Kiazi

Kirusi Y wa Viazi Mviringo

PVY

Kirusi

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Muundo wa nakshi wa manjano hadi kijani kibichi kwenye majani - kuanzia kwenye ncha.
  • Madoa meusi yenye tishu zilizokufa na mistari kwenye majani na shina.
  • Ukuaji uliodumaa.

Inaweza pia kupatikana kwenye

2 Mazao
Kiazi
Tumbaku

Kiazi

Dalili

Dalili za maambukizi hutofautiana kulingana na aina, umri wa mimea na hali za kimazingira. Miundo ya nakshi ya manjano hadi ya kijani kibichi huonekana kwenye ubapa wa majani, na kuyapa mwonekano wenye madoadoa na ulioharibiwa, mara nyingi kuanzia kwenye ncha. Mistari ya kahawia hadi mweusi na madoa ya mviringo ya tishu zilizokufa hujitokeza kwenye mishipa ya majani na mashina machanga. Machipukizi na maua hayakui zaidi. Viazi kutoka kwenye mimea iliyoambukizwa ni vidogo na vinaweza kuwa na miduara yenye tishu zilizokufa kwenye ngozi. Ukuaji wa mmea wote hutatizwa na mavuno ya mazao yanapungua.

Mapendekezo

Udhibiti wa Kiasili

Matumizi ya kila wiki ya mafuta ya madini yanaweza kupunguza kuenea kwa virusi. Yanapunguza kasi ya kuambukizwa kwa virusi na vidukari na kurekebisha tabia yao ya kula, na kuwafanya wasiwe na uwezekano wa kuambukiza mimea.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Matibabu ya kemikali ya magonjwa ya virusi hayawezekani. Hata hivyo, dawa za kuua wadudu zinaweza kutumika kupunguza idadi ya vidukari

Ni nini kilisababisha?

Kirusi huyu haambukizi sana. Huathiri zaidi mimea ya familia ya solanaceous, kama vile nyanya, viazi na pilipili. Anaezwa kupitia aina mbalimbali za vidukari wenye mabawa, mimea iliyoathiriwa na zana zilizoambukizwa.

Hatua za Kuzuia

  • Panda mbegu zilizoidhinishwa tu.
  • Chagua aina zinazostahimili au sugu.
  • Fuatilia shamba na uondoe/haribu mimea yote iliyoambukizwa.
  • Usipande viazi karibu na mimea mbadala inayoshambuliwa.
  • Ondoa magugu au mimea ya viazi isiyotakiwa kutoka kwenye mazao ya awali ndani na nje ya shamba.
  • Epuka majeraha kwa mimea.
  • Takasa zana zako.
  • Haribu makazi yanayowezesha virusi kuendelea kuishi kwa msimu mzima wa baridi, kwa mfano marundo ya takataka za viazi.

Pakua Plantix