Mahindi

Baka Jani la Mahindi la Kusini

Cochliobolus heterostrophus

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Vidonda vyenye rangi ya hudhurungi, vikianza na umbo la almasi na hatimae kurefuka vikiwa na kingo za kahawia kwenye majani ya chini.
Vidonda hivi hupanuka na kuvuka mishipa ya jani.
Ugonjwa husababisha sehemu kubwa za jani kuwa na mabaka.
Muonekano wa Magunzi ya mahindi yaliyofunikwa na vitu vya kijivu na kuharibika kwa umbo.

Inaweza pia kupatikana kwenye

1 Mazao

Mahindi

Dalili

Dalili zitatofautiana kidogo kutegemea na nguvu ya vimelea, aina ya mmea, na hali za mazingira. Vidonda vyenye rangi ya hudhurungi vikianza kwa kuwa na umbo la almasi na hatimae kurefuka huku vikiwa na kingo za kahawia hutokea kwanza kwenye majani ya chini na kisha polepole vinasonga juu hadi kwenye majani machanga. Mabaka hayo huwa na ukubwa tofauti na huenea hadi kuvuka mishipa ya majani. Katika mimea iliyo kwenye hatari ya kuathirika, vidonda vinaweza kuungana, na kusababisha mabaka yanayofunika kabisa sehemu kubwa za majani. Magunzi ya mahindi pia yanaweza kuonyesha kufunikwa na vitu vya kijivu na kuharibika kwa umbo katika hatua za baadaye za ugonjwa. Upoteaji wa tija kutokana na uharibifu wa majani unaweza kusababisha mimea kukauka na kuvunjika mashina yake. Mimea inaweza kuanguka.

Mapendekezo

Udhibiti wa Kiasili

Udhibiti wa kibaiolojia kwa kutumia kuvu mshindani aitwae Trichoderma atroviride SG3403 umetumika kwa mafanikio dhidi ya maambukizi ya vimelea. Hata hivyo, majaribio ya shambani bado yanahitajika ili kuthibitisha ufanisi wa matibabu haya kwenye mashamba.

Udhibiti wa Kemikali

Daima zingatia mbinu jumuishi zenye hatua za kinga pamoja na hatua za udhibiti wa kibaiolojia ikiwa zinapatikana. Matumizi ya dawa za kuua kuvu/ukungu yanaweza kudhibiti ugonjwa kwa ufanisi ikiwa zitatumiwa kwa wakati sahihi. Fikiria kutumia dawa za kuua kuvu baada tu ya kutathmini maendeleo ya ugonjwa dhidi ya upotevu wa mavuno unaoweza kutokea, utabiri wa hali ya hewa, na hatua ya ukuaji wa mimea. Inapendekezwa kutumia aina yoyote ya dawa zinazofanya kazi kwa haraka na zinazoweza kuua aina nyingi ya vimelea wa kuvu, na dawa hizi ni kama vile mancozeb (2.5 g/l) ikitumika kila baada ya siku 8-10.

Ni nini kilisababisha?

Ugonjwa unasababishwa na kuvu aitwae Cochliobolus heterostrophus (pia hufahamika kama Bipolaris maydis). Kuvu hawa huishi kwenye mabaki ya mimea yaliyoko kwenye udongo. Wakati hali ni nzuri, kuvu huzalisha vijimbegu/viiniyoga ambavyo huenezwa kwenye mimea mipya kwa upepo na matone ya mvua. Vijimbegu huota kwenye majani na kukamilisha mzunguko wake kamili wa maisha (kutoka maambukizi hadi uzalishaji mpya wa vijimbegu vya kuvu) ndani ya saa 72. Ukuaji wa kuvu na mchakato wa maambukizi unafanikishwa na hali ya hewa yenye unyevunyevu, maji maji kwenye majani, na joto la kati ya 22 hadi 30°C. Uharibifu kwenye majani hupunguza tija (uzalishaji) ya mmea na unaweza kupunguza mavuno ikiwa maambukizi yanatokea mwanzoni mwa msimu.

Hatua za Kuzuia

Panda aina ya mbegu zinazostahimili ugonjwa ikiwa zinapatikana katika eneo lako.
Panda aina tofauti za mbegu za mahindi ili kuepuka kilimo cha mbegu za aina moja.
Hakikisha shamba lako linakuwa safi.
Fanya mzunguko wa mazao kwa kuzungusha na mazao yasiyohifadhi vimelea vya ugonjwa huu.
Lima kwa kuchimbua (katua) ili kufukia mabaki ya mazao kwenye udongo.
Pumzisha shamba baada ya kukatua na kupiga haro (kuvunja vunja madongo makubwa) baada ya mavuno.