Embe

Dosari ya Miembe

Fusarium mangiferae

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Ukuaji usio wa kawaida wa machipukizi, majani na maua.
  • Muonekano kama furushi.
  • Ukuaji ulio dumaa.
  • Kuna aina mbili za hitilafu: hitilafu kwenye mmea na hitilafu ya maua.
  • Tatizo hili limeenea kwenye maua na machipukizi ya mimea.

Inaweza pia kupatikana kwenye

1 Mazao
Embe

Embe

Dalili

Ugonjwa huu unasababishwa na kuvu anayefahamika kitaalamu kama Fusarium mangiferae. Hitilafu za mmea hupatikana zaidi kwenye miche michanga. Miche hutoa vichipukizi vidogo vyenye majani madogo yenye magamba, vikiwa na muonekano ulio mithili ya shada la maua au majani kwenye kilele cha shina. Miche inabaki kuwa iliyodumaa na hatimaye hufa. Utofauti kwenye vitawi vya maua unaweza kuonekana kwenye hitilafu ya maua. Vitawi vya maua vilivyoathirika kwa kiasi kikubwa vinakuwa vimegandana na kusongamaana pamoja kutokana na uwepo wa maua makubwa. Mimea iliyoathirika huanza kuwa na hitilafu zenye msongamano wa vishina na maua. Sehemu zinazokua kama vile majani na machipukizi ya shina huzalisha vishina venye umbo lisilo la kawaida huku vikiwa na vifundo vilivyokaribiana pamoja majani magumu lakini yanayovunjika kirahidi. Majani huwa madogo sana ikilinganishwa na ya mimea yenye afya. Ukuaji wa kawaida na ule wenye hitilafu unaweza kutokea kwa pamoja kwenye mmea.

Mapendekezo

Udhibiti wa Kiasili

Tumia mchanganyiko wa majani ya Datura stramonium (Alkaloidi), Calotropis gigantea na mwarobaini (Azadirachtin) ili kupunguza maambukizi. Kuvu anayefahamika kitaalamu kama Trichoderma harzianum pia wana ufanisi katika kudhibiti ukuaji wa vimelea vya ugonjwa. Mimea yenye ugonjwa inapaswa kuteketezwa. Tumia vifaa vya kilimo visivyo na ugonjwa. Vitawishina vya kubebesha kutoka kwa miti iliyoathirika havipaswi kutumika.

Udhibiti wa Kemikali

Daima zingatia mbinu jumuishi na hatua za kuzuia pamoja na tiba za kibaiolojia, ikiwa zinapatikana. Dawa ya Captan 0.1% husaidia kudhibiti kuenea kwa ugonjwa. Pulizia dawa za kuua wadudu za folidol au metasystox kama hatua ya udhibiti. Pulizia carbendazim 0.1% kwa vipindi vya siku 10, 15, au 30 wakati wa hatua ya kutoka maua. Naphthalene Acetic Acid (NAA) kwa kiwango cha 100 au 200 ppm hupunguza matukio ya ugonjwa katika msimu unaofuata. Kupulizia dawa zenye madini yanayopatikana kwa uchache kwenye tishu hai imethibitika kuwa na uwezo wa kudhibiti au kupunguza tatizo hili.

Ni nini kilisababisha?

Ugonjwa huu huenezwa hasa kupitia nyenzo za mimea zilizo ambukizwa. Unyevu wa ziada kwenye udongo, mashambulizi ya utitiri, maambukizi ya kuvu, virusi, madawa ya kuua magugu na kemikali nyingine zenye sumu huchangia katika kuzalisha kuvu. Upungufu wa madini ya chuma, zinki na shaba vilevile unaweza kusababisha hitilafu kwenye mmea. Ugonjwa huenea polepole ndani ya mashamba yaliyoathirika. Joto la nyuzi 10 hadi 15°C husaidia ukuaji wa ugonjwa wakati wa mimea kutoa maua.

Hatua za Kuzuia

  • Chagua miche isiyo na magonjwa kwa ajili ya kupanda.
  • Fuatilia shamba lako mara kwa mara ili kubaini dalili zozote za uwepo wa hitilafu kwenye sehemu za mmea zilizoharibika.
  • Kupogoa vitawi vilivyoharibika vya maua kunaweza kupunguza ukubwa wa tatizo la hitilafu ya maua kwa miaka inayofuata.
  • Ondoa na teketeza sehemu za mmea zilizoathirika.
  • Kupulizia dawa zenye madini yanayopatikana kwa uchache kwenye tishu hai imethibitika kuwa na uwezo wa kudhibiti au kupunguza tatizo hili.
  • Madini haya ni kama vile Zinc, Boron, na shaba ambapo inapaswa kupulizia kabla ya maua na baada ya kuvuna matunda.
  • Uchunguzi kifani umeonesha kuongeza kiwango cha naitrojeni kulipunguza hitilafu kwenye vitawi vya maua.
  • Usimamizi mzuri wa usafi wa shamba na zana za kilimo ni muhimu ili kuepuka kuenea kwa kuvu.
  • Safisha vifaa unavyotumia kupogoa vizuri ili kupunguza kuenea kwa ugonjwa.

Pakua Plantix