Bamia

Bakajani Cercospora

Cercospora malayensis

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Madoa ya kahawia yasiyo na mpangilio maalumu kwenye upande wa chini wa majani.
  • Majani kunyauka na kukauka.
  • Kupukutika kwa majani.

Inaweza pia kupatikana kwenye

1 Mazao
Bamia

Bamia

Dalili

Mwanzo, madoa ya kahawia yasiyo na mpangilio huonekana kwenye upande wa chini wa majani. Majani ya zamani, yaliyo karibu na ardhi huathiriwa zaidi na ugonjwa huo. Majani hukauka na kuwa kahawia ugonjwa unapoendelea na huweza kujikunja na hatimaye kudondoka. Wakati wa mashambulizi makali, mmea unaweza kukauka kabisa. Mwanzoni, dalili za ugonjwa huonekana wazi kwenye uso wa chini wa majani kama madoa yasiyojulikana kwa namna ya madoa ya olivaceous. Baadaye, ukungu wa rangi ya kahawia nyepesi hadi kijivu hufunika uso mzima wa chini. Katika hali mbaya, madoa yenye seli zilizokufa yanaweza pia kuonekana kwenye uso wa juu wa majani. Majani yaliyoambukizwa hatimaye hukauka na kudondoka. Ugonjwa huendelea juu kutoka kwenye majani ya chini na huambukiza shina na matunda na huonesha dalili zinazofanana. Dalili zinaweza kufanana na zile za P. abelmoschi, ambae husababisha madoa meusi ya pembe.

Mapendekezo

Udhibiti wa Kiasili

Mpaka sasa, hatujafahamu mbinu yoyote ya kibaolojia inayopatikana dhidi ya ugonjwa huu. Ikiwa unajua njia yoyote iliyofanikiwa ya kupunguza matukio au uzito wa dalili, tafadhali wasiliana nasi.

Udhibiti wa Kemikali

Daima zingatia mbinu jumuishi na hatua za kuzuia na matibabu ya kibayolojia, ikiwa yanapatikana. Nyunyizia dawa ya kuua kuvu kwenye upande wa chini wa majani mchana. Tumia dawa za kuua kuvu kama vile Copper oxychloride @ 0.3%, mancozeb @ 0.25% au zineb @ 0.2% mwezi mmoja baada ya kupanda na rudia utaratibu huu kila baada ya wiki mbili, kulingana na ukali.

Ni nini kilisababisha?

Madoa ya majani husababishwa na fangasi Cercospora malayensis na Cercospora abelmoschi. Huishi msimu mzima kwenye mabaki ya mimea iliyoambukizwa kwenye udongo na hivyo huambukiza mizizi na majani ya chini ya mimea ya bamia. Chavua/vijimbegu huenea mara ya pili kupitia upepo, mvua, umwagiliaji na zana za mitambo. Madoa ya majani hutokea sana wakati wa msimu wa unyevunyevu, kwani kuvu hupendelea hali ya hewa ya joto na mvua. Mvua na unyevunyevu mwingi hupelekea maambukizi, ukuaji wa magonjwa na kuenea kwa vimelea kwenye majani.

Hatua za Kuzuia

  • Tumia mbegu zilizoidhinishwa na panda mimea yako kwa nafasi ya kutosha, ili majani yaweze kukauka kwa hewa.
  • Fuatilia shamba lako mara kwa mara na uondoe vizuri majani yaliyoambukizwa (kuchoma pia ni chaguo).
  • Usimamizi mzuri wa magugu unashauriwa.
  • Epuka mfadhaiko wa mmea kwa kumwagilia na kuweka mbolea ya kutosha.
  • Mwagilia maji asubuhi badala ya jioni, na epuka umwagiliaji wa juu na udongo unaotunza maji.
  • Zingatia mzunguko wa mazao na mazao yasiyo mwenyeji/yasiyo shambuliwa na ugonjwa huu.

Pakua Plantix