Muwa

Ugonjwa wa Pokkah Boeng

Fusarium moniliforme

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Ubovu na upotovu wa sehemu ya juu(ncha) au shina lililo haribiwa.
  • Kuonekana kwa mabaka yaliyo badilika rangi kuelekea kwenye kitako cha majani machanga.

Inaweza pia kupatikana kwenye

1 Mazao
Muwa

Muwa

Dalili

Ugonjwa hutokea katika hatua tatu kuu. Dalili za awali ni kuonekana kwa mabaka yaliyo badilika rangi kuelekea kwenye kitako cha majani machanga na mara chache kwenye sehemu nyingine za ubapa wa majani katika awamu ya kwanza. Majani hukunjana, kusokotwa na kufupishwa. Kitako cha majani yaliyo athiriwa mara nyingi ni kifupi kuliko majani ya kawaida. Awamu ya kuoza sehemu ya juu ni hatua mbaya zaidi ambapo uharibifu na kusokotwa kwa majani huonekana. Vibanzi vyekundu hupotea na kitako kizima cha msokoto huharibika na kukauka. Katika maambukizi makubwa, machipukizi ya pembeni huchipua na sehemu za ncha ya juu ya shina huharibiwa kabisa. Hatua ya tatu inayojulikana kama hatua ya mkato wa kisu inaonyesha mikato ya mshazari kwenye gome la bua au shina. Wakati majani yanapovuliwa, mabaka makubwa yaliyo badilika rangi yanaonekana kwenye mabua/shina.

Mapendekezo

Udhibiti wa Kiasili

Tumia aina sugu au sugu kiasi kwa upandaji ikiwa zinapatikana.

Udhibiti wa Kemikali

Daima zingatia mbinu jumuishi pamoja na hatua za kuzuia na matibabu ya kibaolojia yanayopatikana. Weka dawa za kuua kuvu, kama vile oksikloraidi ya shaba ili kupunguza ipasavyo ugonjwa wa pokkah boeng.

Ni nini kilisababisha?

Uharibifu husababishwa na aina tofauti za Fusarium: Fusarium subglutinans, Fusarium sacchari, Fusarium moniliforme Sheldon. Viini hivyo vinaweza kuenezwa hasa na mikondo ya hewa na vijimbegu vinavyopeperuka hewani hutawala majani, maua na mashina ya mimea kupitia jeraha lolote la wadudu, vipekecha au nyufa za ukuaji wa asili. Maambukizi ya upili ni kupitia sehemu zilizoambukizwa, maji ya umwagiliaji, matone ya mvua na udongo. Maambukizi kawaida hutokea kupitia misokoto kando ya jani lililopanuliwa kwa sehemu. Vijimbegu vinavyoingia kwenye msokoto huota na kukua ndani ya tishu za ndani za jani la msokoto(majani yaliyo jiviriga kwenye ncha ya juu ya muwa inayokua). Hii husababisha kuharibika umbo na kufupisha majani. Kuenea kwa vijimbegu hutegemea hali mbalimbali za mazingira na hujitokeza zaidi wakati wa kiangazi na kufuatiwa na msimu wa unyevu. Chini ya hali hizi, maambukizi ya majani hukua haraka, na hata aina sugu huonyesha dalili za kawaida za majani wakati mwingine. Vimelea vinaweza kuishi kwa muda wa miezi 12 katika uchafu wa mimea chini ya hali za asili.

Hatua za Kuzuia

  • Panda kwa kutumia seti/mbegu zenye afya ili kuzuia ugonjwa kutokea.
  • Seti(vipandikizi) zinapaswa kuzalishwa kutoka kwenye mazao yaliyotibiwa na mvuke wa hewa yenye unyevunyevu na joto la 54 ° C kwa masaa 2.5 na unyevu wa 99%.
  • Zoea kufanya mzunguko wa mazao katika mashamba yaliyoathirika.
  • Miwa ya mbegu au seti zinazoonyesha ‘kuoza juu’ au ‘mkato wa kisu’ zinapaswa kuondolewa shambani mara tu zinapoonekana.
  • Ondoa vichaka vya mimea iliyo athiriwa pamoja na mfumo wa mizizi na uichome.
  • Vuna mazao yenye ugonjwa mapema iwezekanavyo.

Pakua Plantix