ବନ୍ଧାକୋବି
ପ୍ରମୁଖ ଦକ୍ଷିଣୀ ଧବଳ
Ascia monuste
ପୋକ
ସଂକ୍ଷେପରେ
- ପତ୍ରରେ ଖାଇବା ଜନିତ କ୍ଷତ ଦେଖାଯାଏ। ପତ୍ର ଧାରରେ ଅନିୟମିତ କଣା ଦେଖାଯାଏ।.
ମଧ୍ୟ ଦେଖା ଯାଇପାରେ
ବନ୍ଧାକୋବି
ଲକ୍ଷଣ
ଏହି ଆକ୍ରାନ୍ତର ଏକ ସ୍ପଷ୍ଟ ସଙ୍କେତ ହେଉଛି ଯେତେବେଳେ ଗଛ ପତ୍ର ଖାଇବା ଦ୍ୱାରା ନଷ୍ଟ ହୋଇଯାଏ।ପ୍ରମୁଖ ଦକ୍ଷିଣୀ ଧବଳ ପ୍ରଜାପତିର ସମ୍ବାଳୁଆ ହିଁ କ୍ଷତି କରୁଛନ୍ତି। ସାଧାରଣତଃ ସେମାନେ ପତ୍ରର ଧାର ଖାଇଥା’ନ୍ତି, ବାହ୍ୟ ଅଂଶରୁ ଆରମ୍ଭ କରି ଭିତରକୁ ଗତି କରିଥାନ୍ତି। ଏହି ପ୍ରକାର ଖାଇବା ଦ୍ଵାରା ପ୍ରାୟତଃ ପତ୍ରର ଧାରରେ ଅସମାନ ଛିଦ୍ର ସୃଷ୍ଟି କରିଥାଏ। ସମ୍ବାଳୁଆ ସମଗ୍ର ଗଛର ଭୂମି ଉପରେ ଥିବା ଅଂଶକୁ ଖାଇବାକୁ ସକ୍ଷମ ହୋଇଥାଏ। ସେମାନେ କ୍ରୁସିଫେରସ୍ ପନିପରିବା (କୋବି, ଫୁଲକୋବି, ବ୍ରୋକୋଲି) ପ୍ରତି ଅତ୍ୟଧିକ ଲୋଭାନ୍ବିତ ଅଟନ୍ତି। ପତ୍ରର ଉପର ପାର୍ଶ୍ୱରେ ଥିବା ଅଣ୍ଡା ସମୂହ ଏବଂ ଏକାଠି ଖାଉଥିବା ସମ୍ବାଳୁଆ ପାଇଁ ନଜର ରଖନ୍ତୁ। ଆପଣ କ୍ଷେତରେ ବୟସ୍କ ପୋକମାନଙ୍କୁ ମଧ୍ୟ ଦେଖିପାରନ୍ତି।
ସୁପାରିଶ ଗୁଡିକ
ଜୈବିକ ନିୟନ୍ତ୍ରଣ
ବେସିଲସ ଥୁରିନଜିଏନସିସ (ବିଟି) ସିଞ୍ଚନ ବ୍ୟବହାର କରିବାକୁ ବିଚାର କରନ୍ତୁ। ଏହା ଏକ ପ୍ରାକୃତିକ କୀଟନାଶକ ଯାହାକି ମାନବ ଏବଂ ଉପକାରୀ କୀଟ ପାଇଁ ନିରାପଦ ରହି ବନ୍ଧାକୋବି କୀଟ ଲାର୍ଭାକୁ ମାରିଦେଇଥାଏ। ଏକ ପ୍ରାକୃତିକ ବିକର୍ଷକ ଓ କୀଟନାଶକ ଭାବରେ ନିମ୍ବ ଗଛରୁ ଉତ୍ପନ୍ନ ହୋଇଥିବା ନିମ୍ବ ତେଲ ସିଞ୍ଚନ ପ୍ରୟୋଗ କରନ୍ତୁ।
ରାସାୟନିକ ନିୟନ୍ତ୍ରଣ
ସର୍ବଦା ଜୈବିକ/ପରିବେଶ ଅନୁକୂଳ ଉପଚାର ସହିତ ଏକ ସମନ୍ଵିତ ନିରାକରଣ ପଦ୍ଧତି ଗ୍ରହଣ କରନ୍ତୁ। ତଥ୍ୟ ଅନୁଯାୟୀ ନିମ୍ନଲିଖିତ କୀଟନାଶକଗୁଡିକ ଏସିଆ ମୋନଷ୍ଟକୁ ଦକ୍ଷତାର ସହିତ ନିୟନ୍ତ୍ରିତ କରିଛନ୍ତି, କିନ୍ତୁ ଏହି ସବୁ ପ୍ରାକୃତିକ ଶତ୍ରୁମାନଙ୍କ ପାଇଁ ସୁରକ୍ଷିତ ନୁହଁନ୍ତି: ଏହା ହେଲାକ୍ଲୋରାଣ୍ଟ୍ରାନିଲିପ୍ରୋଲ୍, ସାଇଣ୍ଟ୍ରାନିଲିପ୍ରୋଲ୍, ଇଣ୍ଡୋକ୍ସାକାର୍ବ, ସ୍ପିନୋସାଡ, କ୍ଲୋରଫେନାପିର, ମାଲାଥିଅନ୍। ଏହା ସହିତ, କୀଟନାଶକ ବ୍ୟବହାର ପ୍ରତିରୋଧ ବୃଦ୍ଧିର କାରଣ ହୋଇପାରେ, ଯେଉଁଠାରେ କୀଟନାଶକ ଦ୍ଵାରା କିଛି ସମୟ ପରେ କୀଟ କମ ପରିମାଣରେ ପ୍ରଭାବିତ ହୋଇଥାଏ।
ଏହାର କାରଣ କଣ
ଏସିଆ ମନୁଷ୍ଟେ ନାମକ କୀଟର ସମ୍ବାଳୁଆ ଦ୍ୱାରା ଏହି କ୍ଷତି ହୋଇଥାଏ। ଏହା ଅତ୍ୟନ୍ତ କ୍ଷତିକାରକ ପୋକ ଯାହା କ୍ରୁସିଫେରସ ଫସଲରେ ବହୁ କ୍ଷତି ଘଟାଇ ଥାଏ। ମାଈ ବୟସ୍କମାନେ ପତ୍ରର ଉପର ପାର୍ଶ୍ୱରେ ହଳଦିଆ, ସ୍ପିଣ୍ଡଲ୍ ଆକୃତିର ଅଣ୍ଡା ସମୂହ ଦିଅନ୍ତି। ନଭେମ୍ବରରୁ ମେ ମଧ୍ୟରେ ଏହା ହୋଇଥାଏ, ଯାହା କ୍ରାନ୍ତୀୟ ଅଞ୍ଚଳରେ ଉଷ୍ମ ଏବଂ ବର୍ଷା ଋତୁ ଅଟେ। ସମ୍ବାଳୁଆଗୁଡ଼ିକ ଧୂସର ରଙ୍ଗର ପଟ୍ଟି ବା ରେଖା ସହିତ ହଳଦିଆ ରଙ୍ଗର ହୋଇଥାଏ। ରେଖାଗୁଡ଼ିକ ସେମାନଙ୍କ ଶରୀର ଲମ୍ବ ଦିଗରେ ହୋଇଥାଏ ଏବଂ ସେମାନଙ୍କର ଛୋଟ କଳା ଦାଗ ଥାଏ। ବୟସ୍କ ପ୍ରଜାପତିମାନେ ଧଳା (ପୁରୁଷ) ଏବଂ ମାଇ କୀଟ ମଳିନ ଧଳାରୁ ଧୂସର ରଙ୍ଗର ହୋଇଥାଏ। ବୟସ୍କମାନେ ପ୍ରାୟ 19 ଦିନ ବଞ୍ଚନ୍ତି | ଖାଦ୍ୟ, ସାଥୀ, ଏବଂ ଶିଶୁ ଅବସ୍ଥା ପାଇଁ ଭଲ ଅବସ୍ଥା ଖୋଜିବା ପାଇଁ ସେମାନେ ଦୀର୍ଘ ଦୂରତା ଯାତ୍ରା କରନ୍ତି। ଅଧ୍ୟୟନରୁ ଜଣାପଡିଛି ଯେ ଏହି କୀଟ ଓଦା ଏବଂ ଉଷ୍ମ ଅବସ୍ଥାରେ ତାପମାତ୍ରା 16 ରୁ 35 ° C ମଧ୍ୟରେ ରହିଥାଏ। ତଥାପି ଥଣ୍ଡା ପାଗ ଏବଂ ପ୍ରବଳ ବର୍ଷା ସେମାନଙ୍କ ପାଇଁ ବଞ୍ଚିବା କଷ୍ଟକର କରିଥାଏ।
ସୁରକ୍ଷାତ୍ମକ ଉପାୟ
- ଉପଲବ୍ଧ ଥିଲେ ପ୍ରତିରୋଧୀ କିସମ ବ୍ୟବହାର କରନ୍ତୁ। ବାଇଗଣୀ କିମ୍ବା ନାଲି ବନ୍ଧାକୋବି କିସମ ଲଗାନ୍ତୁ, ଯେହେତୁ ତାହା କୋବି ପୋକ ଏବଂ ପ୍ରଜାପତିକୁ କମ୍ ଆକର୍ଷିତ କରିଥାଏ। ଆକ୍ରାନ୍ତର ଲକ୍ଷଣ ପାଇଁ ନିୟମିତ ଭାବରେ ଖାଇବା ଜନିତ କ୍ଷତ ଏବଂ ଅଣ୍ଡା ପାଇଁ ଗଛଗୁଡିକ ଉପରେ ନଜର ରଖନ୍ତୁ। ଏହା ମିଳିବା ପରେ ଅଣ୍ଡାକୁ କାଢି ଦିଅନ୍ତୁ। ପରଭକ୍ଷୀ ଏବଂ ପକ୍ଷୀ ଭଳି ପୋକର ପ୍ରାକୃତିକ ଶତ୍ରୁମାନଙ୍କ ପାଇଁ ବାସସ୍ଥାନକୁ ସୁରକ୍ଷା ଦେଇ ଜୈବ ବିବିଧତା ସଂରକ୍ଷଣ କରନ୍ତୁ। ଭାସମାନ ଧାଡି ଆବରଣ ବ୍ୟବହାର କରନ୍ତୁ, ଯାହାକି ଗଛ ନିକଟକୁ ଏହି କୀଟ ପହଞ୍ଚିବାରେ ବାଧା ଦେଇଥାଏ। ଥାଇମ, ସେଜ, ରୋଜମ୍ୟାରୀ, ଗେଣ୍ଡୁ ଓ ନାସ୍ଚୁ ର୍ଟିଅମ ଭଳି ଗଛକୁ ଅନ୍ତଃ ରୋପଣ କରି ପଲିକଲଚର ଓ ସହ-ରୋପଣ କରନ୍ତୁ। ପୁରୁଷ ପୋକକୁ ଧରିବା ଏବଂ ସେମାନଙ୍କର ପ୍ରଜନନକୁ ବାଧା ଦେବା ପାଇଁ ଥୋକ ଲଗାଇ ପ୍ରଜାପତି ଜନ୍ତା ଟାଙ୍ଗନ୍ତୁ।.
ସେୟାର କରନ୍ତୁ
ପ୍ଲାଣ୍ଟିକ୍ସ ଡାଉନଲୋଡ୍ କରନ୍ତୁ
