Nyanya

Donda Bakteria la Nyanya

Clavibacter michiganensis subs. michiganensis

Bakteria

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Kubadirika rangi kwa manjano, kujikunja na kunyauka kwa majani - kuanzia kwenye kingo.
  • Madoa ya kahawia yenye mduara angavu (halo) kwenye matunda.
  • Shina lililooza lenye mistari ya wima.
  • Mpasuko wa shina.

Inaweza pia kupatikana kwenye

1 Mazao
Nyanya

Nyanya

Dalili

Miche iliyoambukizwa hutoa mimea dhaifu, iliyodumaa na madoa madogo meupe kwenye mishipa ya majani na vikonyo. Dalili katika mimea iliyokomaa inaweza kutokana na kuenea kwa maambukizi ya awali kwenye tishu mpya (kwenye mfumo) au kutokana na maambukizi ya upili. Kubadilika rangi kati ya mishipa, kujikunja na kunyauka kwa majani ya zamani (wakati mwingine upande mmoja tu) ni sifa ya kuenea kwa mfumo. Baadaye, majani yanageuka kahawia na kuanguka. Vikonyo kawaida hubakia kijani na imara kushikamana na shina. Maambukizi mapya yana sifa ya vidonda vya kahawia iliyokolea kwenye ukingo wa jani na madoa ya mviringo yenye mduara wa kung'aa kwenye ubapa wa jani. Kitako cha shina huoza na mistari ya wima ya kahawia iliyokolea na kahawia huonekana kwenye sehemu ya juu. Shina baadaye hupasuka na kutengeneza donda refu, la kahawia. Juu ya matunda, madoa ya kahawia na halo inayo ng`aa huonekana. Ugonjwa unapoendelea, mmea wote hukauka.

Mapendekezo

Udhibiti wa Kiasili

Loweka mbegu kwenye asidi ya asetiki 8% au asidi yahaidrokloriki 5%. Unaweza pia kutumia methyl bromidi au matibabu ya maji.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa inapatikana. Chini ya hali ya mvua ya mara kwa mara na vipindi vya mvua kwa muda mrefu, matumizi ya dawa za kupuliza zenye viua bakteria ynaweza kupendekezwa. Hizi zinaweza kupunguza matukio ya baka-jani na madoa ya matunda. Ikiwa hatua za kuzuia zitafuatwa, matumizi ya bidhaa zenye msingi wa shaba hutoa faida kidogo ya ziada kwani maambukizo ya sehemu maalumu yana tishio dogo la kiuchumi.

Ni nini kilisababisha?

Bakteria wanaweza kuishi kwenye mbegu, kwenye mabaki ya mimea au kwenye udongo. Uambukizaji hutokea kupitia mbegu zilizoambukizwa, vimelea vya magonjwa kwenye udongo, au wakati wa kuminya. Bakteria huongezeka katika mishipa ya majani na kuzuia usafiri wa maji na virutubisho. Matokeo yake, mmea huanza kunyauka na kukunjamana. Hali ya unyevu wa juu wa udongo au unyevu sawia na hali ya joto (24 hadi 32 ° C) hupendelea maendeleo ya ugonjwa huo.

Hatua za Kuzuia

  • Chagua mbegu au vipandikizi vilivyothibitishwa visivyo na magonjwa.
  • Chagua aina sugu ikiwa zinapatikana.
  • Nyenzo isiyo ya udongo kwenye trei za plastiki inaweza kutumika badala ya miundo mbinu ya vitalu vya shambani kuotesha miche.
  • Ikiwezekana, takasa kwa mvuke vitalu vya mbegu na udongo ili kuua bakteria.
  • Weka zana na vifaa vyako safi.
  • Ondoa magugu ya familia ya Solanaceae.
  • Fuatilia mashamba na ukate mimea yenye magonjwa kwenye usawa wa ardhi.
  • Fanya mzunguko wa nyanya na mazao yasiyo ya jamii ya solanaceous kwa angalau miaka miwili au mitatu.
  • Lima kwa kina baada ya kuvuna na ufukie mabaki ya mazao yaliyoambukizwa.

Pakua Plantix