Mzeituni

Utitiri wa Chipukizi la Mzeituni

Oxycenus maxwelli

Mchwa

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Majani yenye umbo la mundu na vichipukizi vya mimea vilivyokufa katika majira ya kuchipua.
Kubadilika rangi kwa machipukizi ya maua, ukungu wa maua, kudondoka kwa maua, na kupungua kwa ukuaji wa chipukizi.

Inaweza pia kupatikana kwenye

1 Mazao

Mzeituni

Dalili

Utitiri wa mzeituni hula kwenye mashina laini na yenye majimaji, machipukizi na juu ya uso wa majani, na kuharibu tishu zinazokua. Dalili za kushambuliwa na wadudu hawa ni pamoja na kuwepo kwa madoa kwenye majani, kubadilika rangi kwa majani na kujikunja kwenye sehemu ya katikati ambayo huwapa umbo la mundu. Dalili nyingine za shambulio ni machipukizi yaliyokufa katika majira ya kuchipua, kubadilika rangi kwa machipukizi ya maua, ukungu kwenye maua na kuanguka kwa maua, na kupungua kwa ukuaji wa shina. Pingilio za majani machanga zinaweza kuwa na hitilafu na kusababisha athari ya 'ufagio wa mchawi' zikiangaliwa kwa mbali. Mdudu huyu kwa kawaida si tatizo kubwa kwani mzeituni utaweza kustahimili maambukizi na kujiponya wenyewe. Ingawa, katika miti michanga sana ya mizeituni, shambulio kali linaweza kudhoofisha ukuaji wa mmea.

Mapendekezo

Udhibiti wa Kiasili

Mbawakavu wenye madoa na baadhi ya aina za utitiri unaokula wadudu wengine hula O. maxwelli na wanaweza kuwekwaa kwenye bustani. Hakikisha usiwaue kwa kutumia viua wadudu vya wigo mpana. Mafuta ya majira ya joto ya bustani yanaweza kutumika, ambayo hayana usumbufu kwa maadui wa asili kuliko bidhaa zenye na salfa ya unyevunyevu, kwa kuwa zina muda mfupi wa kusalia kwenye mimea. Mafuta yanapaswa kuwekwa kwenye miti ya mizeituni iliyomwagiliwa maji vizuri wakati hali ya joto ni ya kawaida.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Ikiwa idadi kubwa ya wadudu inaonekana, miti ya mizeituni inapaswa kutibiwa kabla ya machipukizi kuchanua. Salfa yenye unyevunyevu imeonekana kuwa na ufanisi, lakini uharibifu wa mti unaweza kutokea kwenye joto zaidi ya 32 °C. Kwa joto la juu, salfa ya vumbi ni salama kutumia kuliko salfa yenye unyevunyevu. Kunyunyizia salfa ni chaguo jingine.

Ni nini kilisababisha?

Dalili husababishwa na ulaji wa utitiri wa chipukizi la mzeitunii, ujulikanao kama Oxycenus maxwelli. Ni kiumbe kidogo sana (0.1-0.2 mm) ambacho hakionekani kwa macho. Kina rangi ya njano hadi hudhurungi iliyokolea, hutembea polepole, na kina umbo la kabari, mwili uliobapa ambao ni umbo dhahiri la spishi nyingi za familia hii. Kwa kuwa wao hula tu kwenye bustani za mizeituni, mzunguko wao wa maisha unahusiana sana na ule wa mzeituni. Katika majira ya kuchipua, huhamia kwenye majani mapya na machipukizi ili kuzaliana na majike hutaga mayai 50 humo. Lava/funza wanaoibuka na tunutu hula kwa idadi kwenye maua na wanaweza kuharibu mashina, na kuyafanya kuanguka mapema. Baadaye, wadudu wanaweza kushambulia matunda machanga na kusababisha kubadilika rangi na kusinyaa kwa tishu karibu na maeneo waliyokula.

Hatua za Kuzuia

Fuatilia shamba mara kwa mara kwa dalili za utitiri wa chipukizi la mzeituni.
Dhibiti dawa za kuua wadudu ili zisiathiri viumbe wawindaji/walaji wa utitiri wa chipukizi la mzeituni.