Zabibu kavu

Vidukari wa Malengelenge ya Tunda Bukini Jekundu

Cryptomyzus ribis

Mdudu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Malengelenge yenye rangi nyekundu, ya zambarau au ya kijani-manjano kwenye jani la juu.
Maeneo yaliyobadilika rangi kuzunguka tishu zilizoharibika.
Majani hubadilika umbo lake la kawaida kunapokuwa na maambukizi makubwa.
Umande wa asali huchochea ukuaji wa ukungu mweusi.

Inaweza pia kupatikana kwenye

1 Mazao

Zabibu kavu

Dalili

Malenge lenge makubwa yenye rangi nyekundu hadi zambarau yanaonekana kwenye ubapa wa juu wa jani la tunda bukini nyekundu na nyeupe. Kwa kawaida, malengelenge haya huwa ya kijani-manjano kwenye currant nyeusi. Maeneo yaliyobadilika rangi mara nyingi huzunguka tishu zilizoharibika. Kawaida, majani kwenye ncha za matawi yanaonekana yamejikunja au kuharibika umbo. Uharibifu mkubwa wa majani unaweza kutokea kutokana na uvamizi mkubwa wa vidukari. Vidukari wa rangi ya njano iliyofifia wanaweza kupatikana chini ya maeneo yenye malengelenge mwishoni mwa majira ya kuchipua hadi mwanzoni mwa majira ya joto. Umande wa asali unaweza pia kuwepo kwenye majani. Umande huu hatimae huchangia ukuaji wa vimelea vya ukungu (kuvu) wa majivu meusi. Kwa kawaida, vichaka bado vinaweza kutoa mazao ya kawaida licha ya dalili ndogo kwenye majani.

Mapendekezo

Udhibiti wa Kiasili

Wadudu wa asili wanaosaidia kudhibiti vidukari ni pamoja na wadudu vibibi – hawa wanaweza kuachiliwa kwenye shamba ikiwa mlipuko unatokea. Dawa za kupulizia zenye sabuni zinazotengenezwa kwa mafuta asili au mchanganyiko mwepesi wa sabuni za kuoshea vyombo zinatosha kudhibiti vidukari wa currant nyekundu. Vidukari pia wanaweza kuondolewa kwa kupuliziwa maji kwa nguvu kutoka kwenye mpira wa maji. Matumizi ya dawa zinazotengenezwa na mafuta asili yanaweza kutumika kuua mayai yanayoishi msimu wote wa baridi. Michanganyiko mingine ya kikaboni inayoua vidukari wanaoibuka ni pamoja na za kuua wadudu zinazotokana na pareto, na asidi za mafuta.

Udhibiti wa Kemikali

Daima zingatia mbinu jumuishi kwa kuchukua hatua za kuzuia pamoja na tiba za kibaiolojia ikiwa zinapatikana. Katika hali mbaya ya maambukizi, dawa za kuua wadudu za kupulizia zenye deltamethrin au lambda-cyhalothrin zinaweza kutumika kuua vidukari wanaoibuka. Usisubiri dalili za kuonekana ili kuchukua hatua, kwani inakuwa haina maana tena kupulizia dawa baada ya majani kujikunja. Usipulizie dawa kwenye mimea inayochanua maua ili kuepusha hatari kwa nyuki na wadudu wengine wa uchavushaji.

Ni nini kilisababisha?

Uharibifu husababishwa na vidukari wa malenge lenge ya tunda bukini jekundu, na vidukari hawa wanafahamika kitaalamu kama Cryptomyzus ribis. Tishu za majani yaliyojikunja na yenye malengelenge mara nyingi huonekana zaidi kuliko vidukari wasio na mbawa na wenye rangi ya njano hafifu ambao hufyonza utomvu unaokuwa chini ya majani, ambayo huonekana mwishoni mwa majira ya kuchipua au mwanzoni mwa majira ya joto. Malengelenge na mabadiliko ya rangi husababishwa na kemikali zinazoingizwa na vidukari kwa kudunga majani wakati wa kuyala. Kufikia katikati ya majira ya joto, vidukari wenye mbawa huzaliwa na kuhamia kwa mimea mingine inayohifadhi vimelea. Kufikia majira ya vuli, vidukari hawa hurudi kwenye mmea wa currant, na hutaga mayai yanayoishi msimu wote wa baridi kwenye vitawi. Mayai huanguliwa msimu wa kuchipua na kuzalisha makoloni ya vidukari ambao huhamia kwenye upande wa chini wa majani. Vidukari wa malengelenge ya matunda bukini huathiri matunda bukini mekundu, meupe na meusi, pamoja na matunda mwitu jamii ya jostaberi. Kwa kuwa kwa kawaida mazao huwa hayathiriwi, hatua za kudhibiti zinapaswa kuchukuliwa tu katika hali mbaya sana ya maambukizi.

Hatua za Kuzuia

Mara kwa mara kagua mimea ya matunda bukini na mimea mbadala inayoweza kuhifadhi vimelea ili kugundua uwepo wa vijidudu vya C.
ribis na dalili zake.
Usitumie kiholela dawa za kuua wadudu kwani hii inaweza kuathiri idadi ya wadudu wa asili kama vile wadudu kibibi ambao huwinda na kula wadudu waharibifu.
Epuka kutumia mbolea nyingi yenye naitrojeni kwa sababu ustawi mzuri wa majani unaosababishwa na mbolea ya naitrogeni unaweza kuvutia zaidi vidukari.
Ondoa mabaki ya mimea ya awali.