Mpunga

Ugonjwa wa Masizi Bandia

Villosiclava virens

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Vibonge(maumbo ya mviringo) vidogo laini vyenye rangi ya chungwa, kwenye baadhi ya punje za mpunga.
Vipira hivyo hukauka na kugeuka rangi kuwa kijani-nyeusi.
Punje kubadilika rangi, kupungua uzito na kupunguza uwezo wa kuota.

Inaweza pia kupatikana kwenye

2 Mazao

Mahindi

Mpunga

Dalili

Dalili huonekana wakati wa kuundwa kwa masuke, hasa wakati punje zinakaribia kukomaa. Vibonge vya rangi ya machungwa vyenye umbo la yai laini yenye kipenyo cha sentimita 1 vinaonekana kwenye punje moja moja za suke. Baadaye punje zinageuka kijani-manjano au kijani-nyeusi. Punje chache tu huunda vitumba vya viiniyoga katika suke/shada. Sehemu zingine za mmea haziathiriwa. Uzito wa nafaka/punje na uwezo wa kuota kwa mbegu hupungua.

Mapendekezo

Udhibiti wa Kiasili

Matibabu ya mbegu kwa joto la 52 ° C kwa dakika 10 ni njia nzuri ya kupunguza matukio ya ugonjwa huo. Dawa ya kukinga yenye viua kuvu vilivyo na shaba wakati wa kuibuka kwa masuke (2.5 g kwa lita moja ya maji) pia. Baada ya kugunduliwa, nyunyiza mmea kwa dawa za kuvu zenye msingi wa shaba ili kudhibiti ugonjwa na kuongeza mavuno kidogo.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Matibabu ya mbegu kwa viua kuvu kawaida hayazuii ugonjwa huo. Kama hatua ya kuzuia, kunyunyizia dawa wakati wa kuchanua/kuibuka kwa masuke (50 hadi 100%) na bidhaa zifuatazo kunaweza kuwa na ufanisi: azoxystrobin, propiconazole, chlorothalonil, azoxystrobin + propiconazole, trifloxystrobin + propiconazole, trifloxystrobin + tebuconazole. Bidhaa zingine zinaweza kusaidia kuzuia kwa ufanisi kuendelea kwa ugonjwa mara tu baada ya kugunduliwa ni: aureofungin, captan au mancozeb.

Ni nini kilisababisha?

Dalili husababishwa na fangasi Villosiclava virens, vimelea ambavyo vinaweza kuambukiza mimea katika hatua zote, lakini dalili huonekana tu muda mfupi baada ya maua au wakati wa hatua ya kujaza punje. Hali ya hewa huamua matokeo ya maambukizi, kwani unyevu wa juu (> 90%), mvua ya mara kwa mara na joto kutoka 25-35 ° C ni hali nzuri kwa kuvu. Udongo ulio na naitrojeni nyingi pia huvutia ugonjwa huo. Mimea ya mpunga iliyopandwa mapema kwa kawaida huwa na matatizo kidogo ya fugwe ya kijani ya mpunga. Katika hali mbaya zaidi, ugonjwa unaweza kuwa mbaya na hasara inaweza kufikia 25% ya mazao. Nchini India, hasara ya mavuno ya hadi 75% ilionekana.

Hatua za Kuzuia

Tumia mbegu zenye afya kutoka kwa wauzaji walioidhinishwa.
Tumia aina sugu zinazopatikana.
Ikiwezekana panda mapema ili kuepuka matokeo mabaya zaidi ya ugonjwa.
Weka mpangilio wa ubichi na ukavu kwenye shamba badala ya ubichi wa kudumu (kupunguza unyevu).
Tumia naitrojeni kwa kiasi, na ugawanye katika matumizi kwa awamu.
Fuatilia mashamba kwa ishara za ugonjwa.
Weka matuta ya shambani na njia za umwagiliaji katika hali ya usafi.
Hakikisha usafi wa shamba kwa kuondoa magugu na uchafu wa mimea iliyoambukizwa, vishada na mbegu baada ya kuvuna.
Lima kwa kina ili kuanika shamba kwenye mwanga wa jua baada ya kuvuna pia husaidia kupunguza kubeba viini vya ugonjwa hadi msimu mwingine.
Inapowezekana, lima kwa uhifadhi na panda mpunga mfululizo.
Panga mzunguko wa mazao wa miaka 2 au 3 na mazao yasiyoshambuliwa.