Pilipili Hoho & Pilipili

Virusi vya Mkunjo wa Jani

CLCV

Kirusi

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Kingo za majani kupinda/kujikunja kuelekea juu.
  • Mishipa ya jani kuwa ya njano.
  • Kupungua kwa ukubwa wa jani.
  • Majani ya zamani huwa kama ngozi na kukakamaa.
  • Kudumaa kwa mimea.
  • Makundi ya matunda madogo.

Inaweza pia kupatikana kwenye

2 Mazao
Pilipili Hoho & Pilipili
Nyanya

Pilipili Hoho & Pilipili

Dalili

Dalili za virusi vya mkunjo wa Jani la pilipili ni kingo za majani kupinda/kujikunja kuelekea juu, mishipa ya njano na kupungua kwa ukubwa wa jani. Zaidi ya hayo, mishipa ya majani huvimba na kupungua kwa urefu wa pingili na vikonyo. Majani ya zamani huwa kama ngozi na kukakamaa. Ikiwa mimea imeambukizwa mwanzoni mwa msimu, ukuaji wake utadumaa, na kusababisha upungufu mkubwa wa mavuno. Uzaaji wa matunda katika mimea inayoshambuliwa kirahisi haukamiliki na matunda yaliyo haribika umbo. Virusi husababisha dalili zinazofanana na uharibifu unatokana na ulaji wa vithiripi na utitiri.

Mapendekezo

Udhibiti wa Kiasili

Dhibiti idadi ya nzi weupe ili kupunguza maambukizi ya virusi. Mafuta ya mwarobaini au mafuta ya mazao ya bustani (mafuta yanayotokana na petroli) yanaweza kutumika. Hakikisha kwamba mafuta yanafunika mimea vizuri, hasa upande wa chini wa majani ambapo inzi weupe wanaweza kupatikana. Baadhi ya maadui wa asili kama vile mbawakimia, kunguni wenye macho makubwa na mende haramia wadogo wanaweza kudhibiti idadi ya inzi weupe.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia, ikiwa yanapatikana. Hakuna njia madhubuti zinazojulikana za kuzuia au kupunguza virusi vya mkunjo wa jani la pilipili. Fuata mbinu za kudhibiti kemikali, kama vile imidacloprid au dinotefuran. Nyunyizia miche kwa imidacloprid au lambda-cyhalothrin kabla ya kuipandikiza ili kudhibiti wadudu wanaoeneza. Matumizi makubwa ya viua wadudu hudhuru wadudu wenye manufaa na pia kufanya spishi nyingi za nzi weupe kuwa sugu. Ili kuzuia hili, hakikisha mzunguko sahihi kati ya viua wadudu na utumie tu vile vilivyo chaguliwa.

Ni nini kilisababisha?

Dalili husababishwa na begomovirus, ambao kimsingi huenezwa na nzi weupe kwa njia inayoendelea. Wana sifa ya urefu wa 1.5 mm, mbawa nyeupe zinazo nata, mwili wa njano hafifu na hupatikana mara kwa mara kwenye upande wa chini wa majani. Kuenea kwa ugonjwa hutegemea hali ya upepo, ambayo huamua ni umbali gani nzi weupe wanaweza kusafiri. Nzi weupe huleta matatizo zaidi katikati ya msimu au mwishoni. Kwa kuwa ugonjwa huu hauenezwi kwa mbegu, virusi huendelea kuwepo katika mazingira kupitia mimea mbadala (kama vile tumbaku na nyanya) na magugu. Baadhi ya mambo ya ziada ambayo yanaweza kuchangia ukuaji wa ugonjwa huo ni mvua, vipandikizi vilivyo ambukizwa, na uwepo wa magugu. Katika vitalu, mimea ya pilipili huathiriwa zaidi na maambukizi wakati wa miche na hatua ya kuchipua.

Hatua za Kuzuia

  • Tumia aina zilizopo zinazo stahimili na utoe mbegu kutoka kwenye mimea isiyo na virusi pekee.
  • Panda angalau mistari miwili ya mazao kizuizi kama vile mahindi, mtama au mtama wa lulu kuzunguka shamba lako.
  • Dhibiti idadi ya nzi weupe na linda miche isishambuliwe na wadudu hao kwa kuweka neti za nailoni juu ya kitalu.
  • Fuatilia mara kwa mara ili kugundua maambukizi ya mapema kwa kuangalia dalili za majani yaliyojikunja na kudumaa kwa ukuaji.
  • Weka mitego ya kunata ya manjano au karatasi kadhaa kwenye shamba lako zinazovutia inzi weupe.
  • Dhibiti wadudu wasambazaji kwa kukuza miche chini ya wavu, ambao unaweza pia kuzuia inzi weupe kushambulia miche.
  • Hakikisha shamba halina magugu na mazingira ya kuzunguka shamba.
  • Kusanya na kuharibu mimea iliyoshambuliwa mapema kwa kuichoma.
  • Lima kwa kina au choma mabaki yote ya mimea baada ya kuvuna.
  • Vutia wadudu wenye manufaa kwa kupanda mazao mchanganyiko.

Pakua Plantix