Kahawa

Kutu ya Kahawa

Hemileia vastatrix

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Kutokea kwa madoa madogo, ya manjano kwenye upande wa chini wa majani sawia na madoa yenye rangi ya manjano upande wa juu.

Inaweza pia kupatikana kwenye

1 Mazao
Kahawa

Kahawa

Dalili

Dalili ya awali ni kuonekana kwa doa la manjano lenye kipenyo cha milimita 2-3 kwenye majani ya mmea wa kahawa. Madoa hupanuka na kuwa madoa makubwa ya mviringo ambayo yanageuka na kuwa ya rangi ya machungwa angavu hadi nyekundu na hatimaye kuwa ya kahawia yenye kingo za manjano. Kwenye upande wa chini wa jani, madoa hayo huanza kutoa vijimbegu ambavyo huonekana kama unga wa rangi ya machungwa hadi kahawia. Hatimaye majani hudondoka kutoka kwenye mti. Kutokana na kukosekana kwa majani, usanisinuru hauwezi kufanyika, na mimea hukosa virutubisho na hivyo kuwa na mavuno kidogo ya kahawa.

Mapendekezo

Udhibiti wa Kiasili

Mbinu za kibiashara za udhibiti wa kibaolojia kwa ajili ya kudhibiti ugonjwa huu hazipatikani sana. Kuzingatia hatua za kinga kutatoa matokeo makubwa zaidi katika kudhibiti ugonjwa.

Udhibiti wa Kemikali

Daima zingatia mbinu jumuishi zenye hatua za kuzuia na matibabu ya kibayolojia yanayopatikana. Kinga ya kupulizia Bordeaux au Copper Oxychloride 50% WG inaweza kufanyika mara moja kabla ya kutokea mazingira muafaka ya ukuaji wa ugonjwa na mara nyingine baada ya kipindi hicho kumalizika.

Ni nini kilisababisha?

Uharibifu husababishwa na kuvu Hemileia vastatrix. Kutu ya kahawa huenea haraka sana na sababu za kimazingira zina mchango mkubwa katika kuenea kwa kuvu. Njia muhimu zaidi ya kueneza kuvu ni kupitia upepo au maji. Husambazwa pale ambapo vumbi na vijimbegu vya kuvu vinapoenea katika shamba na kuambukiza shamba lingine, au vinapoanguka chini na kutapakaa kwenye mmea mwingine wakati mvua inaponyesha. Kutu ya kahawa hustawi katika mazingira yenye unyevunyevu na mvua inayodondokea kwenye majani huchangia kuenea kwa vijimbegu kutoka mti mmoja hadi mwingine. Matunda ya kahawa kutoka kwenye miti iliyoathirika yanaweza kuwa na ukuaji mbovu na kuwa nyepesi. Mlipuko wa kutu ya kahawa unaweza kusababisha upotevu wa mavuno kwa zaidi ya asilimia 75 pale ambapo milipuko ya ugonjwa ni mikubwa.

Hatua za Kuzuia

  • Panda aina zaidi ya moja ya kahawa na epuka kilimo cha zao moja pekee.
  • Hakikisha kunakuwa na nafasi pana kati ya mimea na kunakuwa na upogoaji sahihi ili kuzuia unyevunyevu wa muda mrefu na kuongeza uwezekano wa kupenya kwa dawa za kuua kuvu/ukungu iliyopuliziwa kwenye kanopi ya miti.
  • Tumia mime na vichaka zaidi vitakayotumika kama vizuizi vya asili dhidi ya kuenea kwa ugonjwa.
  • Hakikisha unatumia virutubisho sahihi ili kuwa na miti ya kahawa yenye afya itakayoweza kukabiliana na kutu ya kahawa kwa ufanisi.
  • Haribu mimea iliyoathirika.

Pakua Plantix