Embe

Kidomozi wa Mikorosho

Acrocercops syngramma

Mdudu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Uchimbaji kwenye uso wa majani ya mwembe na kwenye vishina teketeke/laini.
  • Alama za kuungua kwenye majani mapya.
  • Mabaka ya malengelenge yenye rangi ya kijivu-nyeupe kwenye majani ambayo baadaye yanageuka kuwa mashimo makubwa.

Inaweza pia kupatikana kwenye

1 Mazao
Embe

Embe

Dalili

Dalili za awali za shambulio huonekana kama machimbo kwenye majani machanga. Lava hula tishu za majani huku wakiacha tabaka la ngozi la nje bila kuguswa. Mabaka meupe yenye malengelenge hatimae huonekana kwenye uso wa majani ambako sehemu kadhaa zilizochimbwa huungana. Uharibifu huonekana kama mashimo makubwa kwenye majani ya zamani na yaliyopevuka. Hii husababishwa na kukauka na kusambaratika kwa sehemu zilizochimbwa za jani.

Mapendekezo

Udhibiti wa Kiasili

Tumia nyigu wa vimelea kama vile Diglyphus isaea, ambaye hushambulia lava wa kidomozi, na kuwaua kabla hawajakua. Tumia mbolea za kikaboni ili kudumisha afya ya mimea. Zuia vidomozi wakubwa kutaga mayai kwenye majani kwa kutumia vifuniko vya safu vinavyoelea. Mitego inayonata yenye rangi ya njano au ya samawati inaweza kutumika kuwanasa vidomozi wanaotaga mayai. Udongo chini ya mimea iliyoathiriwa unapaswa kufunikwa na matandazo ya plastiki ili kuwazuia lava kufika ardhini na kukomaa. Dawa ya kunyunyizia yenye mkusanyiko wa mafuta ya Mwarobaini na cypermethrin huvuruga ukuaji na maendeleo ya wadudu waharibifu.

Udhibiti wa Kemikali

Daima zingatia mbinu jumuishi zenye hatua za kinga pamoja na tiba za kibaiolojia, ikiwa zinapatikana. Nyunyiza Monocrophos 36 WSC 0.05% (@ 0.5ml/lita). Dawa za kuua wadudu za mimea zinazofanya kazi kwa haraka zinapaswa kutumiwa tu kama suluhisho la mwisho.

Ni nini kilisababisha?

Uharibifu husababishwa na lava wa kidomozi. Mayai yanatagwa kwenye majani machanga na kipepeo kamili mwenye rangi ya kijivu iliyo mithili ya fedha. Kabla ya kukomaa, lava huwa na rangi nyeupe hafifu na baadaye hubadilika kuwa rangi ya waridi (pinki) au kahawia nyekundu. Lava hudondokea kwenye udongo ili kukomaa na kuibuka baada ya siku 7-9. Mzunguko mzima wa maisha unaweza kutofautiana kati ya siku 20 hadi 40. Uharibifu huu hupunguza uwezo wa mimea kufanya usanisinuru, na hivyo kusababisha upotevu mkubwa kwenye uzalishaji kwa sababu majani hukauka na kudondoka.

Hatua za Kuzuia

  • Kagua majani ya mimea kwa karibu na mapema katika msimu ili kugundua dalili za ugonjwa na hatimae kuruhusu kuchukua hatua za mapema.
  • Chuma na angamiza majani yaliyoathiriwa vibaya kwenye bustani ndogo.
  • Fanya umwagiliaji sahihi ili kuruhusu mimea kuwa na ukinzani na ustahimilivu dhidi ya uharibifu wa mimea.

Pakua Plantix