Zabibu
Kidung'ata
Pseudococcidae
Mdudu
Kwa Ufupi
- Wadudu walio mithilii ya pamba nyeupe wamekusanyika kwenye majani, mashina, maua, na matunda.
- Majani yanakuwa ya manjano na kujikunja.
- Ukuaji uliodumaa.
Inaweza pia kupatikana kwenye
Zabibu
Dalili
Mkusanyiko wa wadudu walio mithili ya pamba nyeupe huonekana upande wa chini wa majani, mashina, maua, na matunda. Mashambulizi yanaweza kusababisha majani machanga kuwa ya manjano na kujikunja, ukuaji wa mimea kudumaa, na matunda kudondoka mapema. Wadudu hawa hutoa ute/umande wa asali wakati wa wanapofyonza utomvu wa mmea, na hali hii husababisha tishu kunata na hatimae kuvutia bakteria na kuvu wanaoweza kushambulia mmea. Matunda yako hatarini kushambuliwa na yanaweza kuharibika umbo au kufunikwa kabisa na nta. Maji moto wanaweza kuvutiwa na ute wa asali na wanaweza kueneza wadudu waharibifu hadi kwenye mimea mingine. Majani ya zamani yana uwezekano mdogo wa kubadilika umbo au kuharibika.
Mapendekezo
Udhibiti wa Kiasili
Inapotokea ishara ya kwanza ya uvamizi mdogo, tumia pamba iliyolowekwa kwenye mafuta au pombe kali kupaka kwenye makundi ya vidung'ata. Unaweza kupulizia mimea kwa sabuni ya kuua wadudu. Mimea iliyo karibu inapaswa kupuliziwa mafuta ya mwarobaini au pyrethrini ili kuzuia kuenea kwa wadudu hawa. Wadudu wa asili wanaosaidia kudhibiti vidung'ata ni pamoja na mbawakimia wa kijani, Nyigu vidusia, nzi weleaji, wadudu kibibi, mdudu kibibi wa kidung'ata (mwangamiza vidung'ata), na kipepeo mla vidung'ata.
Udhibiti wa Kemikali
Daima zingatia mbinu jumuishi kwa kuchukua hatua za kuzuia pamoja na matibabu ya kibaiolojia ikiwa yanapatikana. Matibabu dhidi ya vidung'ata ni magumu kwa sababu wadudu hawa hulindwa na matabaka yao ya nta na nyuzi nyuzi dhidi ya hali mbaya ya mazingira yanayowazunguka. Hata hivyo, kupulizia majani kwa mchanganyilp unaotokana na imidacloprid, acetamiprid, na chlorpyrifos kunaweza kuwa na ufanisi dhidi ya vidukari.
Ni nini kilisababisha?
Vidung'ata au Vidukari-sufu ni wadudu wenye umbo la mviringo, wasio na mbawa ambao hupatikana katika maeneo yenye hali ya joto au joto la kiasi. Miili yao inalindwa na tabaka la nta nyembamba inayowafanya waonekane kama pamba. Vidung'ata huchomeka kwenye tishu za mmea sehemu ya mdomo wao mrefu unaochoma mithili ya miba na kufyonza utomvu kutoka kwenye mmea. Dalili zinatokana na kemikali zenye sumu wanazodunga ndani ya mmea wakati wa kula. Mayai ya vidung'ata pia hutagwa kwenye udongo. Baada ya kuanguliwa, tunutu (vidung'ata wachanga) na vidung'ata kamili (wakubwa) wanaweza kutambaa hadi kwenye mimea jirani. Pia wanaweza kusambazwa katika umbali mrefu kwa njia ya upepo, maji moto, wanyama, ndege au wakati wa shughuli za shambani kama vile kupogoa au kuvuna. Wanayo mimea mingine mbadala wanamoweza kuishi kama vile biringanya na viazi vitamu, pamoja na magugu ya aina nyingi. Hali ya joto la uvuguvugu na hewa kavu husaidia mzunguko wa maisha yao na kuongeza ukali wa dalili.
Hatua za Kuzuia
- Tumia mbegu au miche inayotokana na mimea yenye afya au kutoka kwenye vyanzo vilivyo thibitishwa.
- Kagua shamba mara kwa mara ili kubaini uwepo wa dalili za uwepo wa wadudu.
- Ondoa na haribu mimea au sehemu za mimea zilizoathirika.
- Tokomeza magugu ndani na kuzunguka shamba.
- Usipande mazao mengine yanayoweza kuathiriwa na vidung'ata katika eneo hilo.
- Chukua tahadhari kubwa ili usisambaze vidung'ata wakati wa shughuli za shambani.
- Hakikisha kunakuwa na ongezeko la wadudu wawindaji (wanaokula wadudu wengine) kwa kutumia mbinu bora za kilimo, kwa mfano kutumia viuatilifu maalum kwa ajili ya kuua vidung'ata.
- Fuata mpango wa utumiaji wa mbolea zenye uwiano sawia na kwa muda muafaka Epuka umwagiliaji wa mafuriko kwa mazao wakati wa msimu.
- Dhibiti maji moto kwa kutumia mikanda inayonata kwenye shina au matawi.
- Takasa ( safisha kwa madawa) vifaa na zana za kilimo.
- Fanya mzunguko wa mazao kwa kutumia mimea inayoweza kuathiriwa na vidung'ata.
Shirikisha
Pakua Plantix
