Pilipili Hoho & Pilipili

Chule ya Pilipili

Colletotrichum sp.

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Vidonda kwenye matunda.
Madoa ya rangi ya kijivu-kahawia na kingo za kahawia iliyokolea kwenye majani na shina.
Ndani ya madoa ya kwenye matunda kuna miduara yenye kitovu shiriki.
Kufa kwa matawi kutokea juu na kuoza kwa matunda.

Inaweza pia kupatikana kwenye

1 Mazao

Pilipili Hoho & Pilipili

Dalili

Vidonda vya mduara au vyenye pembe vilivyotota maji kwenye matunda ambavyo baadaye huwa laini na vilivyozama kidogo. Sehemu za katikati ya vidonda zina rangi ya chungwa au kahawia na hubadilika kuwa nyeusi wakati tishu zilizo karibu zina rangi nyepesi. Vidonda vinaweza kufunika sehemu nyingi za matunda. Vidonda vingi hutokea. Miduara yenye kitovu shiriki ni kawaida ndani ya madoa ya matunda. Matunda ya kijani yanaweza kuambukizwa lakini hayaonyeshi dalili zozote hadi yatakapo iva. Dalili za majani na shina huonekana kama madoa madogo yasiyo na umbo maalumu yenye rangi ya kijivu-kahawia na ncha za kahawia iliyokolea. Mwishoni mwa msimu, matunda yaliyoiva huoza na kufa kwa matawi kutokea juu kuelekea chini.

Mapendekezo

Udhibiti wa Kiasili

Mbegu zilizo ambukizwa zinaweza kutibiwa kwa kulowekwa kwenye maji moto ya 52°C kwa dakika 30. Joto na muda vinapaswa kuzingatiwa kwa usahihi ili kupata matokeo ya matibabu yanayotakiwa.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Ikiwa dawa za kuua ukungu zinahitajika, nyunyiza bidhaa zenye mancozeb au bidhaa zinazo tokana na shaba. Anza matibabu wakati mimea inaweka maua.

Ni nini kilisababisha?

Ugonjwa huu husababishwa na kundi la fangasi wa jenasi ya Colletotrichum, miongoni mwao ni C. gloeosporioides na C. capsici. Viini hivi vya magonjwa vinaweza kuambukiza mimea ya pilipili katika hatua zote za ukuaji, kwenye matunda machanga na vile vile kwenye matunda yaliyokomaa, na baada ya kuvuna. Wanaishi ndani na nje ya mbegu, kwenye uchafu wa mimea au kwenye mimea mingine jamii ya Solanaceae. Wanaweza pia kuletwa upya kupitia vipandikizaji vilivyoambukizwa. Kuvu hustawi wakati wa joto na mvua, na wanaweza kuenea kupitia mvua au maji ya umwagiliaji. Maambukizi ya matunda yanaweza kutokea kwenye joto kuanzia 10 ° C hadi 30 ° C, wakati 23 ° C hadi 27 ° C ni joto linalofaa zaidi kwa maendeleo ya ugonjwa. Maji maji kwenye uso wa matunda huongeza ukali wa chule.

Hatua za Kuzuia

Weka samadi kwenye udongo ili kuongeza kiwango cha kaboni kabla ya kupanda.
Panga mfumo mzuri wa kupitisha maji shambani ili kuzuia maji kutuama.
Weka matandazo kati ya safu/mistari ili kuzuia uenezaji wa vijimbegu kati ya udongo na mimea.
Panda aina sugu kama zinapatikana katika eneo lako.
Tumia mbegu kutoka kwa mimea yenye afya au kutoka kwa vyanzo vilivyo idhinishwa.
Kagua miche kujua dalili za ugonjwa kabla ya kupanda.
Fuatilia shamba mara kwa mara kwa dalili za ugonjwa.
Ondoa magugu na mimea mbadala inayohifadhi ugonjwa huu ndani na nje ya shamba.
Epuka umwagiliaji wa juu na umwagilie wakati wa asubuhi tu.
Panga uwekaji mbolea kwa uwiano shambani, ukitumia uwekaji wa naitrojeni awamu kadhaa.
Ondoa au haribu taka za mimea kwa kuchoma baada ya kuvuna.
Fanya mzunguko wa mazao lakini si kwa mazao mengine ya pilipili, nyanya au stroberi.