Pistachio
Baka Chelewa la Alternaria
Alternaria alternata
Kuvu
Kwa Ufupi
- Madoa ya kahawia iliyokolea, yaliyoenea na yenye unga au madoa kwenye majani yenye vitovu vyeusi.
- Kunyauka kwa majani na kupukutika mapema.
- Madoa ya kahawia, ya mviringo yenye tishu zilizokufa kwenye matunda, yamezungukwa na mduara angavu mwekundu.
- Yanapo ongezeka, ukungu huanza kukua juu yake.
Inaweza pia kupatikana kwenye
Pistachio
Dalili
Dalili kwa ujumla huonekana wakati wa kiangazi na hudhihirishwa na kuwepo kwa madoa yenye pembe au mviringo yenye kipenyo cha milimita 3 hadi 7 kwenye vipande vya majani. Katika hali zingine kali au katika aina zinazoweza kuathiriwa kirahisi, madoa huwa na kipenyo cha hadi 3 cm. Vidonda vyeusi pia huwepo kwenye vikonyo na mishipa mikuu ya ubapa wa majani. Uvamizi mkali unaweza kusababisha majani kunyauka na kuanguka. Kwenye matunda machanga, madoa madogo ya kahawia au meusi yanaonekana. Kwenye matunda yaliyokomaa, madoa ni makubwa zaidi (kipenyo cha mm 1 hadi 5) na yamezungukwa na mduara angavu mwekundu. Ukungu huanza kukua kwenye matunda, na kusababisha kuoza kwake. Katika hali mbaya, hii hupunguza sana ubora wa bidhaa.
Mapendekezo
Udhibiti wa Kiasili
Nyunyiza mchanganyiko wa Bordeaux kwenye miti na vipandikizi baada ya kupogoa sehemu zilizoathirika. Vinginevyo, tumia mchanganyiko wa vitunguu saumu au mimea ya mkia wa farasi kwenye majani na matunda. Unaweza kutumia suluhisho la Bacillus subtilis, ambae ni mwindaji wa kuvu.
Udhibiti wa Kemikali
Daima zingatia usimamizi jumuishi wa wadudu na hatua za kuzuia na matibabu ya kibayolojia ikiwa yanapatikana. Matibabu dhidi ya ugonjwa huu yanapaswa kuanza katika majira ya joto mapema, kabla ya kukomaa kwa matunda. Bidhaa zenye viambato hai vya thiophanate-methyl, maneb, shaba hufanya kazi vizuri. Angalau matibabu mara mbili yanahitajika ili kupunguza maambukizi. Ufanisi wa matibabu hutegemea muda wa matumizi, marekebisho ya umri wa mti, na matumizi ya kipimo kilichopendekezwa.
Ni nini kilisababisha?
Dalili husababishwa na kundi la fangasi watatu wa jenasi za Alternaria, miongoni mwa wengine Alternaria alternata. Wanajificha kwenye udongo au kwenye uchafu wa mimea. Wakati hali ni nzuri, hutoa vijimbegu ambavyo husafirishwa na upepo, mvua hadi kwenye miti inayoshambuliwa. Joto la juu linalohusishwa na unyevu wa juu, ikiwa ni pamoja na kutokeai kwa umande, vipindi vya mvua na jua, na upungufu wa virutubisho ni sababu kuu za maendeleo ya ugonjwa kwenye pistachio/mfistiki. Dalili zinaweza kuchanganywa na zile za baka la suke na chipukizi linalosababishwa na Botryosphaeria dothidea. Ili kuwatofautisha, sugua majani yaliyoathiriwa wakati hali ya unyevu inapotawala: ikiwa itafanya vidole kuwa nyeusi, basi huo ni ugonjwa wa baka chelewa unaosababishwa na Alternaria alternata.
Hatua za Kuzuia
- Tumia aina zisizoathiriwa sana na vile vile mbegu zenye afya kutoka kwenye vyanzo vilivyoidhinishwa.
- Epuka kupanda kwa nafasi ndogo ili kukuza mzunguko wa hewa kwenye mwavuli/taji la mmea.
- Kagua bustani mara kwa mara ili kugundua dalili za kwanza za ugonjwa huo.
- Dhibiti magugu kwenye bustani.
- Kata na kuchoma sehemu zilizoathirika mara tu dalili za kwanza zinapoonekana.
- Pogoa miti wakati ambao mimea haikui (ikiwa bwete) ili kupata hewa ya kutosha kweny dari/taji.
- Epuka umwagiliaji kwa kunyunyiza kwa juu hasa wakati wa kukomaa kwa matunda.
- Ondoa mabaki ya mazao baada ya kuvuna na uyachome moto.
- Zaidi ya yote, usitumie kutengeneza mboji sehemu hizo za mimea kwani zitabeba ugonjwa hadi msimu mwingine.
Shirikisha
Pakua Plantix
