Soya

Ugonjwa wa kufa kwa Ghafla

Fusarium virguliforme

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Madoa ya njano yaliyotawanyika, yameenea, kati ya mishipa ya majani.
Kukua na kukauka kwa madoa, majani yanaweza kuanguka.
Kubadilika kwa rangi ya shina na mizizi kuwa kahawia.
Maua yanaweza kuanguka mapema.

Inaweza pia kupatikana kwenye

1 Mazao

Soya

Dalili

Madoa madogo ya kijani hafifu ya mviringo yanaonekana kwenye majani wakati wa kipindi cha maua. Mabadiliko ya rangi ya manjano kati ya vishipa-jani na baadaye tishu zilizo kufa huonekana kwenye majani. Kadiri ugonjwa unavyo endelea, tishu za zilizo kufa katikati ya mishipa zinaweza kufa na kudondoka, na kufanya majani kuwa na mwonekano wa kuchanika. Majani hatimaye yanaweza kukauka, kujikunja au kudondoka lakini vikonyo vinabaki kushikamana na shina. Dalili za kuoza (kubadilika rangi ya kahawia) huonekana kwenye tishu za ndani za sehemu ya chini ya shina na mzizi mkuu. Maua yanaweza kudondoka mapema na maganda yanaweza yasikue au kujaa punje.

Mapendekezo

Udhibiti wa Kiasili

Hadi leo, hakuna udhibiti wa kibiolojia wa kuvu huyu unaojulikana. Tafadhali wasiliana nasi ikiwa unafahamu yoyote.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Dawa za kuvu za kunyunyizia majani hazifanyi kazi kwa sababu kuvu hubaki kwenye mfumo wa mizizi. Badala yake, weka dawa maalumu za kuua kuvu, kama vile fluopyram kwenye mbegu.

Ni nini kilisababisha?

Kuvu Fusarium virguliforme hudumu kama vijimbegu kwenye udongo au kwenye mabaki ya mazao yaliyoshambuliwa. anaambukiza na kutawala mimea kupitia mizizi mapema katika hatua ya ukuaji, lakini dalili zinaweza kuonekana tu wakati wa maua. Maambukizi hupendelea udongo ulio poa na ulio lowana, hali ya hewa ya mvua, mashamba yaliyopandwa kwa msongamano mkubwa, mifumo duni ya kupitisha maji au udongo ulioshikana. Majeraha ya minyoo ya uvimbe wa soya, wadudu na majeraha ya mitambo kutokana na ushughulikiaji mbaya pia hupelekea hatari ya kuambukizwa.

Hatua za Kuzuia

Weka mifumo mizuri ya kupitisha maji.
Tumia mbegu zilizothibitishwa zenye ubora wa juu.
Panda aina zinazostahimili au sugu.
Panda mapema/mwanzoni mwa msimu ili kuepuka hali ya hewa mbaya.
Acha nafasi ya kutosha kati ya mimea ili kuhakikisha uingizaji hewa mzuri.
Fuatilia eneo lako kwa dalili za mwanzo.
Lima shamba ili kuepuka udongo kuwa mgumu.
Fanya mzunguko wa mazao yasiyo shambuliwa na kuvu kwa kipindi husika.