Kitunguu maji

Bakajani Botrytis

Botryotinia squamosa

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Madoa madogo, meupe na marefu huonekana kwenye majani, mara nyingi huzungukwa na duara angavu la kijani mpauko.
Baada ya muda, madoa huwa yamezama na rangi ya majani makavu, yenye sifa ya jeraha lililorefuka katikati.
Kupauka na kufa kwa majani kunaweza kusababisha kifo cha mmea.
Mabaka makubwa ya njano ya mimea inayokufa yanaweza kuonekana shambani.

Inaweza pia kupatikana kwenye

2 Mazao

Kitunguu saumu

Kitunguu maji

Dalili

Maambukizi yanaweza kutokea katika hatua yoyote ya ukuaji na kawaida hutokea kwanza kwenye majani makongwe. Dalili za awali huonekana ndogo (1-5 mm), madoa meupe ya duara au marefu kwenye sehemu ya juu ya jani. Madoa yaliyo jitenga na baadae kuwa makundi ya madoa yaliyozungukwa na duara angavu la kijani mpauko au la rangi ya fedha ambalo mara nyingi huwa na mwonekano uliotota maji mwanzoni. Baada ya muda, idadi ya vidonda huongezeka na katikati ya madoa ya zamani huzama na kuwa na rangi ya majani makavu, ishara ya kuendelea kufa kwa tishu/seli. Sifa ya mpasuko ambao umekaa kwa urefu kwenye kidonda unaweza kuonekana katika hatua za baadaye. Ncha za majani na kingo hulainika na taratibu huwa na seli zilizokufa, na kusababisha kutengeneza mabaka na kufa. Katika hali nzuri, ugonjwa pia huathiri kitunguu chenyewe, kupunguza ukubwa wake na ubora wake. Ugonjwa unapoenea zaidi, madoa makubwa ya manjano ya mimea inayokufa yanaweza kuonekana kwa mbali ukiwa shambani.

Mapendekezo

Udhibiti wa Kiasili

Hakuna matibabu ya kibayolojia yanayoonekana kupatikana kwa sasa kutibu ugonjwa huu. Wasiliana nasi ikiwa unajua mojawapo.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia, ikiwa yanapatikana. Utamaduni mzuri ni muhimu ili kupunguza hatari ya kuambukizwa. Iwapo dawa za kuua kuvu zinahitajika, bidhaa zilizo na iprodione, pyrimethanil, fluazinam au cyprodinil pamoja na fludioxonil hutoa matokeo bora zaidi zinapotumiwa kwa kunyunyizia. Bidhaa zingine zenye chlorthalonil na mancozeb pia hufanya kazi lakini zina ufanisi mdogo. Uwekaji wa dawa za kuua kuvu kwa ufukizaji wa ardhini unaweza kuwa na ufanisi zaidi kuliko njia za kunyunyizia kwa juu.

Ni nini kilisababisha?

Ugonjwa huu husababishwa na fangasi aitwae Botrytis squamosa, ambae huishi kwenye vitunguu vilivyoambukizwa au uchafu mwingine wa mimea ulioachwa shambani, au kwenye maghala ya kuhifadhia. Ikiwa hali ya hewa ni rafiki, vijimbegu vya kuvu huzalishwa kwenye tishu hizi na kusambazwa na upepo kwenye mimea ya karibu, ambayo hutumika kama chanzo kikuu cha maambukizi. Halijoto kati ya 10 na 20 °C, mvua nyingi, vipindi virefu vya unyevu kwenye majani au unyevu mwingi husaidia mzunguko wa maisha ya kuvu. Dalili zinaweza kufanana na magonjwa mengine au matatizo kama vile mfadhaiko wa ukame, majeraha ya mvua ya mawe, mashambulizi ya vithiripi au uharibifu unao tokana na dawa za kuua magugu.

Hatua za Kuzuia

Tumia mbegu zenye afya au malighafi za upanzi kutoka kwenye chanzo kilichoidhinishwa.
Chagua aina zinazokomaa haraka.
Fuata nafasi inayopendekezwa kwa upandaji wa mistari ili kuhakikisha mzunguko mzuri wa hewa.
Usipande mashamba ya kuzalishia mbegu karibu na maeneo ya uzalishaji wa vitunguu.
Hakikisha udongo unapitisha maji vizuri na usimwagilie maji kupita kiasi.
Usiweke mbolea mwishoni mwa msimu wakati sehemu za juu zimeanza kukauka.
Kagua mimea au mashamba yako mara kwa mara kwa dalili zozote za ugonjwa.
Ondoa magugu na vitunguu vilivyo ota vyenyewe ndani na kuzunguka shamba.
Ondoa mimea iliyoambukizwa na sehemu za mimea na uziharibu kwa kuchoma.
Baada ya kuvuna, ondoa marundo ya takataka na ukate sehemu za juu za vitunguu na uziharibu kwa kuchoma.
Mzunguko wa mazao kwa miaka 2 unapendekezwa ili kuzuia kuongezeka kwa hatari ya maambukizi kupitia magonjwa mengine.
Usisafirishe vitunguu kutoka maeneo yenye maambukizi hadi kwenye maeneo au mashamba mengine.