Pilipili Hoho & Pilipili

Doa Bakteria la Pilipili

Xanthomonas sp.

Bakteria

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Vidonda vidogo, vyenye rangi ya kijani-njano kwenye majani machanga.
  • Vidonda vyeusi, vilivyotota maji kwenye majani makuukuu na miduara ya njano.
  • Majani yaliyoharibika umbo na yaliyosokotwa.
  • Maeneo yaliyotota maji kwenye matunda, yanakuwa na mikwaruzo, ya kahawia, yenye upele/vigaga.

Inaweza pia kupatikana kwenye

1 Mazao
Pilipili Hoho & Pilipili

Pilipili Hoho & Pilipili

Dalili

Dalili za awali ni vidonda vidogo, vya kijani-njano kwenye majani machanga, ambayo kwa kawaida huonekana yakiwa yameharibika umbo na kujisokota. Juu ya majani ya zamani, vidonda vina pembe, kijani kibichi, na vina mafuta (grisi) kwa kuonekana, mara nyingi huzungukwa na miduara ya njano. Mara nyingi huwa vingi zaidi kwenye kingo za majani au ncha. Hatimaye, madoa huonekana kama matundu kwa sababu katikati hukauka na kusambaratika. Madoa ya matunda (hadi sm 0.5) huanza kama maeneo ya kijani mpauko, yaliyotota maji, ambayo hatimaye huwa na mikwaruzo, kuwa kahawia na yenye magaga.

Mapendekezo

Udhibiti wa Kiasili

Doa Bakteria ni ngumu sana na ni ghali kutibu. Ikiwa ugonjwa utatokea mapema kwenye msimu, fikiria kuharibu mazao yote. Dawa za bakteria zilizo na shaba huweka utando wa kinga kwenye majani na matunda. Virusi vya bakteria (bacteriophages) ambavyo vinaua bakteria vinapatikana. Loweka mbegu kwa dakika moja kwenye sodium hypochlorite 1.3% au kwenye maji moto (50°C) kwa dakika 25.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Dawa za kuua bakteria zenye shaba zinaweza kutumika kama kinga na kutoa udhibiti wa ugonjwa kwa kiasi kidogo. Tumia dawa pale ishara ya kwanza ya ugonjwa ikitokea na kisha kwa vipindi vya siku 10 hadi 14 wakati hali ya joto na unyevu inapotawala. Viambata hai vya shaba na mancozeb hutoa ulinzi bora.

Ni nini kilisababisha?

Doa bakteria hutokea duniani kote na ni mojawapo ya magonjwa mabaya zaidi kwenye mimea ya pilipili na nyanya inayokuzwa katika mazingira ya joto na unyevu. Vimelea vinaweza kuishi kwa kuambatana na mbegu, ama nje au ndani na pia kwenye magugu maalum na baadaye kuenea kwa njia ya mvua au umwagiliaji wa juu. Huingia kwenye mmea kupitia vitundu vya majani na majeraha. Joto bora zaidi kwao huanzia 25 hadi 30 ° C. Mara baada ya mazao kuambukizwa, ugonjwa ni vigumu sana kudhibiti na unaweza kusababisha hasara ya jumla ya mazao.

Hatua za Kuzuia

  • Panda mbegu zilizothibitishwa, zisizo na magonjwa.
  • Tumia aina sugu kama zinapatikana katika eneo lako.
  • Kagua mashamba mara kwa mara ili kuona dalili za ugonjwa.
  • Ondoa na kuchoma mche au mimea yoyote yenye madoa kwenye majani, pamoja na mimea iliyo karibu.
  • Ondoa magugu ndani na nje ya shamba.
  • Matandazo karibu na mimea husaidia kuzuia maambukizi kutoka kwenye udongo hadi kwenye mimea.
  • Safisha zana na vifaa baada ya matumizi ikiwa unafanya kazi katika mashamba tofauti.
  • Epuka umwagiliaji wa juu na kufanya kazi kwenye shamba wakati majani yamelowana.
  • Lima kwa kufunika uchafu wa mimea kwa kina chini ya udongo baada ya kuvuna.
  • Vinginevyo, uondoe na kuuchoma.
  • Panga mzunguko wa mazao wa miaka 2-3 na mimea isiyoshambuliwa.

Pakua Plantix