Mahindi

Virusi vya Michirizi ya Majani ya Mhindi

MSV

Kirusi

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Katika hatua za awali za maambukizi, madoa madogo ya duara yenye rangi ya manjano huonekana kwenye kitako cha majani machanga.
  • Idadi ya madoa hayo hatimae huongezeka na huwa na tabia ya kuungana.
  • Yanaendelea na kuwa michirizi miembamba, yenye rangi nyeupe hadi ya manjano ambayo hukua sambamba na mishipa ya majani.
  • Mistari hiyo inaweza kufunika jani lote na kusababisha mmea kudumaa, ukuaji usiokamilika wa magunzi, na upungufu wa kujaza nafaka.

Inaweza pia kupatikana kwenye

5 Mazao
Shayiri
Mahindi
Mtama
Muwa
Zaidi

Mahindi

Dalili

Dalili hutofautiana kidogo kutegemea na aina ya mbegu za mmea na hali ya mazingira. Katika hatua za awali za maambukizi, madoa madogo ya duara yenye rangi ya manjano yanaweza kupatikana kwenye kitako cha majani machanga. Kadri ugonjwa unavyoendelea, idadi ya madoa huongezeka na huwa na tabia ya kuungana. Kwa aina za mimea inayoathirika kwa urahisi zaidi kuhimili ugonjwa, madoa hayo hugeuka kuwa mistari myembamba, meupe hadi ya manjano ambayo hukua sambamba na mishipa ya majani. Ikiwa maambukizi yatatokea mapema wakati wa ukuaji wa mmea, mistari hiyo hufunika jani lote na kusababisha mmea kudumaa, ukuaji usiokamilika wa maua na mahindi, pamoja na upungufu wa kujaza nafaka.

Mapendekezo

Udhibiti wa Kiasili

Samahani, hatujui matibabu yoyote mbadala dhidi ya Virusi vya Michirizi Kwenye Majani ya Mahindi(yaani Maize Leaf Streak Virus) kwa sasa. Tafadhali wasiliana nasi endapo utapata taarifa kuhusu njia yoyote inayoweza kusaidia kupambana na ugonjwa huu. Tunatarajia kusikia kutoka kwako.

Udhibiti wa Kemikali

Daima zingatia mbinu jumuishi zinazohusisha na kinga pamoja na matibabu ya kibaiolojia ikiwa yanapatikana. Hakuna matibabu ya kemikali kwa magonjwa yanayosababishwa na virusi. Kupunguza idadi ya wadudu wanaoeneza virusi kwa kawaida husaidia kupungua kwa kiwango cha maambukizi. Bidhaa za madawa zinazotokana na dimethoate zinaweza kutumiwa kwenye majani, lakini njia hii inapaswa kutathminiwa kwa uangalifu dhidi ya hasara inayoweza kutokea kwenye mavuno, pamoja na hofu ya kutokea kwa mlipuko wa ugonjwa.

Ni nini kilisababisha?

Ugonjwa wa michirizi kwenye majani ya mahindi ni tatizo linalopatikana zaidi barani Afrika, lakini pia limeripotiwa kutokea kusini-mashariki mwa Asia. Uginjwa huu husababishwa na virusi vinavyoenezwa na baadhi ya spishi za viruka-jani (jamii ya panzi wadogo) waitwao kitaalamu Cicadulina. Wadudu hawa hupata virusi kwa kunyonya majani machanga yanayokua. Mzunguko wa maisha wa maisha yao huchukua kati ya siku 22 hadi 45, kutegemea na hali ya hewa. Joto la takriban 20-35°C ndilo muafaka kwa ukuaji wao, na hivyo kuongeza hatari ya maambukizi kwa mazao. Kundi kubwa la mazao ya nafaka hutumika kama mimea mbadala inayoweza kuhifadhi virusi, na mazao hayo ni kama ngano, shayiri, shairi, mtama.

Hatua za Kuzuia

  • Tumia mbegu kutoka kwenye mimea yenye afya au kutoka kwenye vyanzo vilivyothibitishwa.
  • Tumia aina ya mbegu zilizo sugu dhidi ya magonjwa au zinazostahimi magonjwa kama zinapatikana.
  • Panda mahindi pamoja na mimea mbadala inayovutia panzi na hivyo kupunguza maambukizi kwenye mazao.
  • Tumia vizuizi ili kudhibiti mienendo ya viruka majani.
  • Kagua shamba, chuma/okota na haribu mimea yoyote yenye ugonjwa.
  • Dhibiti magugu shambani na kuzunguka shamba.
  • Epuka kupanda mazao mawili ya mahindi mfululizo kwenye shamba moja.
  • Badala yake, fanya mzunguko wa mazao na mimea jamii ya kunde kama maharagwe, mbaazi au mazao mengine yasiyovutia wadudu.

Pakua Plantix