Maharage

Kutu ya Maharage

Uromyces appendiculatus

Kuvu

Ponya zao lako

Piga picha

Angalia uchunguzi

Pata dawa

Pata programu ya Plantix

Kwa Ufupi

Upele/Malengelenge madogo sana ya kahawia hadi njano upande wa chini wa majani yaliyo zeeka.
Yamezungukwa na duara la mwanga wa njano.
Dalili zinaweza pia kuonekana kwenye vikonyo, mashina, na maganda.
Majani yanageuka rangi ya njano na kunyauka.

Inaweza pia kupatikana kwenye

1 Mazao

Maharage

Dalili

Dalili za kwanza hujitokeza kama upele/malengelenge madogo sana ya kahawia hadi njano ambayo hupasua ngozi ya majani yaliyokomaa, hususani upande wa chini. Kadri muda unavyoenda, malengelenge haya yanaweza kuzungukwa na duara la mwanga wa tishu za manjano na yanaweza kugeuka na kuwa meusi zaidi. Malengelenge yalivyorefuka ya aina hiyo hiyo yanaweza kujitokeza kwenye vikonyo, mashina, na maganda. Majani yanaweza kubadilika rangi na kuwa ya njano na kukauka, na yanaweza kudondoka mapema. Kupukutika kwa majani kunaweza kutokea, na kuathiri mavuno. Kutu ya maharage inaweza kuua mimea michanga. Kwa mimea ya iliyokomaa, kuvu huwa na athari ndogo sana kwenye mavuno.

Mapendekezo

Udhibiti wa Kiasili

Dawa za kuua wadudu za kibaiolojia zinazotokana na spishi za Bacillus subtilis, Arthrobacter, na Streptomyces zina athari kubwa kwenye maendeleo ya ugonjwa huo.

Udhibiti wa Kemikali

Kila wakati zingatia mbinu jumuishi yenye hatua za kuzuia pamoja na matibabu ya kibaiyolojia. Dawa za kuvu za triazole na strobilurin zinaonyesha matokeo yenye matumaini katika kudhibiti kutu ya maharage.

Ni nini kilisababisha?

Kuvu anayeitwa Uromyces appendiculatus huishi kwenye mabaki ya mimea kwenye udongo kipindi chote cha baridi. Ni kimelea tegemezi, ikiwa na maana kwamba kinahitaji tishu za mimea ili kiweze kuishi. Maambukizi ya awali hutokea wakati vijimbegu vya kuvu vinasambazwa kwenye mimea kupitia upepo, maji, na kupitia wadudu. Kuvu hii hustawi katika hali ya unyevunyevu wa juu na joto la juu. Vijimbegu vya kuvu vinaweza kusambaa kwa haraka sana katika hali hizi. Ugonjwa huwa mbaya zaidi wakati wa vipindi virefu vya hali ya hewa ya joto na unyevunyevu.

Hatua za Kuzuia

Panda aina za mimea zinazostahimili au zinazovumilia magonjwa.
Usipande maharage kwenye maeneo yaliyoathirika.
Panda kwa kuchanganya na mazao mengine yasiyobeba magonjwa kama vile mahindi.
Ondoa magugu na mimea iliyoota yenyewe shambani.
Epuka umwagiliaji wa kupita kiasi na usitumie mifumo ya kumwagilia kutoka juu.
Kata na ondoa sehemu zote zilizoathirika.
Baada ya mavuno, safisha na kutupa mabaki yote ya mimea.
Chagua kwa uangalifu na panga tarehe za kupanda na umwagiliaji ili kuepuka kipindi kirefu cha unyevu wa majani wakati joto linapokuwa juu.
Epuka matumizi ya mbolea za naitrojeni kupita kiasi na hakikisha upatikanaji wa kutosha wa mbolea ya potasiamu.