Papai

Ubwiri Unga wa Papai

Oidium caricae-papayae

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Madoa yenye maji maji kwenye sehemu ya chini ya jani.
Baadaye huwa kama viraka venye unga.
Madoa hupanuka, na kufunika jani.
Klorotiki (yaani upungufu wa madini chuma)na majani yaliyo toboka/kuharibika.
Kuanguka kwa majani mapema.

Inaweza pia kupatikana kwenye

1 Mazao

Papai

Dalili

Madoa yenye maji maji yaliyo funikwa na jamvi la kuvu wa unga mweupe huonekana kwanza kwenye sehemu ya chini ya majani, mara nyingi karibu na mishipa ya majani, kwenye vikonyo vya majani na chini ya maua. Wakati mwingine, madoa ya rangi ya kijani mpauko au njano hutokea upande wa juu wa majani, wakati mwingine hufunikwa na ukungu mweupe. Madoa haya yanaweza kugeuka kahawia yenye seli zilizokufa yakizungukwa na upinde wa njano baadaye. Majani yaliyo athirika zaidi baadaye hujikunja kueleke ndani. Matunda yanaweza kuonyesha kama jamvi la ukungu mweupe kwa kiasi tofauti. Maambukizi kwa ujumla husababisha uharibifu mdogo kwa miti yenye umri mkubwa inayozaa. Hata hivyo, katika mimea michanga huweza kusababisha kufa kwa tishu zinazoongezeka, majani kuanguka, vidonda vya shina na matunda na hasara kubwa kwenye mavuno.

Mapendekezo

Udhibiti wa Kiasili

Salfa yenye unyevunyevu, vumbi la salfa, au salfa ya chokaa pamoja na bikarboneti ya potasiamu vimeonekana kusaidia katika kudhibiti ugonjwa huu. Hata hivyo, matibabu haya yanaweza kuwa na sumu kwa mimea ikiwa hutumiwa wakati wa joto. Katika baadhi ya matukio, poda ya kuokea mikate, mafuta ya mwarobaini na kimiminika cha sabuni inaweza kufaa. Kwa ujumla, matibabu haya hayafai endapo ugonjwa huo ni mkali.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa inapatikana. Dawa za kuua kuvu kama vile azoxystrobin, mancozeb zinaweza kutumika kudhibiti ubwiri unga kwenye papai.

Ni nini kilisababisha?

Ugonjwa huu husababishwa na kuvu/fangasi aina ya Oidium caricae-papayae. Kuvu hawa huishi na kuzaliana kwenye mimea ya mipapai pekee. Chavua za kuvu hutawanywa kutoka kwa mmea hadi mmea na kati ya shamba kwa upepo. Majani katika hatua zote za ukuaji yanaweza kuathiriwa, lakini majani yaliyokomaa huathirika zaidi. Kuvu hutawala seli za juu kwenye ngozi ya mmea, ndicho husababisha dalili kuonekana. Maendeleo ya ugonjwa huo na ukali wa dalili hukuzwa na viwango vya chini vya mwanga, kiwango cha juu cha unyevu, joto la wastani (18 hadi 32 ° C), na mvua kutoka 1500 hadi 2500 mm kwa mwaka

Hatua za Kuzuia

Panda aina zinazostahimili zaidi.
Panda miti ya papai katika maeneo yanayo ruhusu hewa ya kutosha na nafasi ya kutosha kati ya mistari.
Epuka maeneo yenye unyevu mwingi na halijoto chini ya 24°C.
Usimwagilie maji kwa vinyunyizio vya juu.
Mwagilia mimea mapema asubuhi.
Mwagilia kwenye eneo la mizizi.
Hakikisha lishe bora kwa mimea na uepuke mbolea zenye naitrojeni nyingi.
Ondoa sehemu za mmea zilizoambukizwa na uharibu mabaki yoyote ya mimea.