Soya
Doa Zambarau la Mbegu ya Soya
Cercospora kikuchii
Kuvu
Kwa Ufupi
- Madoa yasisyo na mpangilio yenye rangi ya zambarau au hudhurungi (kahawia) kwenye majani ya juu.
- Madoa mekundu-kahawia yanaweza pia kuonekana kwenye mashina na maganda ya tunda.
- Kubadikakwa rangi kutoka pinki hadi zambarau zenye ukubwa tofauti (kutoka madoa hadi mabaka makubwa) kwenye mbegu.
- Viwango vya kuota kwa mbegu na kutokea kwa miche vinaweza kuathiriwa.
Inaweza pia kupatikana kwenye
Soya
Dalili
Dalili za wazi huonekana katika hatua za ukuaji wa baadaye, wakati kuweka maua na matunda. Ugonjwa huu una sifa ya kuwepo kwa madoa yanayo badilika rangi kutoka rangi ya zambarau hadi kahawia kwenye sehemu ya juu ya majani na muonekano wa kuungua na jua. Madoa mekundu-kahawia yanaweza pia kuonekana kwenye mashina na maganda ya mbegu. Mbegu zilizoambukizwa zinaweza kuonekana zenye afya au kuwa na mabadiliko ya rangi toka pinki hadi zambarau yenye ukubwa tofauti kutoka madoa madogo hadi mabaka makubwa kwenye ganda la mbegu. Hii inaweza isiwe na athari mbaya kwenye mavuno, lakini viwango vya mbegu kuota na kukua kwa miche vinaweza kuathiriwa.
Mapendekezo
Udhibiti wa Kiasili
Samahani, hatujui matibabu yoyote mbadala dhidi ya vimelea hivi vya kuvu (Cercospora kikuchii) . Tafadhali wasiliana nasi ikiwa unajua kitu ambacho kinaweza kusaidia kupambana na ugonjwa huu. Tunatarajia kusikia kutoka kwako.
Udhibiti wa Kemikali
Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Kwenye eneo lenye asilimia kubwa ya mbegu zilizobadilika rangi tibu mbegu kwa dawa za kuua kuvu. Hii inaweza kutoa udhibiti fulani juu ya kuenea kwa ugonjwa huo. Zingatia kutumia dawa za kuua kuvu/ukungu kwenye majani, kwa mfano mancozeb (2.5 g/lita ya maji) katika hatua za awali za mmea kuzaa ili kuzuia ukungu kwenye majani na maambukizi ya maganda ya mbegu.
Ni nini kilisababisha?
Doa Zambarau la Mbegu ya Soya husababishwa na Cercospora kukuchii. Kuvu hawa huishi msimu mzima wa majira ya baridi kwenye mabaki ya mimea chini ya udongo na kwenye mbegu. Unyevu mwingi, halijoto ya wastani (kuanzi 22 hadi 26°C), upepo na matone ya mvua hupelekea kuenea kwa Kuvu kwenye majani na kukua kwa ugonjwa. Maambukizi ya awali mara nyingi huwa yamefichika na hayaonekani hadi wakati wa maua au uundaji wa matunda/maganda ya soya. Kuvu huingia kwenye ganda polepole na kukua kwenye mbegu, na kuzipa madoa ya rangi ya zambarau au kahawia.
Hatua za Kuzuia
- Tumia mbegu zilizothibitishwa ambazo hazina vimelea.
- Aina ya mbigu zinazo stahimili wadudu au wagonjwa zinapatikana.
- Fanya mzunguko wa mazao yasiyobeba vimelea vya ugonjwa huu ili kupunguza uwezekano wa ugonjwakutokea.
- Lima na kufunua udongo ili upate mionzi ya jua na upepo kupunguza uwezekano wa kuvu/fangasi hawa kuendelea kuishi kwenye mabaki ya mimea.
- Ondoa uchafu wa mimea baada ya kuvuna na kuuharibu.
Shirikisha
Pakua Plantix
