Mahindi

Mozo Bakteria wa Shina la Mahindi

Dickeya zeae

Bakteria

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Kubadilika rangi kwa majani na vifuko vya majani, na baadae kwenye shina.
  • Harufu mbaya na sehemu ya juu ya mmea inakuwa rahisi kuitenganisha na sehemu nyingine ya mmea inayobaki.
  • Kubadilika rangi ndani ya shina na uozo mithili ya utelezi.

Inaweza pia kupatikana kwenye

2 Mazao
Mahindi
Mtama

Mahindi

Dalili

Sifa ya ugonjwa wa uozo bakteria wa shina la mahindi ni kubadilika rangi kwa majani, kifuko cha jani, na vifundo vya shina. Ugonjwa huu hatimae huenea kwa haraka kwenye shina na kusambaa hadi kwenye majani mengine. Kadri tishu zinapoanza kuoza, harufu mbaya inaweza kugundulika, na sehemu ya juu ya mmea inaweza kuondolewa/kutenganishwa kirahisi kutoka kwenye sehemu nyingine ya mmea. Shina huoza kabisa na mara nyingine sehemu ya juu huanguka. Ukataji wa shina kwa urefu unaonyesha kubadilika rangi ndani na kuoza kwa hali ya utelezi kunakojikita zaidi kwenye pingili. Kwa kuwa bakteria hawaenei kwa mimea mingine, mimea iliyoathirika hupatikana ikitawanyika shambani. Hata hivyo, kuna ripoti za kuenea kwa ugonjwa huu kutoka mmea hadi mmea kupitia wadudu wachache wanaobeba vimelea. Ugonjwa huonekana kwenye mahindi wakati mvua nzito za vipindi zinapofuatiwa na joto kali na unyevunyevu mwingi.

Mapendekezo

Udhibiti wa Kiasili

Kwa sasa, hakuna chaguo za kudhibiti wa kibaiolojia zinazopatikana dhidi ya bakteria hawa. Tafadhali wasiliana nasi ikiwa unafahami mbinu yoyote ya kibaiolojia inayoweza kutumika dhidi ya bakteria hawa.

Udhibiti wa Kemikali

Daima zingatia mbinu jumuishi zenye hatua za kuzuia pamoja na matibabu ya kibaiolojia ikiwa yanapatikana. Inashauriwa kuongeza klorini kwenye maji ya umwagiliaji au kutia unga wa kuondoa madoa (bleach) kwa kiwango cha 33% klorini kwa 10 kg/ha kabla ya hatua ya kutoa maua.Mchanganyiko wa copper oxychloride unaweza pia kutumika kwa ufanisi dhidi ya ugonjwa huu. Mwishowe, kuongeza 80 kg/ha ya mbolea ya MOP kwa kuigawanya mara mbili hupunguza ukali wa dalili za ugonjwa.

Ni nini kilisababisha?

Dalili za ugonjwa huu husababishwa na bakteria anayefahamika kitaalamu kama Erwinia chrysanthemi ambao msimu wote wa baridi huishi tu kwenye mabaki ya shina yaliyo juu ya uso wa ardhi, lakini hawawezi kuishi kwa zaidi ya mwaka mmoja hapo. Hakuna ushahidi wa kuthibitisha bakteria hawa husambazwa kupitia mbegu. Ugonjwa huu hustawi kwenye joto la 32-35°C na unyevu anga wa juu. Mvua za mara kwa mara na umwagiliaji wa kunyunyuzia husababisha majani kuwa na maji maji kwa muda mrefu na mkusanyiko wa maji kwenye shada. Kadiri maji maji haya yanavyopata joto, yanaweza kuharibu tishu za mmea, na kutoa nafasi kwa maambukizi kutokea. Mimea inayokumbwa na joto kali au mafuriko, mwanzoni inaweza kuonyesha dalili za ugonjwa karibu na kitako cha mmea. Inadhaniwa kuwa maji ya umwagiliaji ni chanzo kikuu cha vimelea. Ingawa ugonjwa unaweza kuenea kwenye mmea na kuathiri vifundo vingine, bakteria hawa kwa kawaida hawasambai hadi kwenye mimea iliyo jirani isipokuwa kama wanabebwa na wadudu wasambazaji wa vimelea.

Hatua za Kuzuia

  • Pangilia mfumo mzuri wa utoaji maji ili kuepuka mafuriko.
  • Panda aina za mbegu zinastahimili magonjwa, ikiwa zinapatikana katika eneo lako.
  • Kagua shamba mara kwa mara ili kubaini uwepo wa dalili za ugonjwa.
  • Epuka matumizi ya mbolea za naitrojeni kupita kiasi na wakati wote gawanya matumizi yake; yaani usiweke mbolea nyingi ya naitrojeni kwa mara moja na badala yake igawanye na kuiweka kwa vipindi tofauti.
  • Sahihisha kwa kuweka dozi kubwa za mbolea ya fosforasi na potasiamu ili kupunguza makali ya ugonjwa.
  • Epuka kumwagilia wakati wa vipindi vya joto kali mchana ambapo maji yanaweza kukusanyika kwenye shada (sehemu ambayo majani au maua hukutana kuzunguka shina na kuunda umbo mithili ya duara).
  • Katika maeneo ambayo ugonjwa hutokea mara kwa mara, wakulima wanashauriwa kuchanganya mbolea inayotokana kwa kupanda pamoja baadhi ya mimea kama vile mikunde kunde kabla ya kupanda mahindi.
  • Changanya mabaki ya mazao kwenye udongo baada ya mavuno ili kuvunja mzunguko wa ugonjwa.

Pakua Plantix