ଧାନ ପତ୍ର ଅଷ୍ଟପଦୀ

ଏହାର କାରଣ କଣ

ରୋଗର ଲକ୍ଷଣଗୁଡିକ ଓଲିଗୋନାଇଚୂସ ଓରିଜ଼ଏ ନାମକ ଏକ ଧାନ ପତ୍ର ଅଷ୍ଟପଦୀ ପୋକର ପୋଷଣ ପ୍ରକ୍ରିୟା ଯୋଗୁଁ ସୃଷ୍ଟି ହୋଇଥାଏ । ଯେଉଁ ସମୟରେ ତାପମାତ୍ରା ଅଧିକ ଥାଏ(25°C ରୁ ଅଧିକ ) ଓ ଉଚ୍ଚ ଆପେକ୍ଷିକ ଆର୍ଦ୍ରତା ଥାଏ, ସେତେବେଳେ ରୋଗ ସବୁଠାରୁ ମାରାତ୍ମକ ହୋଇଥାଏ । ଅଷ୍ଟପଦୀ ମାନଙ୍କ ସମ୍ପୂର୍ଣ ଜୀବନ ଚକ୍ର ପାଣିପାଗ ଅବସ୍ଥା ଉପରେ ନିର୍ଭର କରି 8-18 ଦିନ ମଧ୍ୟରେ ହୋଇପାରେ । ବୟସ୍କ ମାନେ ଯେତେ ବେଳେ ଆବିର୍ଭାବ ହୁଅନ୍ତି, ସେତେବେଳୁ ସେମାନେ ପ୍ରଜଜନ କ୍ଷମ ହୋଇଥାନ୍ତି ଓ ବାହାରକୁ ଆସି ସଂଗମ କରିବା ଆରମ୍ଭ କରି ଦିଅନ୍ତି । ଅଣ୍ଡା ଗୁଡିକୁ ପତ୍ରର ତଳ ପାର୍ଶ୍ୱରେ ପତ୍ର ଶିରା ଓ ମଧ୍ୟଶିରା ସମାନ୍ତର ରେ ଧାଡି ଧାଡି କରିଗୋଟିଏ ଗୋଟିଏ ଦେଇଥାନ୍ତି । ଉଷୁମେଇବା ସମୟ 4 -9 ଦିନ ହୁଏ । ସାଧାରଣତଃ ସନ୍ତସନ୍ତିଆ ଜମିରେ ଧାନ ସହ ଥିବା ଅନାବନା ଘାସ( ଏକିନୋକ୍ଲୋଆ କୋଲୋନା)ରେ ମଧ୍ୟ ମାରାତ୍ମକ ଆକ୍ରମଣ ହୋଇ ପାରେ, ଯାହା କି ବିକଳ୍ପ ପୋଷକ ହୋଇ ପାରେ । ଯେହେତୁ ଏମାନଂକ ଉପଚାର କଷ୍ଟକର ହୋଇଥାଏ, ଯେଉଁ ଜମିରେଏହି ରୋଗ ଆଗରୁ ଦେଖା ଯାଇଅଛି ଏହି ସଂକ୍ରମଣ ତା ପର ବର୍ଷରେ ମଧ୍ୟ ପୁଣି ଥରେ ହେବାର ସମ୍ଭାବନା ଥାଏ ।