Papai

Kirusi wa Doa Kizingo

PRSV

Kirusi

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Miduara/vizingo vya kijani kibichi kwenye matunda.
  • Mfano wa nakshi ya manjano kwenye majani.
  • Madoa yaliyo tota maji na michirizi kwenye uti na mashina.

Inaweza pia kupatikana kwenye

6 Mazao
Mung'unye
Tango
Tikiti
Papai
Zaidi

Papai

Dalili

Dalili zinaweza kutofautiana kidogo kulingana na umri wa mmea wakati wa maambukizi, nguvu ya mmea na nguvu ya virusi. Miundo kama vile malengelenge ya kijani kibichi huonekana kwanza kwenye majani. Baadaye, miundo hiyo hukua katika muundo wa madoadoa katika vivuli tofauti vya kijani. Katika hatua za baadaye za ugonjwa, majani yana mwonekano wa kamba ya kiatu na huonyesha muundo wa nakshi na madoa ya manjano na kahawia yenye seli mufu. Ukubwa wa majani hupungua kwa kiasi kikubwa, hivyo kusababisha kudumaa kwa ukuaji na mwavuli/kivuli kidogo. Madoa ya njano yaliyo tota maji na michirizi ya mafuta pia huonekana kwenye shina na vikonyo. Matunda yaliyoambukizwa huonyesha madoa mengi ya kijani kibichi, ambayo mara nyingi yamezama, yenye mng`ao yenye saizi iliyopungua na umbo lililo haribika. Ikiwa maambukizi yatatokea katika hatua za awali, matunda hayawezi kuwa na soko.

Mapendekezo

Udhibiti wa Kiasili

Nyunyiza emalshani (emulsion) za mafuta meupe kwa viwango vya 1% ili kuzuia kubebwa na kuenezwa kwa virusi na vidukari. Mchanganyiko wa viumbe wadogo wenye manufaa ikiwa ni pamoja na baadhi ya aina ya bakteria, hamira, actinomycetes na bakteria photosynthetic unaweza kupunguza matukio ya ugonjwa huo.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Hakuna matibabu ya kemikali ya moja kwa moja kwa maambukizi ya virusi. Hata hivyo, dawa ya majani ya di-methoate au azadirachtin inaweza kupunguza idadi ya vidukari. Weka dawa kila baada ya wiki mbili baada ya dalili za kwanza kuonekana.

Ni nini kilisababisha?

Virusi huenezwa na spishi nyingi za vidukari kwa njia isiyo na mwendelezo. Kwa kuwa virusi hawazaliani ndani ya vidukari, maambukizi kutoka kwa mmea hadi mmea lazima yatokee ndani ya muda mfupi (sio zaidi ya dakika moja). Virusi hivyo vina aina mbalimbali za mimea mbadala inayo wahifadhi kama vile tikiti maji na mimea mingine jamii ya maboga na matango, lakini shabaha yake kuu ni papai. Maambukizi yanaweza kuenea kwa haraka katika shamba ikiwa yataambatana na idadi kubwa ya vidukari wenye mabawa. Hali ya hewa ya baridi pia inaweza kuzidisha dalili kwenye majani (muundo wa nakshi na uharibifu wa umbo la majani).

Hatua za Kuzuia

  • Tumia mbegu kutoka kwenye mimea yenye afya au kutoka kwa vyanzo vilivyoidhinishwa.
  • Chagua aina sugu inayopatikana.
  • Panda katika maeneo ambayo yanajulikana kuwa hayana magonjwa.
  • Panda mazao yasiyo hifadhi/kushambuliwa na ugonjwa huu kama mahindi au Hibiscus sabdarifa karibu na bustani.
  • Epuka kupanda mimea jamii ya maboga au matango (cucurbits) katika eneo moja.
  • Rekebisha majira ya upandaji ili kuzuia idadi kubwa ya vidukari.
  • Ondoa sehemu za mimea zilizoathiriwa na virusi.
  • Dhibiti magugu ndani na nje ya shamba.
  • Tumia vyandarua kuzuia wadudu kueneza virusi.
  • Hakikisha unaweka mbolea vizuri ili kuepuka dalili mbaya zaidi.

Pakua Plantix