- Wanakula kuanzia kwenye kingo za majani kuelekea ndani, hadi kwenye vena kuu (mshipa ya katikat)i.
- Wadudu hawa wanakuwa hai/amilifu mwaka mzima.
Inaweza pia kupatikana kwenye
Mti wa jamii ya mchungwa
Dalili
Majani machanga huliwa kuelekea ndani kutokea kwenye kingo za majani. Majani yanaweza kuliwa kabisa, na kusababisha kupukutika kwa majani ya kwenye vitawi. Kipepeo mdogo na mkubwa wa machungwa anaweza kuondoa majani kutoka kwenye miti ya machungwa na kutoa harufu kali wanaposumbuliwa.
Mapendekezo
Udhibiti wa Kiasili
Mayai ya kipepeo cha machungwa hushambuliwa na spishi kadhaa za wadudu wa Ooencyrtus, na lava hushambuliwa na Apanteles pallidocinctus Gahan. Katika Hatua ya pupa pia hushambuliwa na vijidudud aina ya Pteromalus puparum L.
Udhibiti wa Kemikali
Pulizia Fenithrothion mara 2-3 kwa vipindi vya siku 15. Matibabu ya shina kwa kutumia Azodrin yana sumu kwa lava au mabuu wa kipepeo cha machungwa wenye urefu wa chini ya 10 mm. Matibabu ya shina kwa kutumia Citrimet yana ufanisi katika kulinda miti michanga. Matibabu ya kupulizia kama Dipel 2x, Thuricide, Lannate SL, n.k. yanaweza kutumika kama kipulizio cha nje cha kulinda majani.
Ni nini kilisababisha?
Husababishwa na viwavi wa kipepeo anaeshambulia mimea ya jamii machungwa. Viwavi hula majani machanga katika hatua ya kitalu na pia kwenye ukuaji wa majani machanga ya miti iliyokomaa. Viwavi waliokomaa wana rangi ya kijani. Maambukizi makubwa husababisha mti mzima kupukutisha majani.
Hatua za Kuzuia
- Fanya kilimo chenye usafi.
- Tengeneza mazingira ya uwepo wa ndege shambani, kwa mfano, kwa kuweka nguzo (vitulio/sehemu za ndege kutua) za muundo wa T shambani.
- Ondoa lava kwa mikono na majani ambayo mayai yametagwa juu yake, na yazike ardhini au yachome.
- Ukuaji mpya kwenye miti ya ukubwa wote lazima ukaguliwe kila baada ya wiki mbili ili kugundua uwepo wa mayai na lava.
Shirikisha
Pakua Plantix
