Mahindi

Fugwe ya Mahindi

Ustilago maydis

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Mimea katika hatua ya mche huonyesha ukuaji uliodumaa na huenda isizalishe maua au mbelewele.
Kwa mimea iliyo mikubwa, maambukizi husababisha kutengenezwa kwa uvimbe uliojaa fugwe/unga mweusi kwenye punje.
Uvimbe huo unapopasuka, hutoa vitu mithili ya unga mweusi.
Kwenye majani, ukuaji wa uvimbe kwa kawaida hubaki mdogo na hukauka bila kupasuka.

Inaweza pia kupatikana kwenye

1 Mazao

Mahindi

Dalili

Sehemu zote za mmea zinazokua zinaweza kuambukizwa na kuvu huwa. Uwezekano wao wa kuweza kujeruhiwa na kuweza kukua husababisha sehemu hizo za mmea ziweze kuonyesha dalili kali zaidi. Mimea iliyo katika hatua ya miche ndiyo iliyo hatarini zaidi kupata maambukizi. Katika hali hiyo, ukuaji wa mmea hudumaa na huenda isizalishe maua au masuke. Kwa mimea mikubwa, maambukizi husababisha ukuaji wa uvimbe, ambao ni mchanganyiko wa tishu za mmea uliohifadhi vijidudu pamoja na tishu za kuvu/ukungu. Uvimbe wa fugwe unakuwa na rangi ya kijani yenye weupe katika hatua za awali na hugeuka kuwa mweusi inapokomaa. Ni sifa maalum kwenye masuke, ambapo kila punje moja ya mahindi inaweza kuunda uvimbe wake. Uvimbe huo unapopasuka, hutoa vitu mithili ya unga unga mweusi. Kwenye majani, uvimbe kwa kawaida hubaki mdogo na hukauka bila kupasuka.

Mapendekezo

Udhibiti wa Kiasili

Udhibiti wa moja kwa moja wa kuvu/ ukungu ni mgumu na hadi sasa hakuna mbinu yenye ufanisi dhidi ya vimelea hivi vya kuvu.

Udhibiti wa Kemikali

Wakati wote zingatia mbinu jumuishi zenye hatua za kinga pamoja na matibabu ya kibaiolojia yanayowezekana. Matumizi ya dawa za kuua kuvu kwenye mbegu na majani hayawezi kupunguza kiwango cha maambukizi ya ugonjwa wa fugwe kwenye mahindi.

Ni nini kilisababisha?

Ugonjwa wa fugwe kwenye mahindi unasababishwa na kuvu aitwae Ustilago maydis, ambao wanaweza kubaki kwenye udongo kwa miaka kadhaa. Vijimbegu (viiniyoga) vya kuvu huenea kwenye mimea kupitia upepo, vumbi la udongo na matone ya mvua. Mchakato wa maambukizi unafanikishwa na uwepo wa majeraha kwenye mmea, kama yale yanayosababishwa na wadudu, wanyama, mbinu mbaya za kilimo au mvua ya mawe. Hakuna maambukizi ya pili ya moja kwa moja ya kutoka mmea mmoja hadi mwingine. Dalili huwa kubwa zaidi kwenye tishu zenye uwezekano mkubwa wa kukua (kama vile masuke au ncha zinazokua). Hali mbaya ya hewa inayosababisha uzalishaji mdogo wa chavua na viwango duni vya uchavushaji (kama vile ukame unaofuatiwa na mvua kubwa) inachangia kuenea kwa ugonjwa huu.

Hatua za Kuzuia

Panda aina za mbegu zinazostahimili ugonjwa kama zinapatikana.
Hakikisha kunakuwa na nafasi pana kati ya mimea.
Fuatilia, kusanya na haribu vinundu kabla vijimbegu (viiniyoga) vyeusi vya kuvu (ukungu) havijatolewa.
Zuia uharibifu unaosababishwa na wadudu pamoja na vijidudu wengine waharibifu.
Epuka kuyadhuru mazao wakati wa shughuli za kilimo.
Hakikisha vifaa na zana za kilimo zinakuwa safi.
Epuka kutumia mbolea ya naitrojeni kwa wingi.
Ondoa mabaki yote ya mimea baada ya mavuno na usiozeshe sehemu zilizoathirika za mimea na kutumia kama mbolea(mboji).
Lima kwa kina ili kufunika mabaki ya mimea baada ya mavuno.
Pangilia mzunguko wa mazao wa muda mrefu kwa kuzungusha na mimea isiyoshambuliwa na fugwe.