ଦକ୍ଷିଣୀ ସବୁଜ ଗନ୍ଧି ପୋକ

ଏହାର କାରଣ କଣ

ଏହି କ୍ଷତି ନେଜରା ଭିରିଡୁଲା ନାମକ ଏକ ଭୃଙ୍ଗ ଦ୍ଵାରା ହୋଇଥାଏ, ଯାହାକି ମୁଖ୍ୟତଃ କ୍ରାନ୍ତୀୟ ଓ ଉପକ୍ରାନ୍ତୀୟ ଅଞ୍ଚଳ ସମେତ ବିଶ୍ଵର ସବୁ ଅଞ୍ଚଳରେ ଦେଖା ଯାଇଥାଏ। ଏହାକୁ ଗନ୍ଧି ପୋକ/ଭୃଙ୍ଗ କୁହାଯାଏ, ଯେହେତୁ ଏମାନେ ବିପଦର ସମ୍ମୁଖୀନ ହେଲେ ଏକ କଡା ଗନ୍ଧ ଛାଡି ଥାଆନ୍ତି। ଏହି ଭୃଙ୍ଗ ପାଟିରେ ଥିବା ସୂକ୍ଷ୍ମ ଗୋଜିଆ ଅଂଶ ଦ୍ଵାରା ଫସଲକୁ ଫୋଡି ଖାଇଥାଏ। ପ୍ରକୃତ ଖାଇବା ଜନିତ କଣା ସାଙ୍ଗେ ସାଙ୍ଗେ ଦେଖା ଯାଏ ନାହିଁ। ଉଭୟ ବୟସ୍କ ଏବଂ ଶିଶୁ ଅବସ୍ଥାରେ ଏମାନେ ଗଛ ଖାଆନ୍ତି। ସେମାନେ ଗଛର କୋମଳ ଅଂଶ ( ବଢୁଥିବା ଡାଳ, ଫଳ, ଫୁଲ)କୁ ଖାଇବାକୁ ପସନ୍ଦ କରିଥାନ୍ତି। ଅଣ୍ଡାରୁ ବାହାରିବା ପରେ ଶିଶୁ ଭୃଙ୍ଗ ଅଣ୍ଡା ପାଖରେ ରହିଥାଏ। ବୟସ୍କ ଉଡିପାରେ ଚାରିଆଡେ ଗତି କରିପାରେ। ସେମାନେ ସାଧାରଣତଃ ସବୁଜ ବର୍ଣ୍ଣର ଅଟନ୍ତି ଏବଂ ତେଣୁ ଗଛରେ ଚିହ୍ନଟ କରିବା କଷ୍ଟକର ହୋଇଥାଏ। ସେମାନେ ବଢିବା ସମୟରେ ଦେହର ରଙ୍ଗ ପରିବର୍ତ୍ତନ ହୋଇଥାଏ, ପ୍ରତି ଅବସ୍ଥାରୁ ଅଧିକ ସବୁଜ ହୋଇଥାନ୍ତି। ସାଧାରଣତଃ, ସେମାନେ ସକାଳେ ଗଛର ଉପର ଅଂଶକୁ ଗତି କରିଥାନ୍ତି।