Nyingine
Ugonjwa wa Mnyauko Vetisilia
Verticillium spp.
Kuvu
Kwa Ufupi
- Majani kuwa ya njano - kuanzia kwenye kingo.
- Mishipa mikuu ya majani hubaki ya kijani.
- Mistari myeusi kwenye shina.
- Kunyauka kwa mmea.
Nyingine
Dalili
Dalili zinatofautiana sana kati ya mazao tofauti. Kwa kawaida, manjano hutokea kwanza kwenye kingo za majani ya zamani. Kadri rangi ya manjano inavyoenea kwenye sehemu nyingine za tishu, jani linachukua muonekano wa kunyauka, mara nyingi upande mmoja tu. Sifa hii maalum inaitwa umanjano wa upande au "unyaukaji wa upande mmoja." Madoa meusi hujitokeza kwenye shina na kuenea kutoka chini kuelekea juu, na kusababisha kunyauka kwa shina. Dalili kuu kwenye miti, ni ukuaji duni, majani kukauka mapema, kudumaa, na kufa kwa matawi yote. Dalili za ziada ni kuchafua tishu za miti kwa njia ya miduara au michirizi. Wakati mwingine, kwa uchunguzi wa karibu kwa kutumia lenzi, madoa meusi madogo yanaweza kuonekana kwenye tishu zinazokufa au kwenye tishu hai vile vile.
Mapendekezo
Udhibiti wa Kiasili
Dawa za kibaiolojia za kudhibiti kuvu wenye Streptomyces lydicus huvunja mzunguko wa maisha wa kuvu na zinaweza kusaidia kudhibiti maendeleo ya ugonjwa.
Udhibiti wa Kemikali
Daima zingatia mbinu jumuishi zikiwa na hatua za kukinga pamoja na tiba za kibaiolojia ikiwa zinapatikana. Ikiwa mimea imeathirika na ugonjwa huu, inakuwa vigumu sana kuutokomeza. Matumizi ya dawa za kudhibiti wadudu waharibifu kwenye udongo ni mbinu yenye ufanisi lakini ni yenye gharama. Ufanisi wake unategemea kemikali iliyotumika, kiwango chake, na hali ya mazingira wakati wa ilipotumika kemikali husika. Tiba ya sehemu za mimea zilizoathirika pia inaweza kuzingatiwa.
Ni nini kilisababisha?
Dalili hizi husababishwa na kuvu/ukungu wanaoishi kwenye udongo, na miongoni mwao ni pamoja na V. dahliae, ambao wanaweza kuishi kwenye mabaki ya mazao kwenye udongo inapokuwa hakuna mimea mbadala ambayo kuvu wanaweza kuishi. Kuvu huingia kwenye tishu za mishipa ya mmea kupitia mizizi midogo au majeraha kwenye gome. Mara wanapokuwa ndani ya mmea au mti, kuvu hukua haraka na kuzuia usafirishaji wa maji na virutubisho, na kusababisha kunyauka na kuoza kwa sehemu za juu (majani na mashina). Hali hii huongezeka zaidi wakati wa hali ya hewa ya joto na jua kali. Katika hatua za baadaye za ugonjwa, kuvu huenea kwenye tishu zinazokufa na kutengeneza miundo ya giza inayoweza kuonekana kwa lenzi ya kukuza. Kuvu hawa wanaweza kuishi kwa miaka kadhaa kwenye eneo husika.
Hatua za Kuzuia
- Tumia aina za mimea zilizo sugu au zenye uvumilivu dhidi ya magonjwa.
- Usichanganye mazao yaliyo rahisi kuathirika yanayoweza kueneza ugonjwa.
- Epuka kutumia mbolea zenye naitrojeni nyingi na maji kupita kiasi.
- Tumia virutubisho vya nyongeza ili kuimarisha mimea dhidi ya maambukizi.
- Punguza, ondoa na choma mimea iliyoathirika.
- Safisha zana zote na vifaa baada kuhudumia mimea iliyoambukizwa.
- Usifanye kazi shambani wakati majani yakiwa na unyevunyevu.
- Chunga usiharibu mizizi wakati wa kufanya kazi shambani.
- Acha wazi udongo ili uchomwe na miale ya jua kwa muda.
- Ondoa na kusanya pamoja mabaki ya mimea na yazike chini kabisa kwenye udongo au yachome.
- Fanya mzunguko wa mazao na mimea isiyohifadhi kuvu wa ugonjwa.
Shirikisha
Pakua Plantix
