Pilipili Hoho & Pilipili

Batobato ya Matango kwa Pilipili

CMV

Kirusi

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Miundo ya nakshi kwenye majani na matunda.
Madoa ya kahawia na mabaka ya njano kwenye matunda.
Kuharibika umbo na mikunjo ya majani na vikonyo.
Ukuaji uliodumaa na michirizi myeupe kwenye maua.

Inaweza pia kupatikana kwenye

1 Mazao

Pilipili Hoho & Pilipili

Dalili

Dalili hutofautiana sana kulingana na aina iliyoambukizwa na hali za kimazingira. Katika baadhi ya matukio, virusi vinaweza kuwepo lakini dalili hufichwa au kutoonekana kirahisi. Katika aina zinazoshambuliwa, mabaka ya rangi ya njano au rangi ya kijani nyepesi na madoa ya njano yanaweza kuonekana kwenye majani na matunda. Katika aina fulani, muundo wa wazi wa doa la mduara au mstari wa tishu zilizo kufa unaweza kuonekana. Majani machanga yanaonekana yamekunjamana na membamba na majani ni ya kijani kilicho pauka/fifia na yenye mwonekano wa ngozi. Mmea wote hudumaa kwa kiasi kikubwa na umbo lililo haribiwa, wenye muonekano wa kichaka, na mara nyingi hauzai. Ikiwa yatakuepo, matunda yana vidonda vingi vya mviringo vya kahawia, mara chache huwa na mduara angavu wa njano.

Mapendekezo

Udhibiti wa Kiasili

Matumizi ya dawa za kunyunyuzia za mafuta ya madini kwenye majani yanaweza kuzuia vidukari kula na hivyo kudhibiti idadi yao.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Hakuna kemikali zinazofaa dhidi ya CMV, wala yoyote ambayo hulinda mimea kutokana na kuambukizwa. Viua wadudu vyenye cypermethrin au chlorpyrifos vinaweza kutumika kama dawa ya majani dhidi ya vidukari.

Ni nini kilisababisha?

Dalili husababishwa na virusi vya matango (CMV), ambavyo huathiri aina mbalimbali (mazao pamoja na maua mengi, hasa maua ya lily, delphiniums, primulas na daphnes). Virusi vinaweza kubebwa na kusambazwa na spishi 60-80 tofauti za vidukari. Njia zingine za maambukizi ni pamoja na mbegu zilizoambukizwa na vipandikizi, na uhamisho wa kupitia kwenye mikono ya mfanyakazi au kwenye zana. CMV inaweza kuishi msimu wote wa baridi katika magugu ya kudumu ya maua, na mara nyingi pia juu ya mazao yenyewe, katika mizizi, mbegu au maua. Katika maambukizi ya awali, virusi hukua kimfumo ndani ya mche mpya na kuishia kwenye majani ya juu. Vidukari wakila mimea hii hubeba virusi kwenda kwenye mimea mingine (maambukizi ya upili). Virusi hutumia tishu za mishipa ya mimea kwa usafiri wa umbali mrefu kati ya viungo tofauti vya mmea.

Hatua za Kuzuia

Tumia mbegu na miche isiyo na virusi kutoka kwenye chanzo kilichoidhinishwa.
Panda aina sugu au zinazostahimili, ikiwa zinapatikana.
Fuatilia mashamba na uondoe mimea yenye dalili za ugonjwa.
Ondoa magugu yoyote ambayo yanaonyesha muundo wa nakshi.
Ondoa magugu, pamoja na mimea mbadala inayoshambuliwa na virusi hawa, inayokua karibu na mazao yako.
Hakikisha unatakasa zana au vifaa vinavyotumika kwenye uzalishaji wa vipandikizi.
Weka kifuniko kinachoelea ili kuzuia vidukari wanao hama katika wiki za mwanzo za ukuaji wa mazao.
Ondoa kifuniko baada ya kipindi hicho cha hatari zaidi kupita ili kuruhusu uchavushaji.
Panda mazao ya kizuizi ambayo yatavutia vidukari.
Tumia mitego yenye kunata ili kukamata vidukari kwa wingi.
Funika ardhi na nyenzo ya kuzuia vidukari kama vile karatasi ya alumini.