Boga dogo (Zucchini)
Batobato ya Matango
CMV
Kirusi
Kwa Ufupi
- Mpangilio wa mozaiki/nakshi ya manjano kwenye majani na matunda.
- Majani yaliyojikunja na vikonyo vinapinda kuelekea chini.
- Ukuaji uliodumaa na kuharibika umbo.
- Mistari myeupe kwenye maua.
Boga dogo (Zucchini)
Dalili
Dalili hutofautiana kutegemea na aina ya mmea iliyoathirika na hali ya mazingira. Katika hali fulani, virusi vinaweza kuwepo lakini dalili zake zisionekane. Mabaka ya manjano au madoa ya kijani hafifu na manjano yanaweza kuonekana kwenye majani na matunda. Ukuaji wa wima wa matawi ya pembeni na vikonyo vya majani huongezeka, na kusababisha majani na vikonyo kupinda kuelekea chini. Majani machanga yanaonekana kujipinda na kuwa membamba, na mmea mzima hudumaa na kuchukua umbo lisilo la kawaida, na kuwa na mwonekano mithili ya kichaka. Maua yanaweza kuonyesha mistari myeupe. Matunda hutengeneza uvimbe juu, unaoyafanya yasiuzike.
Mapendekezo
Udhibiti wa Kiasili
Matumizi ya dawa za kupulizia za mafuta ya madini kwenye majani yanaweza kuzuia vidukari kula majani hayo na hivyo kudhibiti idadi yao.
Udhibiti wa Kemikali
Daima zingatia mbinu jumuishi zeneye hatua za kinga pamoja na matibabu ya kibaiolojia, ikiwa yanapatikana. Hakuna dawa za kikemikali zenye ufanisi dhidi ya batobato, wala hakuna zinazoweza kukinga mimea dhidi ya maambukizi. Dawa za kuua wadudu zenye cypermethrin au chlorpyrifos zinaweza kutumika kama dawa ya kupulizia majani dhidi ya vidukari.
Ni nini kilisababisha?
Dalili zinazosababishwa na batobato wa tango, ambavyo vinaathiri aina mbalimbali za mimea (mazao ya jamii ya maboga, mchicha, mboga ya saladi, pilipili na figili pamoja na aina nyingi za maua, hasa myungiyungi, delphiniums, primulas na daphnes). Virusi hivi vinaweza kubebwa na kuenezwa na aina tofauti 60-80 za vidukari. Njia nyingine za kueneza ni pamoja na mbegu na vipandikizi vilivyoathirika, na uhamishaji kupitia mikono ya wafanyakazi au zana za kazi. Batobato wa tango inaweza kuishi msimu wote wa baridi kwenye magugu ya maua yanayodumu zaidi ya mwaka, na mara nyingi pia kwenye mazao yenyewe, katika mizizi, mbegu au maua. Katika maambukizi ya awali, virusi vinakua sehemu yote ya ndani ya miche mipya inayojitokeza na kufika hadi kwenye majani ya juu. Vidukari wanaokula mimea hii hubeba na kueneza virusi hivyo hadi kwenye mimea inayohifadhi virusi vya batobato (maambukizi ya pili). Virusi vinatumia tishu za mishipa ya mmea inayovihifadhi kwa kusafiri umbali mrefu kati ya viungo tofauti vya mimea.
Hatua za Kuzuia
- Tumia mbegu na miche isiyo na virusi kutoka vyanzo vilivyothibitishwa.
- Panda aina ya mbegu zinazostahimili au kuvumilia magonjwa (nyingi zinapatikana kwa spinachi/mchicha na mazao jamii ya maboga).
- Chunguza mashamba na ondoa mimea yenye dalili za ugonjwa.
- Ondoa magugu yoyote yanayoonyesha michoro ya mozaiki.
- Ondoa mimea mingine inayohifadhi magonjwa inayokua karibu na mazao yako.
- Hakikisha unasafisha vifaa au zana zinazotumika shambani.
- Weka kifuniko kinachoelea ili kuzuia vidukari wahamiaji katika wiki za mwanzo za ukuaji wa mazao.
- Ondoa kifuniko baada ya kipindi hiki cha hatari zaidi kupita ili kuhakikisha uchavushaji hauathiriki.
- Panda mazao ya kizuizi ambayo yatavutia vidukari.
- Tumia mitego yenye kunata ili kuwanasa vidukari kwa wingi.
- Funika ardhi kwa nyenzo zinazozuia vidukari kama vile jaribosi/foili za aluminiamu.
Shirikisha
Pakua Plantix
