Nyingine

Doa Bakteria Jeusi la Miembe

Xanthomonas citri pv. mangiferaeindicae

Bakteria

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Madoa meusi yaliyotota maji kwenye majani.
  • Baadaye madoa hukauka na kubadilika rangi na kuwa ya kahawia hafifu au kama ya kijivu.
  • Majani kuanguka kabla ya wakati.
  • Mashimo yanayochuruzika utomvu kwenye matunda.

Inaweza pia kupatikana kwenye

1 Mazao
Embe

Nyingine

Dalili

Dalili kuu za ugonjwa wa madoa meusi ya bakteria ya miembe huonekana kwenye majani na matunda, lakini vitawi vidogo na matawi pia yanaweza kuathirika ikiwa ugonjwa utakuwa mkali. Mwanzoni, vidonda vidogo vyeusi vyenye maji maji hujitokeza kwenye majani. Madoa haya huzungukwa na kingo za rangi ya njano na huzuia kuenea kwa mishipa ya majani. kadri ugonjwa unavyoendelea, madoa hukauka na majani yanaweza kudondoka, na hivyo kusababisha kupukutika kwa majani. Katika hatua za mwanzo, madoa mepesi yaliyolowana majimaji huonekana kwenye matunda yaliyoambukizwa. Baadaye, hubadilika kuwa mashimo yenye umbo la nyota, yenye rangi nyeusi, na yanayochuruzika utomvu wenye maambukizi ambao huvutia vimelea nyemelezi vinavyosababisha magonjwa mengine. Maambukizi madogo husababisha kupungua kwa ubora wa matunda, wakati matunda yaliyoathirika sana yanaweza kudondoka. Vidonda vinaweza kutokea na kusababisha matawi na mashina meusi yaliyopasuka, ambayo hatimae yanaweza kudhoofisha uimara wa mti.

Mapendekezo

Udhibiti wa Kiasili

Upuliziaji wa mara kwa mara wa dawa zenye copper oxychloride imethibitika kuwa na ufanisi katika kuzuia na kupunguza maambukizi. Wadudu wa kudhibiti kibaolojia kama Acinetobacter baumannii kwenye miti iliyoathirika pia wanaweza kupunguza bakteria hawa kwa ufanisi.

Udhibiti wa Kemikali

Daima zingatia matumizi ya mbinu jumuishi zenye hatua za kinga na matibabu ya kibaolojia ikiwa yanapatikana. Dawa za kupulizia zenye thiophanate-methyl au benzimidazole zinaweza kutumika kudhibiti ugonjwa huu.

Ni nini kilisababisha?

Ugonjwa huu unasababishwa na aina ya bakteria aitwae Xanthomonas citri. Bakteria hawa wanaweza kuishi hadi miezi 8 ndani ya tishu hai. Bakteria huathiri miti kupitia vidonda na sehemu ambazo kiasili zinakuwa wazi. Vimelea vinavyosababisha ugonjwa huu vinaweza kuenea kutoka mti mmoja hadi mwingine au kati ya shamba na shamba kwa njia ya mvua inayopeperushwa na upepo au kupitia zana za kilimo zinazotumika katika shughuli za usimamizi wa shamba kama vile kupunguza matawi. Vinginevyo, kuenea kwa ugonjwa hutokea kupitia mbegu, miche, au vipandikizi au kwa kugusana hasa katika matunda. Joto linalofaa zaidi kwa maambukizi ya madoa meusi ya bakteria ni kati ya 25 na 30 °C. Unyevunyevu wa juu pia huchochea maambukizi. Vizuizi vya upepo au upandaji wa aina za miti yenye majani mengi kuzunguka shamba la miembe inaweza kupunguza kuenea kwa ugonjwa huu.

Hatua za Kuzuia

  • Tumia mbegu, miche au vipandikizi vilivyo na afya.
  • Takasa (Safisha hususani kwa madawa) zana na vifaa vya kazi za kilimo.
  • Tumia aina za mbegu/miche/vipandikizi/ zinazostahimili magonjwa ikiwa zinapatikana.
  • Hakikisha kuna uingizaji mzuri wa hewa kwenye miti.
  • Mara kwa mara ondoa vitawi, matawi, na matunda yaliyoathirika.
  • Epuka uharibifu wa miti ya maembe wakati wa kazi za shambani.
  • Linda miti dhidi ya upepo mkali na mvua kubwa kwa kutumia vizuizi vya upepo.
  • Matunda na sehemu za miti zilizoathirika zinapaswa kuharibiwa.

Pakua Plantix