Mti wa jamii ya mchungwa
Uburi unga
Erysiphaceae
Kuvu
Kwa Ufupi
- Madoa meupe kwenye majani, mashina na wakati mwingine kwenye matunda.
- Kifuniko cheupe upande wa juu au chini ya majani.
- Ukuaji uliodumaa.
- Majani husinyaa na kudondoka.
Mti wa jamii ya mchungwa
Dalili
Kwa kawaida maambukizi huanza kama madoa ya duara, mithili ya unga mweupe ambayo yanaweza kuathiri majani, mashina na wakati mwingine matunda. Kwa kawaida hufunika sehemu za juu za majani lakini yanaweza kukua kwenye upande wa chini vile vile. Kuvu au ukungu huzuia usanisinuru (yaani uwezo wa mmea kutumia chakula na mwanga wa jua) na kusababisha Majani kugeuka na kuwa manjano na kukauka na baadhi ya majani yanaweza kujipinda, kuvunjika au kuharibika umbo lake. Katika hatua za baadaye, vichipuzi na ncha zinazokua huharibika maumbo yake.
Mapendekezo
Udhibiti wa Kiasili
Vinyunyuzi vya majani vinavyotokana na salfa, mafuta ya mwarobaini, kaolini au tindikali (asidi) askobiki vinaweza kuzuia maambukizi makali.
Udhibiti wa Kemikali
Wakati wote zingatia mbinu jumuishi na hatua za kinga pamoja na matibabu ya kibayolojia ikiwa yanapatikana. Kwa kuzingatia idadi ya mazao ambayo huathirika na uburi unga, ni vigumu kupendekeza matibabu yoyote ya kemikali. Dawa za kuua kuvu zinazotokana na salfa yenye unyevunyevu (3 g/l), hexaconazole, myclobutanil (zote 2 ml/l) zinaonekana kudhibiti ukuaji wa kuvu katika baadhi ya mazao.
Ni nini kilisababisha?
Chavua za kuvu huishi ndani ya vichipuzi vya majani na mabaki mengine ya mazao wakati wote wa majira ya baridi. Upepo, maji, na wadudu husambaza vijimbegu vya magonjwa kwenye mimea iliyo karibu. Ingawaje ni Kuvu, ukungu wa unga unaweza kukua kwa kawaida katika hali kavu. Inastahimili kwenye joto la kati ya 10-12 ° C, lakini hali bora hupatikana kwa 30 ° C. Tofauti na ubwiru unyoya, kiasi kidogo cha mvua na umande wa kawaida wa asubuhi huharakisha kuenea kwa uburi unga.
Hatua za Kuzuia
- Tumia aina ya mimea ambayo ni sugu au inayostahimili wadudu au magonjwa.
- Panda mimea kwa nafasi ya kutosha ili kuruhusu upitishaji mzuri wa hewa.
- Fuatilia mashamba kwa ukaribu na mara kwa mara ili kutathmini matukio ya ugonjwa au wadudu.
- Ondoa majani yaliyoathirika wakati madoa ya kwanza yanapoonekana.
- Usiguse mimea yenye afya baada ya kugusa mimea iliyoambukizwa.
- Tabaka nene la matandazo linaweza kuzuia mtawanyiko wa viiniyoga au vijmbegu kutoka kwenye udongo hadi kwenye majani.
- Fanya mzunguko wa mazao kwa kutumia mazao yasiyoshambuliwa na wadudu.
- Tumia mbolea yenye uwiano wa virutubisho.
- Epuka mabadiliko makubwa ya joto.
- Lima udongo vizuri baada ya kuvuna ili kuchimba mabaki ya mimea ndani kabisa ya udongo.
- Ondoa mabaki ya mimea baada ya kuvuna.
Shirikisha
Pakua Plantix
