Karanga

Kutu ya Karanga

Puccinia arachidis

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

  • Upele wenye kutu kwenye upande wa chini wa majani.
  • Umezungukwa na mduara angavu wa manjano.
  • Maambukizi makali - pande zote mbili hufunikwa na upele wa kutu.
  • Majani kuwa ya njano na kusinyaa.

Inaweza pia kupatikana kwenye

1 Mazao
Karanga

Karanga

Dalili

Kutu ya karanga huonekana kama upele mdogo wa mviringo wenye rangi ya kahawia ya chungwa (kutu), mara nyingi kwenye upande wa chini wa majani. Upele huo mara nyingi huzungukwa na mduara wa njano. Hii hupunguza ukuaji wa majani na mmea kwa kiasi kikubwa. Ugonjwa unapoendelea, majani yaliyoathiriwa sana hufunikwa na upele/ukurutu wa kutu pande zote mbili, kugeuka njano na "yenye kutu", na hatimaye kusinyaa. Upele ulio refuka, wenye rangi ya kahawia nyekundu (na baadae mweusi) unaweza kuonekana kwenye mashina na vikonyo. Upukutishaji wa majani unaweza kutokea baadaye. Ugonjwa huu unaweza kupunguza kwa kiasi kikubwa mavuno ya karanga na malisho na ubora wa mafuta.

Mapendekezo

Udhibiti wa Kiasili

Mawakala wa kibaolojia wanaweza kusaidia kudhibiti maambukizi. Viziduo vya mimea ya Salvia officinalis na Potentilla erecta vina uwezo wa kinga kwenye majani dhidi ya ukuaji wa kuvu. Viziduo vingine vya mimea kama vile mafuta ya mbegu za kitani na mafuta ya karanga pia vimekuwa na ufanisi katika kupunguza matukio ya ugonjwa huu.

Udhibiti wa Kemikali

Daima zingatia mbinu jumuishi na hatua za kuzuia pamoja na matibabu ya kibayolojia ikiwa yanapatikana. Matibabu ya kemikali yanaweza kushindikana katika hatua za baadaye za maendeleo ya ugonjwa huo. Iwapo dawa za kuua kuvu zinahitajika, nyunyiza bidhaa zenye mancozeb, propiconazole au chlorothalonil (3gramu/lita ya maji). Matumizi yanapaswa kuanza moja kwa moja baada ya kuonekana kwa mara ya kwanza kwa maambukizi na yanapaswa kurudiwa baada ya siku 15.

Ni nini kilisababisha?

Kutu ya karanga huishi kwenye mabaki ya mazao kwenye udongo au kwenye mimea mingine jamii ya mikunde ambayo hutumika kama mwenyeji mbadala. Maambukizi ya awali ni kutokana na vijimbegu vinavyo zalishwa katika hatua hii ya uzaaji na kutua kwenye upande wa chini wa majani. Ueneaji wa upili hutokea wakati vijimbegu vinaposambazwa na upepo. Sehemu zilizo ambukizwa zinaweza kupanuka haraka wakati wa hali ya mazingira ni rafiki kwa ukuaji wa kuvu, kwa mfano, hali joto (21 hadi 26 ° C) na hali ya hewa ya mvua, ya mawingu (ukungu au umande mkubwa wa usiku). Pia hukandamiza ukuaji wa shina na mizizi ya mmea, na kusababisha ukuaji ulio dumaa. Kiasi kikubwa cha mbolea ya fosforasi kwenye udongo kinaonekana kupunguza kasi ya ukuaji wa kutu.

Hatua za Kuzuia

  • Tumia mbegu kutoka kwenye mimea yenye afya au kutoka kwenye vyanzo vilivyoidhinishwa.
  • Panda aina sugu.
  • Epuka unyevu mwingi kati ya mimea kwa kupanua umbali wa kupanda.
  • Dhibiti magugu na mimea ya kujiotea yenyewe ndani na karibu na shamba.
  • Epuka kupanda mimea mbadala inayo shambuliwa na kutu ya karanga katika eneo la shamba lako.
  • Weka kiasi kikubwa cha mbolea ya fosforasi ili kupunguza kasi ya maendeleo ya kutu.
  • Ondoa au haribu mimea iliyoambukizwa na taka kwa kuchoma au kulima.
  • Mzunguko wa mazao kwa mazao yasiyo shambuliwa unapendekezwa kila baada ya miaka mitatu hadi minne (k.m.
  • mahindi, mtama, mpunga, miwa).
  • Panga kupumzisha shamba kwa muda mrefu baada ya kupanda mazao aina ya karanga kwa mfululizo.

Pakua Plantix