Waridi

Baka Jeusi la Waridi

Diplocarpon rosae

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Madoa madogo kwenye upande wa juu wa jani.
  • Yaliyo zungukwa na halo ya njano.
  • Kupukutika/kudondoka kwa majani mapema.

Inaweza pia kupatikana kwenye

1 Mazao
Waridi

Waridi

Dalili

Dalili hujionyesha kwa madoa madogo kwenye upande wa juu wa jani. Madoa hayo ya rangi ya zambarau au nyeusi yanaweza kukua kwa kasi kutoka milimita 2 hadi 12 na kuonyesha ukingo ulioenea. Eneo la jani linalozunguka madoa hayo linaweza kugeuka manjano na kudondoka kabla ya wakati. Wakati mwingine pia mabaka madogo, meusi, yenye magamba huonekana kwenye mashina machanga. Maambukizi yakiwa makali, mmea unaweza kupukutisha/kudondosha karibu majani yote na kutoa maua kidogo.

Mapendekezo

Udhibiti wa Kiasili

Viambata vifuatavyo vinapendekezwa kudhibiti doa/baka jeusi la waridi: shaba, salfa ya chokaa, mafuta ya mwarobaini, baikaboneti ya potasi. Soda ya kuoka (baikaboneti ya sodiamu) pia inaweza kutumika: kijiko 1 (5 ml) kwenye lita 1 ya maji, pamoja na tone la sabuni ya maji. Mchanganyiko wenye bakteria aina ya Bacillus subtilis, unapatikana. Trichoderma harzanium iliyochanganywa na dawa za kuua kuvu pia hutoa udhibiti mzuri

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Dawa za kuua kuvu zenye tebuconazole, tebuconazole + trifloxystrobin na triticonazole zinapendekezwa ili kudhibiti doa/baka jeusi la waridi.

Ni nini kilisababisha?

Madoa meusi kwenye waridi husababishwa na kuvu/fangasi aina ya Diplocarpon rosae. Kuvu hawa huishi msimu mzima kwenye majani na mashina yaliyo anguka na kuoza. Chavua/vijimbegu vya kuvu huenea kwa upepo na matone ya mvua, huambukiza sehemu wazi za majani wakati wa msimu wa mvua. Kuvu hawa hushambulia vikali zaidi wakati wa mvua na halijoto kati ya 20-26°C na hali ya unyevunyevu.

Hatua za Kuzuia

  • Tumia mbegu/miche isiyo na magonjwa.
  • Panda aina zisizoshambuliwa sana, ama aina mpya zaidi au za zamani.
  • Hakikisha eneo/sehemu uliyo panda inapata mwanga wa jua wakutosha, haitunzi maji, ina mzunguko mzuri wa hewa na weka nafasi ya 1-1.25M kati ya mmea mmoja na mwingine.
  • Weka safu ya matandazo juu ya udongo.
  • Punguza matawi mara kwa mara, ukiondoa shina/tawi dhaifu au lilizokufa.
  • Mwagilia maji udongo karibu na waridi asubuhi.
  • Kusanya na kuharibu majani yaliyoanguka au kuzika chini ya matandazo.
  • Kata mashina/matawi yaliyoathirika kabla ya majani mapya kuonekana.

Pakua Plantix