Muwa
Doa-jicho la Miwa
Bipolaris sacchari
Kuvu
Kwa Ufupi
- Mwanzoni madoa mekundu kwenye pande zote za jani.
- Baadae, vidonda vya mviringo na kingo nyekundu hadi kahawia.
Inaweza pia kupatikana kwenye
Muwa
Dalili
Ndani ya siku 1-3 baada ya kuambukizwa, majani ya miwa yaliyo ambukizwa na B. sacchari huonyesha vidonda ambavyo huanza kama madoa madogo mekundu kwenye nyuso zote za jani. Madoa huwa ya mviringo na mhimili mrefu sambamba na mishipa mikuu. Ukingo ni mwekundu hadi kahawia. Katikati ya doa panakuwa kijivu au hudhurungi. Madoa yanaweza kuambaa pamoja na kutengeneza michirizi mirefu. Miche ya miwa inaweza kufa kwa ugonjwa wa doa siku 12-14 baada ya kupanda kutokana na muozo wa juu katika maambukizi makali.
Mapendekezo
Udhibiti wa Kiasili
Kwa bahati mbaya, hakuna tiba mbadala inayojulikana dhidi ya Bipolaris sacchari. Tunakuomba uwasiliane nasi iwapo unafahamu kitu ambacho kitaweza kusaidia kupambana na ugonjwa huu. Tunatarajia kusikia kutoka kwako.
Udhibiti wa Kemikali
Daima zingatia mbinu jumuishi na hatua za kuzuia na matibabu ya kibayolojia, ikiwa inapatikana. Unyunyiziaji wa majani kwa 0.2% ya oksikloridi ya shaba au 0.3% ya mancozeb na minyunyizio 2 hadi 3 kwa muda wa siku 10 hadi 15. Kunyunyizia kunapaswa kufanywa kulingana na ukali wa ugonjwa huo.
Ni nini kilisababisha?
Doa-jicho huenezwa na vijimbegu (conidia), ambavyo hutolewa kwa wingi kwenye vidonda vya majani na hutawanywa na upepo na mvua. Uotaji wa vijimbegu vya kuvu hupelekewa na unyevu mwingi na kutokea kwa umande. Uvamizi ni haraka zaidi katika majani machanga kuliko majani ya zamani. Ueneaji kwa vipande vya mbegu haufanyiki. Uenezaji wa kimitambo kwa vifaa na shughuli za kibinadamu sio tatizo.
Hatua za Kuzuia
- Tumia aina sugu kutoka kwa zile zilizopo ambazo zimetolewa sokoni.
- Hii ndiyo njia yenye ufanisi zaidi ya kuzuia ugonjwa huu.
Shirikisha
Pakua Plantix
