Karanga
Bakajani Chelewa na Wahi
Mycosphaerella
Kuvu
Kwa Ufupi
- Madoa ya kahawia nyepesi na mduara angavu wa manjano (Doajani wahi).
- Madoa meusi (Doajani chelewa).
- Madoa hugeuka kuwa meusi na kupanuka.
- Ukuaji wa kuvu wa mapema wenye rangi ya fedha, na umbo kama vinywele juu ya jani.
- Upukutishaji wa majani hudhoofisha mashina na vigingi.
Inaweza pia kupatikana kwenye
Karanga
Dalili
Madoa ya mviringo kwenye pande zote za majani. Doajani wahi huwa na sifa ya vidonda laini vya rangi ya kahawia nyepesi, ambavyo mara nyingi huzungukwa na mduara angavu wa manjano. Doajani chelewa huwa na sifa ya vidonda vya kahawia iliyokolea au vyeusi na mduara angavu huwepo mara chache. Ugonjwa unapoendelea, madoa hugeuka kuwa meusi na kukua zaidi (hadi 10 mm), na huanza kuonekana kwenye majani ya juu, mashina na vigingi. Kwa upande wa Doajani wahi, ukuaji wa kuvu wa rangi ya fedha, wenye umbo kama nywele wakati mwingine unaweza kuonekana sehemu ya juu ya jani. Ikiwa hali ya mazingira ni rafiki, majani hatimaye hudondoka na mashina na vigingi hudhoofika. Upukutishaji majani hudhoofisha mmea na uzalishaji wake. Hasara za mavuno huongezeka kadiri vigingi vilivyoambukizwa kupoteza nguvu na kuvunjika wakati wa kuvuta na kupura wakati wa kuvuna.
Mapendekezo
Udhibiti wa Kiasili
Bakteria wa kuzuia fangasi Bacillus circulans na Serratia marcescens wanaweza kutumika kwenye majani ili kupunguza matukio ya doajani chelewa kwenye majani ya karanga.
Udhibiti wa Kemikali
Daima zingatia mbinu jumuishi na hatua za kuzuia pamoja na matibabu ya kibayolojia. Dawa za kuua kuvu zenye chlorothalonil, tebuconazole, propiconazole azoxystrobin, pyraclostrobin, fluoxastrobin au boscalid zinaweza kutumika kama dawa za majani kudhibiti magonjwa yote mawili. Kwa mfano, kunyunyizia 3gramu/lita mancozeb au 3gramu/lita chlorothalonil dalili zinapoanza kuonekana na ikibidi kurudia dawa baada ya siku 15.
Ni nini kilisababisha?
Madoajani chelewa na wahi ni magonjwa mawili tofauti yenye dalili zinazofanana ambazo huonekana katika hatua tofauti za ukuaji wa mmea, na hivyo majina yake husika. Husababishwa na fangasi Mycosphaerella arachidis (doajani wahi) na Mycosphaerella berkeleyi (doajani chelewa). Mimea ya karanga ndiyo mimea pekee inayojulikana kushambuliwa na magonjwa haya. Chanzo kikuu cha uambukizaji ni mabaki ya mazao ya awali ya karanga. Unyevu mwingi (umande), mvua nyingi (au umwagiliaji wa juu) na halijoto (zaidi ya 20 ° C) kwa muda mrefu huhamasisha maambukizi na kuendelea kwa ugonjwa huo. Madoajani chelewa na wahi ni magonjwa hatari zaidi ya karanga duniani kote na yanaweza kusababisha hasara kubwa ya mavuno ya karanga, mojawapo au yote kwa pamoja.
Hatua za Kuzuia
- Panda aina sugu zinazopatikana kwenye soko lako.
- Haribu mimea ya karanga inayo jiotea yenyewe ndani na nje ya shamba.
- Epuka umwagiliaji wa juu.
- Usifanye kazi shambani wakati mimea ina unyevu.
- Mwagilia maji ya kutosha na epuka kumwagilia mara kwa mara ili kudumisha dari kavu na sehemu ya juu ya udongo.
- Tekeleza mzunguko wa mazao na mazao yasiyo shambuliwa na kuvu.
- Ondoa mabaki ya mazao yaliyoambukizwa baada ya kuvuna.
Shirikisha
Pakua Plantix
