Njugu Mawe & Dengu Nyekundu
Mdudu Utando wa Jani
Eucosma critica
Mdudu
Kwa Ufupi
- Majani yaliyokunjwa kwa utando.
- Maua na maganda huathiriwa.
Inaweza pia kupatikana kwenye
Njugu Mawe & Dengu Nyekundu
Dalili
Vipande vya majani hukunjwa na kuunganishwa pamoja. Machipukizi ya kwenye ncha mara nyingi huwa ndani ya utando, ambao huzuia ukuaji wa sehemu ya juu ya mmea. Majani huwa meupe na kukauka.
Mapendekezo
Udhibiti wa Kiasili
Hadi leo, hatujafahamu mbinu yoyote ya kibaolojia inayopatikana dhidi ya ugonjwa huu. Ikiwa unajua njia yoyote iliyofanikiwa ya kupunguza matukio au uzito wa dalili, tafadhali wasiliana nasi.
Udhibiti wa Kemikali
Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Viua wadudu jumuishi vinapaswa kuepukwa, kwani vinaweza kuua wadudu wenye faida. Kemikali zinazodhibiti kiwavi wa Helicoverpa, kipekecha ganda mwenye madoadoa au nondo wa manyoya hushughulikia Mdudu Utando wa Jani.
Ni nini kilisababisha?
Uharibifu huo hufanywa na lava/mabuu wa Eucosma critica (zamani alijulikana kama Grapholotha critica). Nondo wa kike, wenye rangi ya kahawia, hutaga mayai yao kwenye machipukizi na majani machanga. Kisha lava wenye rangi ya manjano-krimu huunganisha majani pamoja na kula machipukizi laini huku wakisalia ndani ya utando. Mabadiliko ya kuwa pupa/buu pia hutokea ndani ya jani la utando. Mimea huathiriwa wakati wote wa msimu. Mazao huathiriwa sana, ikiwa uvamizi umeanza katika hatua ya miche. Matukio ya wadudu hawa huchangiwa na joto kati ya 23°C na 30°C. Ni mdudu mdogo na haleti uharibifu mkubwa wa kiuchumi.
Hatua za Kuzuia
- Panda aina ya mimea iliyo sugu dhidi ya magonjwa/wadudu au inayostahimili ikiwa inapatikana.
- Panda mazao mseto kama marigoldi/tururu au nyonyo.
- Fuatilia shamba lako kujua majani yaliyokunjwa kwa utando.
- Kusanya na kuharibu sehemu za mmea zilizoshambuliwa.
- Hifadhi wadudu ambao ni maadui/mahasimu wa asili na vimelea watakao saidia kudhibiti idadi ya wadudu utando wa jani.
Shirikisha
Pakua Plantix
